Yosua 23:6 - ICIGHAN BIBILO

⁶ Nahan yô, taver nen ishima tsung, waan nen akaa a i nger ken ruamabera u atindigh u Mose la cii iko, eren nen sha mi, de undun un kahan ken uwegh ku yanegh shin ku imesegh ga;

Yosua 23:6 Iomraidhean Croise

1 Utor 2:3

ver ishima sha imo i TER, Aôndo wou, zaan sha igbenda Na, ver ishima sha akaawan a Na man atindi a Na man akaaôron a Na sha u ú lu a iveren ken akaa a ú er cii, man sha hanma ian i wea geman cii;

Upasalmi 101:3

Me kera ver kwagh u dang sha ashe am mayange ga; m kôr aeren a mba ve kaha ve undu gbenda la ihom, aa var a mo ga.

Upasalmi 119:102

M kaha m undu akaaôron a Ou a jirigh ga, gadia ka We, U tesem ye.

Yeremia 9:3

Ka ve henda nombor ve er ka ada u aiegh nahan, ve taver hen tar la, kpa lu sha mimi ga, gadia mba zan hemen hemen sha ifer, kpa Mo yô, ve kera fam ga, kape TER A kaa ne.

1 Mbakorinte 16:13

Kuran nen, tile nen dông sha jighjigh u nan. Lu nen nomsombaiorov, taver nen iyol.

Duteronomi 12:32

Hanma kwagh u m kaa ne cii, ka un ver nen ishima sha mi, eren nen ye; de seer nen ma kwaghgen sha mi ga, shi de panden kwagh ker kpaa ga.

Duteronomi 17:20

sha er nana̱ de gbanger sha anmgbianev mba nan nana̱ undu tindi ne nana̱ kaha ken uwegh ku yanegh shin ku imesegh ga, sha er á seer nan ayange ken tartor u nan a ônov mba nan ken Iserael yô.

Duteronomi 28:14

man ú kaha ken iyan shin ken imese ú undu ma kwaghôron wam u m kaa u nyian ne sha u dondon mbaaôndo mbagenev civir ve ga yô.

Duteronomi 5:32

Nahan yô, ver nen ishima u eren sha mi er TER, Aôndo wen, A kaa ne yô; de kahan nen ken uwegh ku yanegh shin ken ku imesegh kpaa ga.

Mbaheberu 12:4

Er ne lu nôngon ityav a isholibo yô, ne mba a hendan a i, i ar ken ku ga.

Mpase U Yohane 21:8

Kpa mbaciankwagh man mbanan jighjigh ga, man mba kwagh ve a ndôhôr ishima la man mbawuanior man mbadyarev man mbaahiriv man mbacivirakombo man mbaerenaie cii, kwar ve ngu ken ber u a lu hian sha usu man sulfur, ka ku u sha uhar je la.