Yosua 2:19 - ICIGHAN BIBILO

¹⁹ Nahan, aluer ma or nana due hen hunda u ya wou kera yô, ibo i awambe a nan ia lu sha ityough ki nan, se yô, sé lu a ishô; kpa ma or u nana lu ken ya wou a we imôngo yô, ibo i awambe a nan ia lu sha ityough yasegh, aluer mô wase nana bende nan ave yô.

Yosua 2:19 Iomraidhean Croise

2 Samuel 1:16

Davidi kaa a na er: Ike i awambe ou i̱ hide sha ityough you, gadia ka zwa wou je u pase u ye, er u kaa wer: M wua or u TER, u i shigh nan mkurem yô.

2 Samuel 4:11

man hile hegen u mbaaferev ve za woo ormimi ken ya na sha gambe na je, ve me kera or iyev i awambe na sha a ven me tim ne sha won kera ga yee?

1 Utor 2:32

TER A̱ hide a awambe na sha ityough nagh, sha ci u a wua ior ihiar i i hemba un perapera kua inja i doon kpaa yô, a wua ve sha sanker, terem Davidi kpaa fa ga, lu Abiner wan u Ner, orhemen u ikumutya i Iserael man Amasa wan u Yeter orhemen u ikumutya i Yuda.

Ekesodu 12:13

Awambe la, a̱ lu ne ikav sha uya mba ne lu ker la; zum u Me nenge awambe la yô, Me aver ne, Me kar; nahan kwagh u bo u timin ne, una kera tser ne ga, zum u Me tsahan tar u Igipiti la.

Ekesodu 12:22

Yô, tôô nen ikagh i hisop civ nen shin awambe a shin tasa la, shighe nen awambe a shin tasa la sha kpandehunda u sha kua ikpande i ambusu a hunda ihiar la kpaa; mô wen môm nana̱ de kera duen sha hunda u iyou i nan ga, saa sev mbu̱ av.

Ekesodu 12:23

Gadia TER Una va kar, sha u za tsahan Mbaigipiti; kpa zum u Una nenge awambe sha kpandehunda u sha man sha ikpande i ambusu a hunda ihiar yô, TER Una aver hunda la, Una kar, Una rumun Ortiminior er a̱ nyôr ken ayou a en, a̱ tsaha ne ga.

Levitiku 20:11

Or u nan yav a kwase u ter u nan yô, nan bugh idyelegh u ter u nan je ve; ve uhar cii, i̱ wua ve kpee je; awambe a ve a̱ lu sha ityouv vev.

Levitiku 20:9

Gadia hanma or u nan toho ter u nan shin ngô u nan yô, i̱ wua nan kpee je, nan tuhwa ter u nan shin ngô u nan je; awambe a nan a̱ lu sha ityough ki nan.

Mateu 24:17

U nan lu sha tor kpaa, nana̱ de hongo sha u tôôn ikav mbi ken iyou i nan ga;

Aerenakaa A Mbaapostoli 18:6

Tsô er ve lu nyiman ngegh, man tuhwan a tuhwa kpaa yô, a nduur akondo na, a kaa a ve er: Awambe a en a̱ hide sha ityough yenegh; mo yô, m ngu a ishô sha kwagh ne; masen yam yemen ken atôatyev je ne.

Aerenakaa A Mbaapostoli 20:26

Ka sha ci u nahan man m pase ne nyian ye, mo m ngu a ishô sha awambe a ior cii.

Aerenakaa A Mbaapostoli 27:31

Tsô Paulu kaa a torutya kua mbautyav er: Aluer mban vea lu shin tso her ga yô, né fatyô u waren ga.

Mbafilipi 3:9

ma i kohol mo ken a Na, m̱ de lu a perapera wam iyol yam u sha atindi la ga, kpa i̱ lu u sha jighjigh u nan u i ne Yesu la, ka perapera u a dugh her Aôndo sha jighjigh u nan la,

Mbaheberu 10:29

Ne mba nengen nana? Or u nan ndyar Wan u Aôndo shin angahar a nan shi nan nenge er awambe a ikuryan a i tsegh nan sha mi la ka kwagh u hôngorough man shi nan laha Jijingi u mhôôn la yô, mtsaha u nan una kpen vihin nan sha wonoo?

Yosua 2:12

Yô, shi bum nen a mo sha ishigh ki TER er mo m er a ven dedoo nahan, ne kpaa né er a ya u terem dedoo; nam nen ikav i mimi,

Yosua 2:14

Nomsombaiorov mbala kaa a na er: Se gema uma wase je se na sha ci u u wou, aluer wea pase kwagh wase ne ga yô; zum u TER Una na se tar ne yô, sé va er a we dedoo man sha mimi kpaa.

Yosua 2:20

Kpa aluer u pase kwagh wase ne yô, sé lu a ishô sha mbum u u ne se, se bum a we ne.