Yosua 22:21 - ICIGHAN BIBILO

²¹ Tsô ônov mba Ruben man ônov mba Gadi kua vegherkwe u Manase gema ôr kwagh a mbahemenev mba icombor i Iserael ve kaa er:

Yosua 22:21 Iomraidhean Croise

Anzaakaa 15:1

Imo i legh legh ngi bundu ishima i nyoon, kpa kwaghôron u sha ipila yô, kenden a iyugh sha.

Anzaakaa 16:1

Mbamhen mba ken ishima ka mba iorov tsô, kpa imo i kaan ken zwa yô, ka hen TER i dugh ye.

Anzaakaa 18:13

Or u nan kaa imo je er nan lu a ungwa ga yô, á hingir lanegh ku nan man kwagh u kunya kpaa.

Anzaakaa 24:26

Or u nan kaa imo vough yô, ka or u susen orgen zwa je.

Mika 5:2

Kpa we Betelehem-efarata, er u lu kpeghee ken ikwe i Yuda, nahan kpaa ka ken a we or una duem, u una lu Orkurantar ken Iserael ye, mdugh Na hii tsuaa je sha ayange a ngise ngise la.

Aerenakaa A Mbaapostoli 11:4

Kpa Peteru hii u ôron ve akaa la cii sha adondo adondo, a kaa er:

Yakobu 1:19

Anmgbianev av mba doon mo ishima, fa nen kwagh. Hanma or nana̱ lu tsev tsev sha u ungwan kwagh kpa nana̱ gema a̱ ngôôr a kwaghôron, nana̱ ngôôr a iyugh kpaa.

Yosua 22:20

Zum u Akan wan u Sera er kwaghbo sha kwagh u i tswer i we un ifan la yô, iyugh kera va sha mkohol u ior i Iserael cii gaa? Kera lu un tseegh tim sha isholibo na ga.

Yosua 22:22

TER, Aôndo u mbaaôndo! TER, Aôndo u mbaaôndo! Un yô, A fa, man Iserael kpaa una fa; aluer ka sha mhendan shin sha tindi u peren u TER yô, de yem se nyian ga!

1 Peteru 3:15

Kpa gema tsegha nen Kristu ken asema a en, A̱ lu Ter, waan nen ago iyol veren nen a ver sha u né na imo sha mpin u hanma or u nana pine ne ityôikaa i ishimaverenkeghen i i lu ken a ven la, kpa i̱ lu sha ishima i legh legh man sha mcie kpaa.