Yosua 11:23 - ICIGHAN BIBILO

²³ Kape Yosua ngohol tar cii la, sha kwagh u TER ôr a Mose cii; Yosua na Iserael dyako sha u, sha uipaven vev sha ikwe ve. Tar la maa mem ityav.

Yosua 11:23 Iomraidhean Croise

Nehemia 9:24

Kape ônov mban nyôr, ya tar ne, man U gema ior mba ve tema ken tar la hingir sha ikev ve, ka Mbakanaan je la, U na ve sha ikev ve a utor vev imôngo, kua akuraior a tar la, sha u ve̱ er a ve sha ishima ve yô.

Upasalmi 46:9

A er ityav mbi bee zan zan ar hen ikighir i tar je, A sombo ada, A kever iwange, A nande akekeautya sha usu.

Ekesodu 34:11

Ver ishima sha kwagh u M we u nyian ne; nenge, M zenda Mbaamor sha ishigh you kera kua Mbakanaan man Mbahiti man Mbaperishi man Mbahivi man Mbayebushi kpaa.

Esekiel 45:8

Veghertar la una lu kwagh na ken Iserael; nahan utor Av vea kera seer u kighir ior Av ga, kpa vea na ya u Iserael tar la sha mlu u ikwe ve.

Duteronomi 1:38

ka Yosua wan u Nun, u a lu sha ishigh you la, ka un una nyôr ker ye; yô, taver un ishima, gadia ka un una na Mbaiserael vea ya dyako u u ye.

Duteronomi 25:19

Nahan yô, zum u TER, Aôndo wou, Una na u mmem sha mbaihomov ou cii mba ve kase u ken tar u TER, Aôndo wou, Una na u u, sha u u̱ ngohol u dyako la yô, ese m-umbur u ma i umbur Amaleki sha won la kera; de hungul ga.

Yosua 11:18

Yosua nôngo ityav a utor mban cii ica i gba.

Yosua 12:7

Mban ka utor mba hen tar la, mba Yosua kua Mbaiserael hemba ve yande Yordan vegher u shin ityôtar la, hii hen Baal-gadi shin pev u Lebanon zan zan za ar sha uwo u Halaki u kôndo sha Seir la; Yosua gema tar ve na ikwe i Iserael sha uipaven vev hingir dyako ve.

Yosua 18:10

Yosua er ve ishol sha ishigh ki TER hen Shilo; ka heregh je Yosua kar Mbaiserael tar la sha uipaven vev ye.

Yosua 22:4

Hegen yô, TER, Aôndo wen, na anmgbianev enev mmem, er lu kaa ve yô; gema nen, hide nen hen utenti enev, hen tar u dyako wen, u Mose wanakiriki u TER a ne nen yande Yordan la.

Yosua 23:1

Tsô ayange nga kar kera kpishi, zum u TER na Iserael mmem sha ikev i mbaihomov vev mba ve kase ve la cii yô, Yosua kpaa bee iyol, tsa sha won;