Yosua 14:12 - ICIGHAN BIBILO

¹² Hegen yô, nan uwo ne, u TER ôr kwagh u u sha iyange la, gadia sha iyange la je u ungwa er Mbaanaki lu ker yô, man agar a vesen a lun a ugir je; alaghga TER Una lu a mo, me zenda ve kera er TER A kaa yô.

Yosua 14:12 Iomraidhean Croise

2 Utor 19:4

Alaghga TER, Aôndo wou, Una ungwa akaaôron a Rabeshake cii, u ter na, tor u Ashiria tindi un er a̱ va tuhwa Aôndo u uma yô, man Una tsaha un sha akaaôron a TER, Aôndo wou, A ongo la; nahan yô, ma u shi kende imo, man u er msen sha ci u asande a a shi ker yô.

2 Kroniku 14:11

Tsô Asa genger imo yila TER, Aôndo na, a kaa er: TERE, ma orwasen u nana nyôr hen atô u or u ageegh vea isheeror nan ngu ga, saa We; wase se TERE, Aôndo wase, gadia se mba suur sha a We, man ka ken iti You kpaa se ve ityav hen ikpelaior ne ye. TERE, ka We U lu Aôndo wase ye; or a̱ de hembe ga, saa We tseegh.

Upasalmi 44:3

Gadia lu sha sanker ve ayol a ve, ve ngohol tar la ga, man lu ikasewe ve, i war ve kpaa ga, kpa lu uwegh Ough ku yanegh a ikasewe You man iwanger i ishigh You, sha ci u doo U a ve yô.

Upasalmi 60:12

Ka ken Aôndo man sé eren akaageegh ye; gadia ka Un, Una ndyar mbaahendanev asev shin angahar ye. Ngun ka sha ci u orhemen u mbawanatsam; mba koho un sha adiguve. Ka Pasalmi u Davidi

Numeri 13:28

Kpa mba ve tem ken tar la, ka ior mba ageev, agar kpaa i maa a gir, a kehe kpishi, shi se nenge a ônov mba Anaki ker kpaa.

Numeri 13:33

Se nenge mbagbanakôr ker, ônov mba Anaki, tsombor u mbagbanakôr; se gema se nenge ayol ase yô, se lu er mbaahungwa nahan, kape ve kpaa ve lu nengen se je la.

Numeri 21:34

TER kaa a Mose er: De cie un ga, gadia M na un sha ikev you; ior nav cii kua tar na kpaa, ú er a na er u er a Shihon, tor u Mbaamor u a tema ken Heshebon la nahan.

Mbaromanu 8:31

Nahan sé kaa nana sha akaa ne? Aluer Aôndo ta ikaa ken vese yô, ka an je shi nana hendan kwagh a vese?

Duteronomi 1:28

Ka han sé yemene? Anmgbianev asev na se asema a yinan sha er ve kaa er: Ior mbala hemba se ikôr i gban man ityaven kpaa, agar kpaa ka a tamen, i maa a ugil tav za tagher sha aôndo je; se nenge a Mbaanaki keregh kpaa.

Duteronomi 9:1

Ver ato Iserael, nyian u ngu peren Yordan sha u u̱ nyôr u̱ za ngohol akuraior a a hembe u iyenge man agee kpaa, agar a vesen a vesen a i maa a ugir tav za tagher sha aôndo je,

Duteronomi 9:3

Yô, fa nyian, TER, Aôndo wou, ka Un je A lu peren hemen ne, er usu u hian nahan ye; Una tim ve, Una er ve vea var inya sha ishigh you; nahan ú tim ve fese, er TER A kaa nahan.

Mbafilipi 4:13

M ngu a agee a eren akaa cii je ken Un u A taver mo ne.

Mbaheberu 11:33

Mban yô, ve hemba ityartor ityav sha jighjigh u nan, ve er perapera, ve ngohol uityendezwa, ve cir ubegha ijô,

Yosua 15:14

Tsô Kalebu zenda ônov mba Anaki mba utar hen ijiir la kera, ka Sheshai man Ahiman kua Talmai ônov mba Anaki.

Mbaajiriv 1:20

Ve gema Heberon, ve na Kalebu er Mose lu kaa yô; a zenda ônov mba Anaki keregh ior itiar.

1 Samuel 14:6

Yonatan kaa a wanye u tilin un ikav mbi tswamev la er: Va, sé za ken afo a mbaipusuv mban; alaghga TER Una nôngo ityav sha ci wase, gadia ma kwagh u yangen TER u nan mhembe shin a lu sha ikev i ior kpishi shin sha ikev i ior kpeghee kpaa ngu ga.