Yosua 23:16 - ICIGHAN BIBILO

¹⁶ Aluer nea vihi ikuryan i TER, Aôndo wen, A ye a ven la, né yem né za civir mbaaôndo mbagenev, né gure ve inya yô, ishima ia vihi TER a ven, né tim ken tar u dedoo u A ne u ne, fese je.

Yosua 23:16 Iomraidhean Croise

1 Utor 14:15

Gadia TER Una gbidye Iserael er kunakwa ka u tenger shin mnger nahan; Una wuhe Iserael ken tar u dedoo ne kera, u A na uter vev la, Una sambe ve zan zan yande ifi u Uferati la; gadia ve er Asherim ve, ve bam TER sha u vihin Un ishima.

1 Utor 9:6

Kpa aluer ne de u dondon Mo, ne shin ônov enev, nea waan atindi Am man akaawan a Am a M ver sha ishigh yenegh la iko ga, nea gema nea za civir mbaaôndo mbagenev nea gure nea civir ve yô,

1 Utor 9:7

Me dugh Iserael ken tar u M ne ve ne kera, man iyou i M tsegh sha ci u iti Yam ne, Me kar a i sha ishigh Yagh kera; Iserael una hingir kwagh u wan ishenge a min ken akuraior cii;

2 Utor 17:7

Gadia Mbaiserael er TER, Aôndo ve, kwaghbo, u A due a ve ken tar u Igipiti sha ikev i Farao tor u Igipiti la, ve civir mbaaôndo mbagenev,

2 Utor 24:20

Ka sha ishima i vihin i TER, akaa la er ken Yerusalem man Yuda zan zan A ta ve sha ishigh Nagh kera ye.

Yesaia 24:5

Tar iyol i u je kpaa u hôngor sha ci u mba ve tem sha u la; gadia ve per atindi, ve wa aeren a sha ba iko ga, ve vihi ikuryan i tsôron.

Yeremia 32:23

nahan ve nyôr, ve ngohol u; kpa ve wa imo You iko ga, man shi ve zende sha atindi a Ou kpaa ga; akaa a U kaa ve Wer, ve̱ er la cii, ve er ma kwagh môm ga; ka nahan man U ne kwaghbo ne cii a va tser ve ye;

Yeremia 32:24

nenge, atihianyaagh a tav je, za ar sha gar sha u ngohol un; i gema gar i na sha ikev i mbakaldi mba ve nenge ityav a na ne, sha sanker man ijen kua bouange; kwagh u U er kpaa a kure sha mi vough; man nenge, U ngu nengen a mi kpaa.

Numeri 33:56

Nahan yô, er M we ishima u eren a ve la, kape Me er a ven je la.

Duteronomi 17:3

nana za civir mbaaôndo mbagenev, nana gure ú civir ve, a lu iyange shin uwer, shin hanma kwagh u a lu ken ikum i Sha, u Mo M ne zwa ga,

Duteronomi 28:15

Kpa, aluer ú kera ver ato sha imo i TER, Aôndo wou, ú waan atindi a Na man akaawan a Na a m we ne nyian ne cii iko ga yô, ifan ne cii ia va sha a we ia kôr u:

Duteronomi 6:15

gadia TER, Aôndo wou, u A lu u her atô la, ka Aôndo u gban iwuhe je; yô, ishima i̱ de vihin TER, Aôndo wou, a we, A̱ tim u sha tar kera ga.

Mbaajiriv 2:14

ishima vihi TER a Iserael, A gema ve A na sha ikev i mbayanshar, mbala va kuran ve akaa; shi A tee ve, ve hingir sha ikev i mbaihomov vev mba ve kase ve la, nahan ve kera fatyô u shi tilen sha ishigh ki mbaihomov vev je ga.

Mbaajiriv 2:20

Nahan ishima vihi TER a Iserael; A kaa er: Er ikurior ne i vende ikuryan Yam i M ya a uter vev la, shi ve we imo Yam iko kpaa ga yô,

1 Samuel 12:25

Kpa aluer né za hemen u eren kwaghbo yô, á tim ne, kua tor wen cii.