Yosua 3:4 - ICIGHAN BIBILO

⁴ Kpa na nen ian hen atô wen a na, i̱ kuma aseva dubu uhar nahan; de mgbôghom nen a na ga, sha u ne̱ fa gbenda u né ze sha mi yô; gadia ne mba a vande karen hen gbenda ne ga.

Yosua 3:4 Iomraidhean Croise

Genese 31:2

Yakob kpaa, er a nenge ishigh ki Laban yô, nenge, ki kera lu a na er ngise nahan ga.

1 Kroniku 11:2

Sha ayange a tsuaa a Saulu lu tor la je kpaa, lu we je u hemen Iserael, u duen a ve, shi u nyôron a ve kpaa ye; man TER, Aôndo wou, kaa a we er: Ka we ú kuran ior Av Iserael, shi ka we ú lu orhemen u ior Av Iserael kpaa ye.

Upasalmi 25:12

Ka anti nan cie TERE? Una tese nan gbenda u nana̱ tsuwa yô.

Upasalmi 89:7

Ka Aôndo u i cie Un kpishi ken mkohol u uicighanmbaiorov, A cier iyol hen mba ve kase Un cii.

Ekesodu 19:12

Man shi ver ior ikighir, i̱ ningir i̱ tser, kaa wer: Ver nen ishima, de undu nen sha uwo la ga, shin mbende tsô kpaa, de benden nen a itine i u ga; hanma or u nana bende a uwo la yô, á wua nan kpee je;

Ekesodu 3:5

Shi A kaa er: De kporom heen ga; tsuwa akôv shin angahar a ou kera, gadia ijiir i u til her ne, ka icighanjiir je.

Ekesodu 4:10

Tsô Mose kaa a TER er: Tere, mo m ngu or u fan kwaghôron ga, ngise kpaa ga, shin hegen er U er kwagh a wanakiriki Wou ne kpaa ze; gadia kwaghôron eren mo ican, nombor kpa yuhwam.

Yesaia 30:33

Gadia i vande sôron Tofeti ngise je; i sôr un sha ci u utor kpaa; A er un a za man a gbanger kuma sha ci u usu man ikon kpishi je; iôôn i TER ngi er ka ikuwan i sulfur nahan, ngi tsaren un.

Yesaia 48:17

TER Orpaan wou, Icighan u Iserael, ngu kaan nahan er: Mo M ngu TER Aôndo wou, M tese u kwagh u una lu u a inja yô, M hemen we sha gbenda u ú zende sha mi la.

Yosua 3:3

ve kaa ior er: Zum u né nenge areki u ikuryan u TER, Aôndo wen, man Mbalevi mba ve lu upristi mba ve tee un la yô, mough nen hen ijiir i ne hee ne, dondo nen sha mi.

Yosua 3:5

Tsô Yosua kaa a ior er: Tsegha nen ayol a en; gadia kper TER Una er akaakpilighyol hen atô wen.