Yosua 4:6 - ICIGHAN BIBILO

⁶ sha er i̱ hingir ne ikav yô. Aluer iyange igen ônov enev vea pine ne er: Inja i awen ne yô, ka nyi?

Yosua 4:6 Iomraidhean Croise

Upasalmi 44:1

Se ungwa sha ato ase je, Aôndo, uter asev ôr se, tom u U er sha ayange a ve, sha ayange a ngise la.

Upasalmi 71:18

Een, zan zan shighe u m bee iyol, m mende ivu kpaa, de undun mo ga, Aôndo, saa me kar pasen agee a Ou hen kov u ua va la, man tahav Ou kpaa hen hanma or u nana va lu la.

Ekesodu 12:14

Iyange ne, i̱ lu ne iyange i umbur, ver nen i, i̱ hingir iniongo i civir TER; yaan nen i sha ikov ikov, i̱ hingir ne tindi u eren nahan gbem sha won je.

Ekesodu 13:14

Tsô zum u wan wou una pine u iyange igen er: Inja i kwagh ne ka nyi? Kaa un wer: Ka sha uwegh ku ageegh je TER due a vese ken tar u Igipiti ken ya u ikpan ye;

Ekesodu 13:9

A̱ hingir we ikav sha uwegh ough, kua ikav i umbur sha kungwa wou, sha u tindi u TER a̱ lu u ken zwa yô; gadia ka sha uwegh ku ageegh je, TER due a we ken tar u Igipiti ye.

Ekesodu 31:13

Ôr kwagh a Mbaiserael, kaa ve wer: Waan nen ayange a memen Am iko kpee je, gadia ka ikav i hen atô Wam a ven sha ikov ikov, sha u u̱ fa er Mo M lu TER u M tsegh ne, ne hingir wang yô.

Yesaia 38:19

Or u uma, or u uma, ka nan je nana wuese We ye, er mo m eren nyian nahan; ter ka a tese ônov nav jighjigh Wou.

Yesaia 55:13

Kon u fer ua mende sha ityough ki saa, kon u mertel ua mende di sha ityough ki sagher; kwagh ne una hingir TER iti, icôronikav i á vihi i kera mayange je ga yô.

Esekiel 20:12

Man shi M na ve ayange a memen a Am sha u a̱ lu ikav her atô Wam a ve, sha u ve̱ fa er Mo TER M tsegh ve yô.

Esekiel 20:20

tseghan nen ayange a memen a Am nahan aa hingir ikav her atô Wam a ven, sha er ne̱ fa er Mo M lu TER, Aôndo wen, yô.

Numeri 16:38

ka ugbande mba kwaghhumandoon mba ior mba asorabo a ve a ne ve ku ne; i var iyôv mbi par par mbi cirin atse a nanden nagh sha mi la a mi; gadia ve va a mi sha ishigh ki TER, ka nahan man ve hingir uicighanmbaakaav ye; nahan vea lu Mbaiserael ikav.

Aerenakaa A Mbaapostoli 2:39

Gadia ityendezwa ngi sha ci wen kua ônov enev man mba ve lu ken ica la cii kpaa, ka mba Aôndo Ter wase Una yila ve er ve̱ va her a Na la cii.

Duteronomi 11:19

Man tesen ônov ou a, ôron kwagh u a, zum u wea tema hen ya wou, man zum u wea zenden sha gbenda, man zum u wea yav inya man zum u wea moughon sha kpaa.

Yosua 22:27

kpa a̱ lu shiada hen atô wase a ven man hen atô u icombor yase i ken ijime yase, er se civir TER sha ishigh Nagh sha iniav yasev mbi nanden man iniav yasev mbi sôngon kua iniav yasev mbi bem, sha ci u iyange igen ônov enev ve̱ de kaan a ônov asev er: Ne mba a ma kwar hen TER ga, ze.

Yosua 4:21

A ôr kwagh a Mbaiserael, a kaa er: Sha ayange a ken hemen zum u ônov enev vea pine uter vev, er: Inja i awen ne yô, ka nyi?

Yosua 4:5

Yosua kaa a ve er: Kar nen sha hemen u areki u TER, Aôndo wen, hungwa nen shin atô u Yordan; yô, hanmô nana̱ tôô iwen i môm sha vandegh ku nan, sha iyenge i ikwe i Mbaiserael vough,