Yosua 23:14 - ICIGHAN BIBILO

¹⁴ Nenge nyian m ngu zan sha gbenda u ior mba sha won cii; ne kpaa ne fa ken asema a en cii kua ken uuma enev cii kpaa, ma kwagh môm sha akaa a dedoo a TER, Aôndo wen, ter sha a ven la bunde ga, a cii i kure ne a vough, ma kwagh môm bunde ga.

Yosua 23:14 Iomraidhean Croise

Genese 47:29

Er kuma pe Iserael una kpe yô, a yila wan na Yosev a kaa a na er: Aluer a doo u a mo yô, shi pendam uwegh hen ikooso yôô, er a mo dedoo kua sha mimi kpaa; ma u iim ken Igipiti ga;

1 Utor 2:2

M ngu zan sha gbenda u ior mba sha won cii; yô, taver ishima, tese iyol you er u lu nomsoor yô;

1 Utor 8:56

I̱ wuese TER u A ne ior Nav Iserael mmem, sha kwagh u A tende zwa sha mi cii yô; ma kwaghôron môm sha ityendezwa Na i dedoo cii, i A tôndo a Mose wanakiriki Na la, gba inya ga.

Yobu 30:23

Gadia m fa ka U ka zan a mo ken ku, man ken ya u i ver er uumace cii ve̱ kohol ker la.

Ekesodu 3:8

Nahan M sen sha u Me va yima ve sha ikev i Mbaigipiti, Me due a ve ken tar la, Me yem a ve ken tar u dedoo man u kehen kpaa, tar u atumbabua man iyough ve dumbur ker yô; ka ker ape Mbakanaan man Mbahiti man Mbaamor man Mbaperishi man Mbahivi kua Mbayebushi ve tem la.

Orpasenkwagh 12:5

een, nana cia kwagh u taven, akaa a cieryol aa lu sha gbenda, kon u amondi kpaa ua kpar, ahungwa kpaa una hingir zumbee, isharen kpaa ia bee kera; gadia or ngu zan hen ya u nan u tsôron, man mbazungwen mba zenden sha igbenda;

Orpasenkwagh 9:10

Hanma kwagh u uwegh ough ku zough a mi u eren yô, er un sha agee ou je, gadia ma tom shin mhen shin mfe shin kwaghfan mba shin Sheol henpe u ze la ga.

Esekiel 20:28

Gadia zum u M va a ve ken tar, u M bum a ve Mer, Me na ve la, ve gema ve nengen hanma igungu u taven man hanma kon u lun a mure, ka heregh ve na iniav vev mbi sôngon, man ka heregh ve na iniav vev mbi nan ishimavihin; shi ka heregh kpaa ve we kwaghhumandoon ve, man ve toon iniav vev mbi man ye.

Numeri 23:19

Aôndo ka or man Una er aie ga; shi ka wan u or man Una vaa afanyô kpaa ga; Una kaa kwagh yô, Una kera er sha mi gaa? Man Una ôr kwagh yô, Una kera kure sha mi vough gaa?

Luka 21:33

Sha man tar vea kar kera, kpa akaaôron Am aa kar kera mayange ga.

Mbaheberu 9:27

Er i ver ior u kpen kwa môm man á mase ôron ijir yô,

1 Samuel 3:19

Tsô Samuel vese, TER lu a na, A rumun er ma kwaghôron Na môm a̱ gba inya mayange ga.