Yosua 24:19 - ICIGHAN BIBILO

¹⁹ Tsô Yosua kaa a ior er: Ne fatyô u civir TER ga; gadia Un ka Aôndo u wang; ka Aôndo u gban iwuhe Una de ne akaabo a en kua asorabo a en ga.

Yosua 24:19 Iomraidhean Croise

2 Kroniku 36:16

kpa ve gema ve se mbatyomov mba Aôndo, ve laha kwaghôron Na, ve nenge sha uprofeti Nav kpenenene, zan zan iyugh i TER mough sha ior Nav je gbenda u vea war kera lu ga.

Upasalmi 99:3

Ve̱ wuese iti You i vesen i cieryol; Un ka Icighan je.

Upasalmi 99:5

Kende nen TER, Aôndo wase, sha, gure nen inya hen anar Na u pendan angahar sha mi; Un ka Icighan je.

Upasalmi 99:9

Kende nen TER, Aôndo wase, sha, gure civir nen Un sha icighanwo Na, gadia TER Aôndo wase, ka Icighan je. Ka Pasalmi u ishughun

Ekesodu 20:5

De gur ve inya ga, shi de civir ve kpaa ga; gadia Mo TER, Aôndo wou, M ngu Aôndo u gban iwuhe; M tsahan mbayev sha ci u iferkwagh i uter zan zan ikov itiar man inyiin kpaa i mba ve kerem ihom;

Ekesodu 23:21

Ver nen ishima sha a Na, ver nen ato sha imo Na kpaa; shi de hendan nen a Na ga; gadia Una de ne asorabo a en ga; gadia iti Yam ngi ken a Na.

Ekesodu 34:14

We yô, de gur ma aôndo ugen kposo inya ga; gayô TER u i yer Un er iwuhe la, ka Aôndo u iwuhegh je.

Ekesodu 34:7

u eren a ior udubu imôngo dedoo, u deen ifer man tindi u peren man isholibo; kpa u tsahan yô, deen ga, tsahan ônov sha ci u ifer i uter kua ônov mba ônov kpaa, zan zan kov u sha utar man shi u sha unyiin kpaa.

Yesaia 2:9

Kape uuma, ve hingir dang ne, man ior ve hee ayol a ve la; de deen ve kwaghbo ve ga.

Yesaia 27:11

Zum u agbaa a na aa use kera yô, á kever a kera, kasev vea va, vea nande a sha usu; gadia ka ior mba kaven kwagh ga, ka nahan je man Un u A gbe ve la, Una zungwe ve mhôônom ga, Un u A maa ve la, Una tese ve erdoo Na kpaa ga ye.

Yesaia 30:11

undu nen gbenda, kaha nen sha ihange kera, na nen Icighan u Iserael A̱ ndiir se ashe.

Yesaia 30:15

Gadia Ter AÔNDO, Icighan u Iserael kaa nahan er: Ka sha u hiden shi memen man né war ye, ka sha mtem u bem bem man jighjigh u nan, agee a en aa lu ye.

Yesaia 5:16

kpa TER u akum a Sha yô, á kende Un sha sha ijirôron i mimi, man Aôndo u wang tsegha iyol Na sha perapera.

Levitiku 10:3

Tsô Mose kaa a Aron er: Ka kwagh u TER A kaa je la, er: Ka hen mba ve mgbôghom a Mo la, Me pase icighanmlu Wam ye, shi Me pase icivir Yam sha ishigh ki iorough cii kpaa ye. Kpa Aron lu ving.

Levitiku 11:44

Gadia ka Mo M lu TER Aôndo wen; nahan tsegha nen ayol a en, lu nen uicighanmbaiorov je, gadia Mo M ngu icighan je; yô, de hôngor nen ayol a en sha inyarev mbi mbi kper a kpela inya ga.

Levitiku 11:45

Gadia ka Mo TER u M dugh a ven ken tar u Igipiti sha u Me lu Aôndo wen yô; lu nen uicighanmbaiorov, gadia Mo kpaa M ngu icighan je.

Levitiku 19:2

Ôr kwagh a mkohol u Mbaiserael cii, kaa a ve wer: Lu nen uicighanmbaiorov, gadia Mo TER, Aôndo wen, M ngu icighan je.

Levitiku 20:26

Lum nen uicighanmbaiorov, gadia Mo TER M ngu icighan je, M pav ne a akuraior, M ver ne kposo, sha u lu nen ior Av yô.

Levitiku 20:7

Nahan tsegha nen ayol a en, lu nen uicighanmbaiorov; gadia ka Mo TER M lu Aôndo wen ye.

Nahum 1:2

TER Aôndo ka u iwuhegh je, man oron iyev; TER ka u oron iyev man A mgbough a iyugh; TER ka u oron iyev sha mbaahendanev Nav, man ishima vihin Un a mbaihomov Nav.

Habaku 1:13

We u ashe Ou a lu wang je, a gande u kenger sha iferkwagh, man U fetyô u kenger sha kwaghbo ga, ka nyi U kenger sha mbamimiga man shi U gbe huan ving zum u orbo ka a mena or u nan hembe un perapera la nahana?

Mateu 6:24

Or môm môm ngu u nana fatyô u eren uter uhar tom ga; gadia nana kôr ugen ihom, ugen á doo nan ishima, shin nana var ken ugen, nana laha ugen. Ne fatyô u eren Aôndo tom kua inyaregh kpaa ga.

Yosua 24:18

TER zenda akuraior cii sha ishigh yasegh kera, ka Mbaamor mba ve lu ken tar ne ne; nahan yô, se kpaa sé civir TER, gadia ka Un A lu Aôndo wase ye.

Yosua 24:23

Nahan yô, dugh nen mbaaôndo mbagenev mba ve lu ker a ven la, kera gema ver nen asema a en sha TER, Aôndo u Iserael.

Rutu 1:15

Nahan a kaa er: Nenge, anngôu hide hen ityô na kua hen aôndo na kpaa; yô, we kpaa hide a anngôu imôngo.

1 Samuel 3:14

Nahan yô, M bum a ya u Eli, ibo i ya u Eli á kera ese i sha nagh ku sôngon shin nagh ku sha samuyia kpaa mayange ga.

1 Samuel 6:20

Nahan ior mba Bete-Shemeshi kaa er: Ka an nan fatyô u tilen sha ishigh ki TER, Aôndo u wang, nee? Una mough hen a vese heen yô, Una kôndo Una za sha unô?