Yosua 23:9 - ICIGHAN BIBILO

⁹ Gadia TER zenda akuraior a vesen a taver sha ishigh yenegh kera, kpa ne yô, ma or fatyô u tilen ne sha ishi ga zan zan nyian.

Yosua 23:9 Iomraidhean Croise

1 Utor 21:26

A er kwagh u hôngorough kpishi sha akombo a a dondo a, sha ieren i Mbaamor, mba TER zenda ve sha ishigh ki Mbaiserael kera la.

2 Kroniku 20:7

Aôndo wase, ka We man lu U zenda mba ve tema ken tar ne sha ishigh ki ior Ou Iserael kera, man U gema u, U na tsombor u ikaru Aberaham gbem gaa?

Ekesodu 23:23

Gadia Ortyom Wam Una hemen we gbenda Una za nyôr a we hen Mbaamor man Mbahiti man Mbaperishi man Mbakanaan man Mbahivi man Mbayebushi. Me tim ve kera kpaa.

Ekesodu 23:30

Me zendan ve sha ishigh you tegh tegh, zan zan ú mar ior á ngee, ú ya dyako u tar la.

Aerenakaa A Mbaapostoli 7:45

Ngun kpaa uter asev gema ngohol, nyôr di a mi a Yosua ityô, zum u ve ngohol tar u atôatyev a Aôndo vande mgbeghan a sha ishigh ki uter asev kera la, zan zan ar sha ayange a Davidi je,

Duteronomi 11:23

nahan TER Una zenda akuraior ne cii sha ishigh yenegh kera, né ngohol tar u akuraior a a hembe ne iyenge kua agee kpaa yô.

Duteronomi 7:24

Man Una na utor vev sha ikev you, ú er iti ve ia hungul sha won kera; ma or nana fatyô u tilen we sha ishi ga zan zan ú tim ve.

Yosua 1:5

Ma or nana fatyô u tilen sha ishigh you sha ayange a u lu uma ne ga; er M lu a Mose nahan, kape we kpaa Me lu a we la; Me kende u ga, Me undu u kpaa ga.

Yosua 15:14

Tsô Kalebu zenda ônov mba Anaki mba utar hen ijiir la kera, ka Sheshai man Ahiman kua Talmai ônov mba Anaki.

Yosua 23:5

TER, Aôndo wen, ka Un je, Una zenda ve sha ishigh yenegh kera, Una kar a ve sha ishigh yenegh kera, né ngohol tar ve, er TER, Aôndo wen, kaa ne nahan.

Yosua 23:8

kpa var a TER, Aôndo wen, er ne lu eren zan zan nyian nahan.

Yosua 24:18

TER zenda akuraior cii sha ishigh yasegh kera, ka Mbaamor mba ve lu ken tar ne ne; nahan yô, se kpaa sé civir TER, gadia ka Un A lu Aôndo wase ye.