Yosua 14:11 - ICIGHAN BIBILO

¹¹ Nahan kpaa m ngu a agee iyol her er iyange i Mose tindim la nahan; er agee am lu hen shighe la kape hegen kpaa a lu ne, sha u nôngon ityav man sha u duen man u nyôron.

Yosua 14:11 Iomraidhean Croise

Upasalmi 103:5

A iv uma wou a akaadedoo, je iyev ou hingir hegh er mbu iguve nahan.

Upasalmi 90:10

Ayange a anyom a ase kuma anyom akunduatargber, man aluer ayol ase aa taver kpishi yô, a kuma akunduanyiin je; nahan kpaa ihagh i a yô, ka zayol man ishima i vihin, gadia nga a kar fefa, se kpaa se kar kera wase.

Yesaia 40:31

nahan kpaa, mba ve veren ashe sha TER yô, vea hide a agee a ve her; vea kôndo sha sha akper er ugafa nahan; vea yevese, kpa vea vôr ga; vea zende, kpa iyol ia kpe ve ga.

Duteronomi 31:2

A kaa a ve er: Nyian ka anyom am deri man ikundu je ne; m kera ngu fan ityô u nyôron man duen ga; TER kpaa kaa a mo er: Peren you Yordan ne ga.

Duteronomi 33:25

Uishindan ou ve̱ lu iyôv man togula je; er ayange a ou a lu nahan, kape agee ou kpaa a̱ lu la.

Duteronomi 34:7

Mose tsa anyom deri man ikundu zum u a kpe la; ishe na wa ime ga, agee a iyolough na kpaa hide ijime ga.

Yosua 14:10

Hegen yô, nenge, TER dem, m ngu her uma er A kaa yô. Ka anyom akunduahar kar ataan, hii hen shighe u TER ôr kwagh ne a Mose, zum u Iserael lu zenden ken desereti la; man nenge, hegen yô, anyom am ka akunduanyiin kar ataan je ne.