Yosua 2:24 - ICIGHAN BIBILO

²⁴ Ve kaa a Yosua er: Mimi je, TER na tar la cii sha ikev yase, mba ve tem ken tar la mba gbidyen ikarikase iyol sha ci u cian se.

Yosua 2:24 Iomraidhean Croise

Ekesodu 15:15

Tsô kondo utor mba Edom iyol; mbatarev mba Moabi kpaa, akarkase gbidye ve iyol; mba ve tem ken Kanaan cii, iyol kpe ve.

Ekesodu 23:31

Me ver akighir a tar wou á hii hen Zegemnger u Nyian je zan zan á za ar hen zegemnger u Mbafiliti, shi á hii ken desereti zan zan á za ar hen ifi u Uferati, gadia Me gema mba ve tem ken tar la, Me na ve sha ikev you; ú zenda ve sha ishigh you kera.

Anzaakaa 25:13

Er mndôhôr u senou sha shighe u sunda a lu nahan, kape ortyom u jighjigh nan lu hen mba ve tindi nan la; gadia ka nan na i yôhôl uma u ter u nan iyol.

Yosua 1:8

Ruamabera u atindigh ne a̱ de karen sha zwa wou kera ga, kpa zer timen kimi tugh man atetan, sha er ú ver ishima u eren akaa a i nger kimi cii; gadia ka nahan man ikôr ia lagh u sha akaa cii, shi ka nahan man ú er kwagh sha inja kpaa ye.

Yosua 2:23

Tsô nomsombaiorov mba uhar mbala gba hiden, ve hungwa sha uwo la, ve per, ve va hen Yosua wan u Nun, ve va ôr un akaa a a er ve cii.

Yosua 5:1

Tsô zum u utor mba Mbaamor cii mba ve lu yande Yordan, vegher u shin ityôtar la, kua utor mba Mbakanaan cii mba ve lu hen kpe u Zegemnger la, ve ungwa gwa u TER tôndo mngerem ma Yordan sha ishigh ki Mbaiserael zan zan se per yô, ishima shoughom ve ker, ma ishima i taver kera lu ker a ve ga, sha ci u Mbaiserael.

Yosua 6:2

TER kaa a Yosua er: Nenge, M na Yeriko a tor na kua anomaior a utya a na sha ikev you.

Yosua 8:1

Tsô TER kaa a Yosua er: De cie ga, de luun a mciem iyol kpaa ga; kua a mbautyav cii a we imôngo; yô, mough, kôndo sha Ai; nenge, tor u Ai kua ior nav man gar na, kua tar na cii, M na u sha ikev;

Mbaajiriv 1:2

TER kaa er: Ka Yuda una za ye; nenge, M na tar ne sha ikev na.

Mbaajiriv 18:10

Zum u né za yô, né za nenge a ior mba ve tem ve hundu ishima kera la, tar la kpaa gbangese; gadia Aôndo na ne u sha ikev; ka ijiir i banen a ma kwagh sha won je ga.

Mbaajiriv 7:9

Tsô tugh mbula, TER kaa a na er: Mough, sen nyôr shin afo, gadia M na a sha ikev you.