Yosua 2:11 - ICIGHAN BIBILO

¹¹ Er se ungwa gwa la nahan, asema shoughom se ker, ma or kera lu a ishima i tyaver ga sha ci wen; gadia TER, Aôndo wen, ka Aôndo u Sha man u shin tar kpaa.

Yosua 2:11 Iomraidhean Croise

1 Utor 8:60

sha u akuraior a sha won cii a̱ fa er TER, A lu Aôndo yô, mô gen ngu ga.

2 Utor 5:15

Tsô a hide hen or u Aôndo, un a ior nav cii, a va, a va tile sha ishigh nagh; a kaa er: Nenge, hegen m fa Aôndo ugen ngu sha won ga saa ken Iserael; yô, shi ngohol iwua hen wanakiriki wou.

Nehemia 6:16

Zum u mbaihomov asev cii ungwa nahan yô, atôatyev a a kase se cii, cier a iyol, iyol kpe ve, ve ure, gadia ve kav er tom ne, i lu sha agee a Aôndo wase i er u ye.

Eseter 8:17

Ken hanma ipaven, man hanma gar, henpe imo i tor kaa la man tindi na nyôr yô, Mbayuda lu a iember man ishima i saan saan, ve yôr iwer, ve er iniongo. Nahan mbagenev kpishi ken akuraior a ken tar la, ve gema ve hingir Mbayuda, gadia ve lu cian Mbayuda.

Upasalmi 102:15

Nahan akuraior aa cia iti i TER, utor mba sha won cii kpaa, vea cia iengem You.

Upasalmi 22:14

I haam kera er mngerem yô; akuhe am cii ndivir; ishima yam hingir er tsur yô, i sough ken atô wam;

Upasalmi 58:7

ve̱ sough kera er mngerem ma kuwan kera nahan; zum u una ulugh avaan yô, a̱ hingir er i tôndo a ijô kera yô;

Upasalmi 83:18

sha er ve̱ fa er We, u i yer iti You er TER la, i lu We tseegh U lu Uhembansha sha tar cii yô. Ngun ka sha ci u orhemen u mbawanatsam; i ver un sha Gititi. Ka Pasalmi u ônov mba Kora

Ekesodu 15:14

Akuraior ungwa, akarkase nga gbidyen ve iyol; mbamtoghor tser mba ve tem ken Mbafiliti

Ekesodu 15:15

Tsô kondo utor mba Edom iyol; mbatarev mba Moabi kpaa, akarkase gbidye ve iyol; mba ve tem ken Kanaan cii, iyol kpe ve.

Yesaia 13:7

Ka nahan man ave cii á shir livaa, ishima i hanma or kpaa ia sough;

Yesaia 19:1

Mkaanem ma Aôndo sha Igipiti. Nenge, TER tema sha ibeenegh ki zenden fefa, ngu van hen Igipiti; akombo a Igipiti aa gbidye akarkase iyol sha ishigh Nagh, ishima i Igipiti kpaa ia sough ken vanger na.

Esekiel 21:15

M ver ku u sha sanker sha ihinda ve cii, sha u ishima ve i̱ sough, man gbev vev mbu nôngon kpaa mbu̱ seer ngeen; kpei! i er un er ka inyiar nahan, i wua un sha u sôngon kwagh.

Nahum 2:10

Ngu a kwagh ga, ngu gbilin, hingir ice; asema sough, anu nga gbidyen ikarikase, mnyoonom ma ken awenge cii, ishiv vev cii hingir peng.

Duteronomi 1:28

Ka han sé yemene? Anmgbianev asev na se asema a yinan sha er ve kaa er: Ior mbala hemba se ikôr i gban man ityaven kpaa, agar kpaa ka a tamen, i maa a ugil tav za tagher sha aôndo je; se nenge a Mbaanaki keregh kpaa.

Duteronomi 20:8

Mbavesen mbala kpaa shi ve̱ seer ôron kwagh a ior, ve̱ kaa er: Shin ma or ngu u nan lu a mciem, nan lu a ishima i yinan ase? Yô, nana̱ hide hen ya u nan, sha er ishima i anngôôv mba nan i̱ de yen er i nan nahan ga.

Duteronomi 4:39

Fa ase nyian ne, koso ken ishima you kpaa, er i lu TER A lu Aôndo u Sha man u shin tar kpaa yô; mô gen ngu ga.

Yosua 14:8

Nahan kpaa anmgbianev av mba ve kôndo a mo imôngo ve na ior iyol i kpen; kpa mo yô, m ver ishima sha TER, Aôndo wam, jighilii.

Yosua 2:24

Ve kaa a Yosua er: Mimi je, TER na tar la cii sha ikev yase, mba ve tem ken tar la mba gbidyen ikarikase iyol sha ci u cian se.

Yosua 5:1

Tsô zum u utor mba Mbaamor cii mba ve lu yande Yordan, vegher u shin ityôtar la, kua utor mba Mbakanaan cii mba ve lu hen kpe u Zegemnger la, ve ungwa gwa u TER tôndo mngerem ma Yordan sha ishigh ki Mbaiserael zan zan se per yô, ishima shoughom ve ker, ma ishima i taver kera lu ker a ve ga, sha ci u Mbaiserael.

Yosua 7:5

Ior mba Ai wua ve kuma er ikundugber kar ataratar nahan; ve zenda ve, hii hen hundagar je zan zan ar hen Sebarim, ve hemba ve sha soughsough la; asema shoughom ior ker, hingir er mngerem nahan.

Yosua 9:24

Ve gema ve kaa a Yosua er: I ôr ikpan you er TER, Aôndo wou, kaa a wanakiriki Na Mose er a̱ na ne tar ne cii kpee, né tim mba ve tem ken tar ne cii sha ishigh yenegh kera, nahan yô, se cia ne tsung sha ci u uuma asev, kape i lu man se er nahan ne.

Mpase U Yohane 6:16

Ve kaa a iwo man a awen er, gba kighir nen se, yisa nen se sha ishigh ki Un u A tem sha ikônough ki torough la man shi sha iyugh i Waniyôngo kpaa,