Yosua 3:15 - ICIGHAN BIBILO

¹⁵ zum u mba ve tee areki, ve ar hen Yordan, man angahar a upristi mba ve tee areki mire shin kpemnger yô, gadia shighe u sunda cii, Yordan ka a sar avenge,

Yosua 3:15 Iomraidhean Croise

2 Utor 2:6

Tsô Eliya kaa a na er: Shi lu heen, gadia TER tindim hen Yordan. A kaa er: Er TER A lu u uma man we kpaa u lu uma ne, me undu u ga. Nahan ve gba yemen hemen.

1 Kroniku 12:15

Ka ve je ve per Yordan sha uwer u hiihii ye, zum u ifi sar avenge cii la; ve zenda mba ve lu ken upev cii, vegher u sha ityoughkitaregh kua shin ityôtar kpaa.

1 Kroniku 12:16

Tsô ônov mba Benyamin mbagenev kua mba Yuda kpaa va hen Davidi hen garutya.

Yesaia 26:6

Nguhar ua ndyar un, ka angahar a mbaatsanev kua angaharandyaren a mbaibanave je la.

Yeremia 12:5

Aluer u gba ayem a mbazenden sha angahar kpa u vôr yô, nahan á er nan man ú nyôngoso a anyinya? Man aluer ken tar u bem kpaa ishima ngi nyian we yô, nahan ú er nan ken gborikô u Yordana?

Yeremia 49:19

Nenge, nana kôndo er begha u a dugh hen gborikô u Yordan sha u za tan num sha ijiir i ilev mbi ye toho her gbem yô; gadia Me zenda ve heregh kera fese, man wen u i tsough un la, Me ver un sha i; gadia ka an nan lu er Mo? Man ka anti je nana verem iyange? Man ka an nan lu orkuranilev u nana tile sha ishigh Yagha?

Nahum 1:4

Ka A zôhô a zegemnger, A er un a̱ uma, A uma uifi cii; Bashan use kua Karmel, man imondon u sha Lebanon kpaa use.

Yosua 3:13

Tsô shighe u akevangahar a upristi mba ve tee areki u TER, TER u tar cii, aa tile shin mngerem ma Yordan yô, á tôndo mngerem ma Yordan ma senen mara, maa tile er kpekpe nahan.

Yosua 4:18

Tsô zum u upristi mba ve tee areki u ikuryan u TER la due shin Yordan sha, mba pende akevangahar sha tar yô, mngerem ma Yordan hide zua her, ma sar avenge er ma vande lun nahan.