Yosua 22:10 - ICIGHAN BIBILO

¹⁰ Zum u ve ar hen tar u u kase Yordan, u u lu ken vegher u Kanaan la yô, ônov mba Ruben man ônov mba Gadi kua vegherkwe u Manase ta atse a nanden nagh sha mi hen kpe u Yordan la, zegeatse, gba ikôr mimi.

Yosua 22:10 Iomraidhean Croise

Genese 12:7

Tsô TER ande hen Aberam, kaa er: Me na tsombor wou tar ne. Nahan a ta TER u A ande her a na la, atse a nanden nagh sha mi heregh.

Genese 12:8

A mough heregh a yem sha iwo i i lu Betel vegher u sha ityoughkitaregh la, a za tim tenti na her; Betel lu un vegher u shin ityôtar, Ai gema lu un vegher u sha ityoughkitaregh; keregh la, a ta TER atse a nanden nagh sha mi, a yila sha iti i TER.

Genese 28:18

Tsô Yakob mough pepe, a tôô iwen i a yav a penda ityough sha mi la, a tim i sha, er i̱ lu ikav i umbur; a haa mkurem sha ityough ki i.

Yesaia 19:19

Sha iyange la atse a TER a nanden nagh sha mi aa lu ken atô u tar u Igipiti, man iwen i i tim i sha, sha u umbur TER ia lu sha ikighir i u.

Yosua 22:11

Tsô Mbaiserael ungwa gwa er: Nenge, ônov mba Ruben man ônov mba Gadi kua vegherkwe u Manase, ve ta atse sha ishigh ki tar u Kanaan ken tar u u kase Yordan, vegher u ken Mbaiserael la.

Yosua 22:9

Tsô ônov mba Ruben man ônov mba Gadi kua vegherkwe u Manase hide, ve undu Mbaiserael ken Shilo u a lu ken tar u Kanaan la, ve za hen tar u Gileadi hen tar u dyako ve, u i ne ve dyako sha u, sha kwaghôron u TER u a kaa a Mose la.