Yosua 22:15 - ICIGHAN BIBILO

¹⁵ Ve va hen ônov mba Ruben man ônov mba Gadi kua vegherkwe u Manase ken tar u Gileadi, ve va ôr kwagh a ve, ve kaa er:

Yosua 22:15 Iomraidhean Croise

1 Kroniku 21:3

Tsô Yoabi gema kaa er: TER A̱ seer iyenge i ior Nav zan zan ve̱ hemba mba hegen kwa deri je. Ku! terem tor, ve cii ka mbayev mba terem gaa? Man ka nyi kwagh ne a sar tereme? Ka nyi man á haa Iserael ibo iyol nahana?

2 Kroniku 10:19

Kape Iserael hendan a ya u Davidi la, zan zan nyian ne.

2 Kroniku 25:27

Hii sha shighe u Amashia gema sha u den u dondon TER la je tsô, ve zua zwa sha a na ken Yerusalem; nahan a yevese a za hen Lakishi; ve tindi i tôv un angahar zan zan hen Lakishi, ve za wua un ker.

2 Kroniku 26:18

ve hendan a tor Ushia, ve kaa a na er: Ushia, u nanden TER kwaghhumandoon ne, ka kwagh wou ga, saa upristi, ônov mba Aron mba i tsegha ve er ve̱ nanden kwaghhumandoon la; due ken icighanjiir ne kera, gadia u per tindi; man kwagh ne kpaa ú zua a icivir hen TER Aôndo ga.

2 Kroniku 28:13

ve kaa a ve er: Né nyôr a mbakwarev mban heen ga; gadia ne ver ishima u seer asorabo ase kua ibo yase sha u se̱ hingir mbabov sha ishigh ki TER; gadia ibo yase vese man iyugh i tsung kpaa ngi sha Iserael.

Esera 9:15

TERE, Aôndo u Iserael, We U ngu u perapera je, gadia se mba asande a waren, er i lu nyian nahan; nenge, se tile a ibo yase iyol sha ishigh You; gadia mô u nana fatyô u tilen sha ishigh You sha ci u kwagh ne nan ngu ga.

Esera 9:2

Gadia ve er ônov vev mba kasev sha ci ve ayol a ve man sha ci u ônov vev kpaa; nahan icighantsombor nungwa a atôatyev a hen ityar ne; ka atiator man mbatarev je, ve hemen sha kwaghbo ne ye.

Upasalmi 78:8

ve̱ de kera luun er uter vev ga, kov u taver ityough u henda kwagh, kov u tilen a ishima i u vough ga, u ishima i u i lu jighilii a Aôndo ga la.

Ekesodu 32:8

Ve undu gbenda u M kaa ve Mer ve̱ za sha mi la kera kpaa, ve er wanbua u keren a ker, ve va gure un inya, ve na un nagh, ve kaa er: Iserael ka mbaaôndo ou, mba ve dugh a we ken tar u Igipiti je ne.

Yesaia 63:10

Kpa ve je, ve gema ve hendan a Na, ve vihi Icighan Jijingi Na ishima; Nahan A gema a hingir er ka orihom ve nahan, A nôngo ityav a ve iyol Na kpaa.

Levitiku 26:40

Zum la vea pase afer a ve man afer a uter vev sha mimi ga ve, u ve er a Mo sha mimin ga la, man shi er ve lu hendan a Mo kpaa yô,

Levitiku 5:19

Ka nagh ku iboogh je la; nan ngu a ibo sha ishigh ki TER kpee je.

Numeri 14:43

Gadia Mbaamaleki man Mbakanaan mba ne ken hemen keela, á wua ne sha sanker; er ne de u dondon TER yô, TER kpaa Una kera lu a ven ga.

Numeri 32:15

Gadia aluer ne de u dondon Un yô, Un kpaa Una shi á de ve, vea lu ken desereti her, nahan né tim ior mban cii.

Numeri 5:6

Kaa a Mbaiserael wer, á lu nomsoor shin kwase nana er ma isholibo i ior ve eren yô, nan kera er a TER sha mimi ga, man ibo á kôr nan yô,

Mateu 18:17

Man aluer una ungwa mbala kpaa ga yô, za kaa nongo u Kristu; man shi una ungwa nongo u Kristu kpaa ga yô, a̱ hingir we er ka ortyôtyev man orngoholkpandegh nahan.

1 Mbakorinte 1:10

M ngu zamber a ven anmgbianev, ken iti i Ter wase Yesu Kristu mer: Ne cii, lu nen zwa môm, mbampav ve̱ de lu her a ven ga, kpa zua nen, lu nen ishima i môm man mhen môm kpaa.

1 Mbakorinte 5:4

Zum u ne kohol ken iti i Ter Yesu, ne kua jijingi wam man agee a Ter wase Yesu yô,

Duteronomi 30:17

Kpa aluer ishima you ia gema, ú kera ver ato ga, i urugh we, ú za civir mbaaôndo mbagenev, ú er ve tom yô,

Duteronomi 7:4

Gadia vea gema ônov ou vea de u dondon Mo, vea gema á civir mbaaôndo mbagenev; nahan ishima á vihi TER a ven, Una tim u fese je.

Mbaheberu 12:25

Ver nen ishima, de vende nen Un u A lu ôron kwagh la ga. Gadia aluer mbala mba ve vende Un zum u A wa ve kwagh shin tar la ve war ga yô, man hire se mba se vende Un hegen er A lu ôron kwagh a vese Sha yee?

Yosua 22:12

Zum u Mbaiserael ungwa gwa la yô, mkohol u ior i Iserael cii kohol imôngo hen Shilo, sha u za nôngon ityav a ve.

Yosua 22:14

a atiator pue a na imôngo, ititor i môm sha hanma kwe u Iserael; hanmô ve lu orhemen ken ya u ter ken uipaven mba Iserael.

Yosua 22:16

Mkohol u ior i TER cii ngu kaan nahan er: Ka nyi kwaghbo ne, ne er Aôndo u Iserael ne gem nyian ne de u dondon TER, ne ta atse a en kposo hendan a TER nyiana?

Yosua 22:18

nahan kpaa ne gema nyian ne de u dondon TERE? Yô, er ne hendan a TER nyian ne, kper Una yuwe a mkohol u Iserael cii.

1 Samuel 15:23

Gadia, u hendan kwagh, ka er ishor i kpehen nahan, man ityough ki taver gema ka er akombo a sôron kua eev mbu civir nahan. Er u vende u ungwan imo i TER yô, Un kpaa A venda u, u shi lun tor.