Yosua 11:6 - ICIGHAN BIBILO

⁶ Tsô TER kaa a Yosua er: De cie ve ga, gadia kper er hegen nahan Me na ve cii sha ikev i Iserael kpenegh, ú tôndo anyinya ve igbela i shin akishiangahar, ú nande akeke ve a kpelan sha usu.

Yosua 11:6 Iomraidhean Croise

2 Samuel 8:4

Davidi ngohol un mbaanyinyav dubu man deri utaankaruhar, man mbazanangahar dubu ikundu; Davidi tôndo anyinya a kperan akeke cii igbela i akishiangahar, kpa a tsegha anyinya agen kuma sha akeke deri.

2 Utor 6:16

A gema a kaa a na er: De cie ga; gadia mba ve lu a vese, hemba mba ve lu a ve la iyenge.

2 Kroniku 20:16

Kper, sen nen za nôngo nen ityav a ve; nenge, mba kôndon sha mkende u Shise; nea kohol ve hen ikighir i pev sha ishigh ki desereti u Yeruel.

Upasalmi 46:10

De nen kera, fa nen, ka Mo M lu Aôndo ye; i kendem sha hen akuraior, i kendem sha shin tar kpaa.

Upasalmi 46:11

TER u akum a Sha ngu a vese, Aôndo u Yakob ka ijiir yase i yeren. Sela. Ngun ka sha ci u orhemen u mbawanatsam. Ka Pasalmi u ônov mba Kora

Upasalmi 46:9

A er ityav mbi bee zan zan ar hen ikighir i tar je, A sombo ada, A kever iwange, A nande akekeautya sha usu.

Anzaakaa 20:7

Orperapera u nan zenden ken mimi u nan yô, ônov mba nan mba ken ijime kpaa á saan ve iyol!

Yesaia 30:16

Kpa ne rumun ga, ne gema ne kaa ner: Ei, sé za ayem ayem sha anyinya, nahan nea yevese a yevese je; man shi: Sé henda anyinya a hemban ayem; nahan mbazendan ne ijime kpaa vea zenda fefa je.

Yesaia 31:1

Kwagh á tser mba ve yem shin Igipiti sha u za keren iwasen, man ve suur sha anyinya, shi ve suur sha akekeautya, sha ci u a ngee yô, man sha mbaanyinyav, sha ci u ve taver kpishi yô, kpa mba kenger sha Icighan u Iserael ga, man mba keren TER kpaa ga!

Esekiel 39:9

Mba ve tem ken agar a Iserael vea due, vea keer usu sha ikav mbi tswamev, vea nande mbi: ka iperutya man mbaakuva man mbaada man avaan man agbur man udagi, vea keer usu a mi zan zan anyom ataankarahar;

Hosea 14:3

Ashiria una yima se ga; sé henda anyinya ga; man sé kera yila tom wase u aveegh ser: Aôndo wase, ga; gadia ka her a We ancôgholov ve zough a mhôônom ma zungwen ye.

Nahum 2:13

Nenge, M ngu num a we, kape TER u akum a Sha A kaa ne, Me nande akeke a ou a utya a̱ hingir mnyim, sanker kpaa una ya agumaubegha a ou; Me tim ishar you shin tar kera, á kera seer ungwan imo i mbatyomov ou ga.

Duteronomi 7:16

Man ú tim akuraior cii a TER, Aôndo wou, Una gema a, Una na sha ikev you la; ishe you i̱ de zungu ve mhôônom ga, man de civir mbaaôndo vev ga, gadia á va hingir kwagh u hônon we min.

Yosua 10:8

TER kaa a Yosua er: De cie ve ga, gadia M na ve sha ikev you; ma nomsoor ve môm nan ngu, u nana cihi nana tile u sha ishi ga.

Yosua 11:5

Utor mban cii zua imôngo, ve va haa afo ijiir i môm hen kpe u mngerem ma Merom, sha u va nôngon ityav a Iserael.

Yosua 11:7

Tsô Yosua a mbautyav cii va kohol ve hen mngerem ma Merom fese, ve ta sha a ve.

Yosua 11:9

Yosua er a ve er TER kaa un nahan; a tôndo anyinya ve igbela i akishiangahar, a nande akeke ve sha usu.

Yosua 3:5

Tsô Yosua kaa a ior er: Tsegha nen ayol a en; gadia kper TER Una er akaakpilighyol hen atô wen.

Mbaajiriv 20:28

man Pinehashi wan u Eleasar wan u Aron lu tilen sha ishigh ki areki hen ayange la), ve kaa er: M̱ shi m̱ due m̱ za nôngo ityav a anngôm Benyamin, shin m̱ de? TER kaa a ve er: Kôndo nen, gadia kper Me na un sha ikev you.

Mbaajiriv 7:9

Tsô tugh mbula, TER kaa a na er: Mough, sen nyôr shin afo, gadia M na a sha ikev you.

1 Samuel 11:9

Ve kaa a mbatyomov mba ve va la, er: Za ôr nen ior mba Yabeshi-gileadi mbala ner: Kper shighe u oo á ta la, tsô né zua a myom. Tsô mbatyomov mbala va, va ôr ior mba Yabeshi nahan, nahan ve gba ember.