Yosua 5:1 - ICIGHAN BIBILO

¹ Tsô zum u utor mba Mbaamor cii mba ve lu yande Yordan, vegher u shin ityôtar la, kua utor mba Mbakanaan cii mba ve lu hen kpe u Zegemnger la, ve ungwa gwa u TER tôndo mngerem ma Yordan sha ishigh ki Mbaiserael zan zan se per yô, ishima shoughom ve ker, ma ishima i taver kera lu ker a ve ga, sha ci u Mbaiserael.

Yosua 5:1 Iomraidhean Croise

Genese 12:6

Tsô Aberam gba zenden ken tar la zan zan za ar hen tembe u Shekem, hen kon u terebin u More. Sha ayange la Mbakanaan lu ken tar la.

Genese 48:22

Man shi mo m seer we kwar môm hemba u anngôôv ou la, ka kwar u m ngohol sha ikev i Mbaamor sha sanker wam kua ada wam yô.

2 Samuel 21:2

Tsô tor yila Mbagibeon, kaa a ve er (Mbagibeon yô, ka mba ken nongo u Mbaiserael ga, kpa ka mba ken Mbaamor mba ve shi her la, man iyange Mbaiserael ve bum a ve; kpa Saulu yô, lu un ka wuan ve, sha ci u ishima i tseen na sha Mbaiserael kua Mbayuda),

1 Utor 10:5

man kwaghyan u sha tebul na man injamtem i ior nav man injamtil i mbatomov nav man akondo a ve man mbanan un kwaghman kua nagh nagh ku nanden ku a naan ken iyou i TER yô, kondo un iyol gbong.

Esera 9:1

Zum u i kure akaa ne yô, atiator va her a mo, ve kaa er: Ior mba Iserael man upristi kua Mbalevi ve kem ayol a ve sha akaahôngorough a ior mba hen ityar ne ga, ka i Mbakanaan man Mbahiti man Mbaperishi man Mbayebushi man Mbaamon man Mbamoabi man Mbaigipiti kua Mbaamor je la.

Upasalmi 135:11

Shihon, tor u Mbaamor, man Ogo, tor u Bashan, kua ityartor i Kanaan cii kpaa.

Ekesodu 23:28

Me na, ihambe ia vande hemen a we ia za zenda Mbahivi man Mbakanaan man Mbahiti sha ishigh you kera,

Yesaia 41:5

Ityar i hen kpezegemnger nenge, nahan i cia, akighir a tar cii gbidye akarkase iyol; ve gba kporom ikua, van.

Esekiel 16:3

kaa a na wer: Ter AÔNDO ngu kaan a Yerusalem nahan er: Mdugh wou man mmar wou ka ken tar u Kanaan, teru ka Oramor man ngôu ka kwase u Hiti.

Esekiel 21:7

Tsô zum u vea pine u er: Ka nyi man u shirin ishima? Yô, kaa wer: Ka sha ci u loho, gadia ngu van; hanma ishima ia sough, ave cii aa shir livaa, hanma jijingi una vôr, man anu cii aa taver ga er mngerem nahan, nenge, ngu van, kwagh una va er kpee, kape Ter AÔNDO A kaa ne.

Daniel 5:6

Tsô mluashe u ishigh ki tor gema kposo, mbamhen nav kpaa ta un mciem iyol; uijuan mba iwenge na oghom, anu a na kpaa gba kunden ikarikase, zuan.

Amoshi 2:9

Nahan kpaa ka Mo M tim Amor sha ishigh vegh, u ityaven na lu er ityaven i usedar je, man a taver agee er ikon i ouki yô; M tim atam a na sha man amise na kpaa shin inya.

Numeri 13:29

Mbaamaleki tema ken tar u Imbusutariyan la; Mbahiti man Mbayebushi kua Mbaamor gema tema sha iwo; Mbakanaan gema haa vegher u shin zegemnger man hen kpe u Yordan.

Yosua 17:12

Kpa ônov mba Manase fatyô u zendan mba ve tema sha agar a ngara kera ga; Mbakanaan gba teman a ve ken tar la tsô.

Yosua 17:18

kpa tar u iwoogh ua hingir u wou, gadia shin er u lu ikô nahan kpaa ú paa u, nahan tar u u dondo a i la kpaa ua hingir u wou; gadia ú zenda Mbakanaan kera shin er ve lu a akeke a iyôô, ve taver nahan je kpaa.

Yosua 24:15

Kpa aluer, u civir TER, á lu ne kwagh u bo yô, tsuwa nen u i lu ne ka civir la nyian, shin a lu Mbaaôndo mba Ifi yandera mba uter enev lu civir la, shin mbaaôndo mba Mbaamor, mba ne tem ken tar ve ne; kpa mo a ya wam cii yô, ka TER sé civir Un ye.

Yosua 3:16

tsô mngerem ma senen mara tile ijiir i môm, mor yem ca je hen Adam, gar u lu hen kpe Saretan la; mngerem ma senen shin zegemnger u Araba la, ka Zegemnger u Bar je la, i tôndo ma wang; nahan ior per sha ishigh ki Yeriko jighilii.

Yosua 3:17

Upristi mba ve tee areki u ikuryan u TER, tile dông sha tareghnyaagh shin atô u Yordan, tsô Mbaiserael cii per sha tareghnyaagh zan zan ior cii per Yordan bee ca ca.

Mpase U Yohane 18:10

Vea tile ken ica vea cia atsan a na la vea kaa er: Kwagh tser u ve! Kwagh tser u ve! We, zegegar ne, Babilon u taver ne, ijir you kure ken ihwa i môm tsô.

Mbaajiriv 1:1

Tsô Yosua kpe kera yô, Mbaiserael pine TER, ve kaa er: Ka an wase nana̱ vande za nôngon ityav a Mbakanaana?

Mbaajiriv 11:23

Ka ape TER, Aôndo u Iserael, lu numun Mbaamor ken tar ve, sha ishigh ki ior Nav Iserael kera la, nahan we ú gema ú ngohol u ve zee?

Mbaajiriv 3:3

ka utor utaan mba Mbafiliti, man Mbakanaan cii man Mbashidon kua Mbahivi mba ve tema sha uwo u Lebanon, hii hen uwo u Baal-hermon zan zan ar gbenda u karen zan Hamati la.

Mbaajiriv 4:2

Tsô TER tee ve, ve hingir sha ikev i Yabin tor u Kanaan, u a lu tor ken Hasor la; orhemen u akumautya na lu Shisera, u a tema ken Harosheti u atôatyev la.

1 Samuel 25:37

Tsô sev mbu aven wain samben Nabal ashe yô, kwase na ôr un akaa la, ishima na maa hume, a hingir er iwen nahan.