Yosua 24:25 - ICIGHAN BIBILO

²⁵ Nahan Yosua ya ikur a ior sha iyange la, a wa ve tindi kua kwaghôron u ijirigh hen Shekem.

Yosua 24:25 Iomraidhean Croise

Genese 35:4

Nahan ve va na Yakob mbaaôndo mbagenev mba ve lu a mi cii, kua ikunya ve i ken ato; Yakob ii ve hen itinekon i terebin i hen Shekem la.

2 Utor 11:17

Tsô Yehoyada er tor kua ior ve̱ ya ikur a TER er vea lu ior mba Aôndo; shi tor kpaa ya ikur a ior nav.

2 Kroniku 15:12

Shi ve ya ikur er vea ker TER, Aôndo u uter vev, a ishima ve cii kua uma ve cii;

2 Kroniku 15:15

Yuda cii ember sha ci mbum la; gadia ve bum a ishima ve i môm je, shi ve ker Un sha gbashima kpaa, nahan ve zua a Na; TER kpaa na ve mmem hen ningir la cii.

2 Kroniku 23:16

Tsô Yehoyada ya ikur a ior cii kua tor kpaa, er vea lu ior mba TER.

2 Kroniku 29:10

Hegen yô, sarem ken ishima u yan ikur a TER, Aôndo u Iserael, sha u A̱ hide a iyugh Na i vihin yum ne sha a vese kera.

Nehemia 9:38

Nahan se mba yan ikur i mimi, se mba ngeren i je; mbahemenev asev kua upristi asev mba veren ikav sha mi.

Ekesodu 15:25

Nahan a vaa a TER; tsô TER tese un kon ugen, a gbihi u shin mnger, mngerem maa hingir dedoo. A wa ve kwagh heregh, shi A na ve tindi kpaa; ka heregh kpaa, A kar ve ye;

Ekesodu 24:3

Tsô Mose va ôr ior akaaôron a TER cii, kua akaaôron a jirigh cii; ior cii rumun zwa môm, er: Akaaôron a TER A kaa cii, sé er sha mi.

Duteronomi 29:1

Angan ka akaaôron a ikuryan i TER kaa Mose er a̱ ya i a Mbaiserael ken tar u Moabi, seer sha ikuryan i A ya a ve hen Horebi la.

Yosua 24:1

Tsô Yosua kohol ikwe i Iserael cii hen Shekem; a yila mbatamen mba Iserael man mbahemenev vev man mbaajiriv vev kua mbavesen vev; tsô ve va sha ishigh ki Aôndo.

Yosua 24:26

Tsô Yosua nger akaaôron ne ken ruamabera u atindigh u Aôndo; a tôô zegeiwen a tim un hen kon u terebin u u lu hen icighanjiir u TER la.