Yosua 24:26 - ICIGHAN BIBILO

²⁶ Tsô Yosua nger akaaôron ne ken ruamabera u atindigh u Aôndo; a tôô zegeiwen a tim un hen kon u terebin u u lu hen icighanjiir u TER la.

Yosua 24:26 Iomraidhean Croise

Genese 31:45

Nahan Yakob tôô iwen tim i sha er i̱ lu ikav i umbur.

Genese 35:4

Nahan ve va na Yakob mbaaôndo mbagenev mba ve lu a mi cii, kua ikunya ve i ken ato; Yakob ii ve hen itinekon i terebin i hen Shekem la.

Genese 35:8

Debora, yese u Rebeka la kpe, i ii un hen Betel vegher u shin, hen itine i kon u ouki; maa ve ii un iti er Alon-bakuti (ouki u mlia).

Ekesodu 24:4

Tsô Mose nger akaaôron a TER cii; shi a mough pepe pepe, a ta atse a nan nagh sha mi hen tinewoogh la, man a tim mtôm ma awenem pue kar mhar sha ikwe i Mbaiserael pue kar ihiar la vough.

Mbaajiriv 9:6

Tsô ior mba Shekem cii kohol kua ya u Milo cii kpaa, ve za, ve za kôr Abimeleki tor hen kon u terebin u hen ikav i umbur kwagh a mi la, u u lu hen Shekem la.

1 Samuel 7:12

Tsô Samuel tôô iwen ver hen harga u Misepa vea Shen, a ii i iti er Ebeneser, a kaa er: TER wase se zan zan hen shighe ne je.