Yosua 24:14 - ICIGHAN BIBILO

¹⁴ Nahan yô, cia nen TER, er nen Un tom sha ishima i môm man sha mimi kpaa; de nen mbaaôndo mba uter enev lu civir ve Ifi yande la kua ken Igipiti la, civir nen TER.

Yosua 24:14 Iomraidhean Croise

Genese 17:1

Zum u Aberam lu anyom akunduanyiingber kar ataankaranyiin la, TER ande hen Aberam, kaa a na er: Mo M ngu Aôndo Uhembanagee, zenden sha ishigh Yagh, nahan yô, ú lu vough.

Genese 35:2

Yakob kaa a mba hen ya na, man mba ve lu a na cii er: Haa nen mbaaôndo mbagenev mba ve lu her a ven la, kera; wanger nen ayol a en, haa nen akondo agen,

2 Utor 20:3

TERE, shi umbur er m zende sha ishigh You sha mimi a ishima i jighilii, shi m er akaa a dedoo sha ashe a Ou kpaa yô. Nahan Hesekia gba vaan tsung.

Esera 9:11

a U we se sha mbayev Ou mbaprofeti, U kaa Wer: Tar u ne ze sha u za ngohol u la, ka tar u wang ga, sha ci u mlu u wang ga u ior mba ken ityar la, sha akaahôngorough a ve iv u a mi la sha mlu ve u wang ga la, hii hen ikighir ingin ar hen ngila.

Yobu 1:1

Ngise orgen lu ken tar u Ushi, iti i nan er Yobu; or la lu or u mimi, u perapera, u cian Aôndo, paregh kwaghbo.

Yobu 28:28

kpa or yô, A kaa a nan er: Nenge, mcie u cian TER, ka kwaghfan je la, man u paven a iferkwagh ka mkav.

Upasalmi 111:10

Mcie u cian Aôndo ka mhii u kwaghfan je la, mbaeren sha mi cii yô, mba a mkav u dedoo; iwuese Na ngi gbem sha won.

Upasalmi 119:1

Mba i saan ve iyol yô, ka mba gbenda ve u lu vough, ve zenden sha tindi u TER la.

Upasalmi 119:80

Ishima yam i̱ lu vough ken akaawan a Ou, sha er kunya u̱ de kerem ga yô.

Upasalmi 130:4

Kpa We U ngu a mde u asorabo, sha er á cia U yô.

Upasalmi 81:10

Ka Mo TER M lu Aôndo wou ye, u M dugh a we ken tar u Igipiti yô; gbanger zwa wou, Mo Me iv u.

Esekiel 20:18

Shi M kaa a ônov vev ken desereti Mer: De kera zenden nen ken akaawan a uter enev ga, man shi de kera waan nen akaaôron a jirigh a ve iko ga, man shi de kera hôngor nen ayol a en sha akombo a ve kpaa ga.

Esekiel 23:3

Ve er idya ken Igipiti; ve er idya shighe u ve lu iyev la je; ka keregh i kighir ve atumba ye, man shi ka keregh kpaa i bende ve atumba a iniun ve la ave ye.

Hosea 3:5

ken masetyô la Mbaiserael vea hide man vea ker TER, Aôndo ve, man tor ve Davidi, vea va a mciem iyol hen TER man hen erdoo Na, sha ayange a masetyô la.

Levitiku 17:7

Ve̱ de kera senge iniav vev ve̱ naan ujijingi mba bov mba ve lu dondon ve, ve eren idya la ga. I̱ hingir ve tindi u gbem sha won sha ikov ikov.

Mika 6:8

Yô, A tese u, kwagh u dedoo, we or; tsô ka nyi TER A keren her a we, saa u eren kwagh u mimi man u soon u zungwen mhôônom, man u hiden a iyol ijime er u zenden vea Aôndo wou la gaa?

Luka 8:15

Kpa i hen inya i dedoo yô, ka mba ve ongo kwaghôron la man ve kusu un ken ishima i mimi i dedoo man ve ume atam sha ishimawan.

Aerenakaa A Mbaapostoli 9:31

Nahan bem gba sha nongo u Kristu u u lu ken Yudia cii, man Galilia kua Samaria kpaa; er i lu maan ve a maa, man ve lu zenden ken mciem ma Ter man ken msurshima u Icighan Jijingi yô, ve seer a seer ngeen.

2 Mbakorinte 1:12

Gadia ihagh yase yô, ka i ne, ka shiada u imo i ken ishima yase, er se lu zenden ken tar, jim je yô lu hen a ven, lu sha icighanmlu man mimi u Aôndo lu sha mfe u iyolough ga, kpa lu sha mrumun u sha mhôôn u Aôndo je.

Mbaefese 6:24

Mrumun u sha mhôôn a̱ lu sha a ve mba Ter wase Yesu a doo ve ishima sha dooshima u been ga la, cii.

Duteronomi 10:12

Hegen yô, Iserael, ka nyi TER, Aôndo wou, A keren her a we, saa di u cian TER, Aôndo wou, tsô, man u zenden sha igbenda Na cii, man A̱ doo u ishima, man u̱ eren TER, Aôndo wou, tom a ishima you cii, man a uma wou cii,

Duteronomi 18:13

Lu vough sha ishigh ki TER, Aôndo wou.

Duteronomi 6:13

Ka TER, Aôndo wou, cian Un ye, shi ka Un kpaa eren Un tom, ka iti Na kpaa bumun nen ye.

Mbafilipi 1:10

sha er né kar né fa akaa a a hembe lun a inja yô, nahan né lu wang né lu a acôghol a wan iyol ga sha iyange i Kristu,

Yosua 24:2

Yosua kaa a ior cii er: TER, Aôndo u Iserael, ngu kaan nahan er: Ngise uter enev tema Ifi yande la, ka Tera, ter u Aberaham man ter u Nahor; ve lu civir mbaaôndo mbagenev je.

Yosua 24:23

Nahan yô, dugh nen mbaaôndo mbagenev mba ve lu ker a ven la, kera gema ver nen asema a en sha TER, Aôndo u Iserael.

1 Samuel 12:14

Aluer né cian TER, né civir Un, né ungwan imo Na, né hendan a tindi u TER ga yô, man aluer ne kua tor u a tem sha a ven ne, né lu mbadondon mba TER, Aôndo wen yô, á doo;

1 Samuel 12:24

Ka TER cian nen Un ye, civir nen Un sha mimi a ishima yen cii; gadia nenge nen uzegembaakaav mba A er sha ci wen yô.

1 Samuel 7:3

Tsô Samuel ôr kwagh a ya u Iserael cii, a kaa er: Aluer nea gema hen TER sha ishima môm yô, dugh nen mbaaôndo mbagenev kua Ashetaroti kpaa ker a ven kera, ver nen asema sha TER, civir nen Un tseegh, tsô Un kpaa Una yima ne sha ikev i Mbafiliti.