Yosua 3:11 - ICIGHAN BIBILO

¹¹ Nenge, areki u ikuryan u TER u tar cii ngu karen sha ishigh yenegh hungwan shin Yordan.

Yosua 3:11 Iomraidhean Croise

1 Kroniku 29:11

We TER, U kuma ivesen man agee man iengem man mhembe man icivir, akaa a Sha man a shin tar cii ka a Ou; We TER, U kuma u teman tor, U ngu ityough sha akaa cii.

Yobu 41:11

Ka an nan vande nan Mo kwagh er Me shi Me hire nan a mini? Hanma kwagh u shin tar cii ka u Wam.

Upasalmi 24:1

Tar ka u TER je, man m-iv u u, tar u sha won cii a mba ve lu ken u kpaa.

Upasalmi 97:5

Iwo sough er tsur nahan sha ishigh ki TER, sha ishigh ki TER u tar cii.

Yesaia 3:12

Ior Av mban, mba ve kighir ve a ican yô, ka mbayev, kasev kpaa mba yan tor sha a ve. Ior Av, mba ve hemen ne la, ka ve je ve tsume a ven ye, man gbenda u ma u ze sha mi la, ve vihi u kera.

Yesaia 54:5

Gadia u A gbe u la, ka nomu je la, iti Na er, TER u akum a Sha je; man Icighan u Iserael ka Orpaan wou; á yila Un er Aôndo u sha won cii.

Yeremia 10:7

Ka an je nana cia U ga, We Tor u akuraioro? Gadia We U kuma; gadia mbafankwagh mba akuraior cii, kua icivir i utor vev cii, ma or môm ngu er We nahan ga.

Mika 4:13

Mough sha, shoghol iyiav, we wankwase u Shion; gadia Me gema korough ough kua hingir iyôgh man apande a ou kpaa aa hingir togula; wea hembe ior kpishi avur avur, wea tsegha mtsera ve sha ci u TER man inyaregh vegh kpaa kia lu sha ci u TER u sha won cii.

Sefania 2:11

TER Una cier ve iyol; gadia Una bunde icivir i mbaaôndo mba shin tar cii kera; ior vea civir Un hanma or hen ijiir i nan, ityar i shin kpezegemnger i akuraior cii.

Sekaria 14:9

TER Una tema tor sha tar cii; sha iyange la TER Una lu môm man iti Na kpaa ia lu i môm.

Sekaria 4:14

Nahan a kaa er: Mban ka mba uhar mba i shigh ve mkurem, mba ve til sha ishigh ki Ter u taregh cii yô.

Sekaria 6:5

Nahan ortyom la gema kaa a mo er: Angan ka ahumbe a anyiin a Sha a a dugh er a vande tilen sha ishigh ki Ter u taregh cii yô.

Duteronomi 9:3

Yô, fa nyian, TER, Aôndo wou, ka Un je A lu peren hemen ne, er usu u hian nahan ye; Una tim ve, Una er ve vea var inya sha ishigh you; nahan ú tim ve fese, er TER A kaa nahan.

Yosua 3:13

Tsô shighe u akevangahar a upristi mba ve tee areki u TER, TER u tar cii, aa tile shin mngerem ma Yordan yô, á tôndo mngerem ma Yordan ma senen mara, maa tile er kpekpe nahan.