Yosua 5:14 - ICIGHAN BIBILO

¹⁴ Nan kaa er: Ei! Mo M ngu kur u ikumutya i TER; M va hegen. Tsô Yosua gure wa ityough inya, a sugh, a kaa a Nan er: Ka nyi i lu ter pe kaan wanakiriki Naa?

Yosua 5:14 Iomraidhean Croise

Genese 17:17

Tsô Aberaham gure wa ityough inya, gba sen, kaan ken ishima na er: Or u nan lu anyom deri kpaa, nana mar wana? Sara u a lu anyom akunduanyiingber je kpaa una mara?

Genese 17:3

Tsô Aberam gure wa ityough inya, Aôndo gema ôr kwagh a na kaa er:

2 Samuel 7:19

Kwagh ne kpaa ka kwagh u kiriki sha ashe Ou tsô, Tere AÔNDO, U ter kwagh u ya u wanakiriki Wou sha ayange a ken hemen ca je, ngu ka tindi sha ci u ior je, Tere AÔNDO.

2 Samuel 7:20

Ka nyi je Davidi una shi á seer kaan We? Gadia U fa wanakiriki Wou, Tere AÔNDO.

Upasalmi 110:1

TER kaa a Terem er: Temam ken uwegh ku yanegh, zan zan Me gema mbaihomov Ou vea hingir We kwagh u pendan angahar sha mi.

Upasalmi 24:10

Ka an nan lu Tor u iengem nee? ka TER u akum a Sha, ka Un A lu Tor u iengem ye. Ka Pasalmi u Davidi

Ekesodu 4:10

Tsô Mose kaa a TER er: Tere, mo m ngu or u fan kwaghôron ga, ngise kpaa ga, shin hegen er U er kwagh a wanakiriki Wou ne kpaa ze; gadia kwaghôron eren mo ican, nombor kpa yuhwam.

Ekesodu 4:13

A kaa er: Ku, Tere, ma U shi tindi orgen.

Yesaia 55:4

Nenge, M ver un Mer, a̱ lu shiada hen ior a̱ lu orhemen man orwan akuraior kwagh.

Yesaia 6:8

Tsô m ungwa imo i Ter lu kaan er: Ka an Me tindi nan, man ka an nana za sha ci Wasa? Tsô m kaa mer: Mo ne, tindim.

Esekiel 3:23

Tsô m mough, m due, m za shin pev; man nenge, iengem i TER tile her, er ka i m vande nengen a i hen kpeifi u Cebar la nahan; tsô m gba, m kuma ityough inya.

Daniel 10:13

Kpa ortaregh u tartor u Pershia la hendan a mo ayange ikundu kar môm; nenge, Mikael, u môm ken mbatarev mba vesen va wasem; nahan m shi her a utor mba Pershia.

Daniel 10:21

Nahan kpaa me ôr u kwagh u i nger ken Ruamabera u mimi la, ma or u tavershima u wasen mo u nôngon a ve nan ngu ga, saa Mikael ortaregh wen.

Daniel 12:1

Hen shighe la Mikael, ortaregh u a nengen sha ônov mba nongo wou la, una mough á tile sha; ican ia er sha shighe la, imba i i lu a er mayange ga yô, hii sha shighe u ikurior i lu sha won, zan zan ar hen shighe ne; hen shighe la, á yima ior ou, hanma or u i nger nan ken ruamabera yô.

Daniel 8:11

Een, a kende iyol na sha zan zan a za ar sha Tor u akum a Sha kpaa; a ngohol Un nagh ku nanden ku gbem la kera, a yôhôl icighanjiir Na kera kpaa.

Levitiku 9:24

Usu due sha ishigh ki TER, hia nagh ku nanden sha atse kua ahôm la cii; ior cii mba nengen nahan yô, ve gba gbiren awer, ve kuma ityough inya.

Numeri 16:22

Kpa ve gure ve kuma ishiv inya, ve kaa er: Ahii! Aôndo u ujijingi mba uumace cii, or môm nan er kwaghbo, tsô Ú gema Ú yuwe ior cii?

Numeri 16:45

Kar nen hen ior ne kera, Me tim ve icin i môm; tsô ve gure ve kuma ishiv inya.

Numeri 22:31

Tsô TER bugh Balaam ashe, a nenge Ortyom u TER tile sha gbenda tsuwa sanker kôr sha uwe; nahan a suwa ityough inya, a gure a kuma ishigh inya.

Mateu 22:44

Ter kaa a Terem er: Temam ken uwegh ku yanegh zan zan Me gema mbaihomov Ou ve̱ hingir We kwagh u pendan angahar sha mi?

Mateu 8:2

Orimande va her a Na, va gure Un inya, kaa er: Tere, aluer Wea rumun yô, U fatyô u wanger mo.

Luka 1:43

Man er nan man i lu mo ngô u Terem a ve hen mo?

Luka 20:42

Gadia Davidi iyol na kaa ken ruamabera u Upasalmi er: Ter kaa a Terem er: Temam ken uwegh ku yanegh,

Luka 5:12

Tsô er A lu ken wangar ugen yô, nenge, orgen lu a imande iyol yoholoo; nengen a Yesu yô, a gure, a kuma ityough inya, a gba zamber a Na, kaan er: Tere, a lu ishima You yô, U fatyô u wanger mo.

YOHANE 20:28

Toma gema kaa a Na er: Terem man Aôndo Wam.

Aerenakaa A Mbaapostoli 9:6

Kpa mough sha, za nyôr ken gar, tsô á ôr u kwagh u a doo u ú er yô.

Mbafilipi 3:8

Mimi je m nenge akaa cii hingir mo msaa sha ci u mfe u fan Kristu Yesu Terem la a hembe ica yum yô. Ka sha ci Na man m de akaa cii a saam ye, m nenge a hingir mo hôngor sha u Kristu Una lu mtsera wam yô,

Mbaheberu 2:10

Gadia Un u akaa cii a dugh her a Na yô, er A lu van a ônov mba nomso kpishi ken iengem yô, doo u Una sôr Orhemen u myom ve, A̱ hingir vough, sha atsan a yan.

Yosua 20:1

Tsô TER ôr kwagh a Yosua kaa er:

Mpase U Yohane 12:7

Tsô ityav gba Sha, Mikael kua mbatyomov nav lu nôngon a darakon. Darakon a mbatyomov nav kpaa lu nôngon,