Yosua 10:40 - ICIGHAN BIBILO

⁴⁰ Kape Yosua hemba tar la cii la, tar u iwoogh man tar u Imbusutariyan la, man tar u delaa, man tar u soughsough, a utor vev cii; a shi ma or ga; kpa a tim ve ci ca cii, hanma kwagh u ôôn cii a tim ci ca cii er TER, Aôndo u Iserael, kaa yô.

Yosua 10:40 Iomraidhean Croise

1 Utor 15:29

Tsô er a ya tor yô, a tim ya u Yerobiam cii; a de Yerobiam ma or u ôôn môm ga, zan zan a tim un cii, sha imo i TER, i wanakiriki Na Ahiya Orshilo kaa la;

Nehemia 9:24

Kape ônov mban nyôr, ya tar ne, man U gema ior mba ve tema ken tar la hingir sha ikev ve, ka Mbakanaan je la, U na ve sha ikev ve a utor vev imôngo, kua akuraior a tar la, sha u ve̱ er a ve sha ishima ve yô.

Upasalmi 9:17

Mbaaferev vea hide shin Sheol, ka atôatyev cii a Aôndo A hungul a je la.

Ekesodu 34:12

Ver ishima, de ye ikur a mba ve tem ken tar u, ú za nyôr ker la, ve̱ hôn u ga.

Numeri 13:17

Tsô Mose tindi ve er ve̱ za nenge tar u Kanaan mker. A kaa a ve er: Kôndo nen sha gbenda u Imbusutariyan ne, unde nen sha iwo,

Duteronomi 1:7

yô, hembe yem nen ken tar u iwoogh u Mbaamor, man ken ajiir a a dondo a u cii, ken Araba man ken tar u iwoogh, man tar u shin upev man ken Imbusutarimese la man hen kpe u Zegemnger, ka tar u Mbakanaan man Lebanon zan zan za ar hen ifi u tamen, ka ifi u Uferati je la.

Duteronomi 2:34

Se ngohol agar a na cii hen shighe la, se tim hanma gar purututu, nomsombaiorov mba keregh man kasev man mbayev mba kiriki kpaa se de or môm nan war ga,

Duteronomi 7:24

Man Una na utor vev sha ikev you, ú er iti ve ia hungul sha won kera; ma or nana fatyô u tilen we sha ishi ga zan zan ú tim ve.

Yosua 10:35

sha iyange la je ve ngohol un, ve hemba un sha zwa u sanker; mbaumav mba ve lu kimi cii kpaa, a tim ve ca ca sha iyange la, er lu er a Lakishi nahan.

Yosua 10:37

ve ngohol un, ve hemba un sha zwa u sanker, kua tor na, man agar a na cii, man mbaumav mba ve lu ken a cii; a shi ma or ga, er lu er a Egelon nahan; a tim un ci ca cii kua mbaumav mba ve lu ken a na cii.

Yosua 10:39

a hemba un kua tor na, man agar a na cii; ve hemba ve sha zwa u sanker, ve tim mbaumav mba keregh ci ca cii, a kera shi ma or ga; Er lu er a Heberon nahan, kape er a Debir kua tor na kpaa la; er lu er a Libena kua tor na nahan kpaa.

Yosua 11:16

Kape Yosua ngohol tar la cii je la, tar u iwoogh man tar u Imbusutariyan cii, kua tar u Goshen cii man tar u delaa man Araba, man tar u iwoogh u Iserael kua pev na,

Yosua 12:8

Sha tar u iwoogh man shin tar u delaa, man ken Araba, man soughsough, man ken desereti, man ken tar u Imbusutariyan; tar u Mbahiti man Mbaamor man Mbakanaan man Mbaperishi man Mbahivi man Mbayebushi;

Yosua 18:21

Agar a kwe u ônov mba Benyamin sha icombor ve yô, lu Yeriko man Bete-hogela man Emeki-keshise

Yosua 6:17

Kpa gar ne yô, á tsegha un sha ci u TER, a akaa a lu kimi cii; saa Rahabi idyakwase ne tseegh, una lu uma ye, un kua mba ve lu a na ken ya cii, gadia un yer mbatyomov mba se tindi la.

Yosua 8:2

er a Ai kua tor na er u er a Yeriko kua tor na nahan; kpa ishar na kua ilev nav kura nen sha ci u ayol a en; ver mbautyav mbagenev ve̱ yer ken ijime i gar la.

Yosua 8:27

Saa ilev kua ishar i gar la, Iserael kura, sha mkaanem ma TER kaa a Yosua la ye.

Yosua 9:24

Ve gema ve kaa a Yosua er: I ôr ikpan you er TER, Aôndo wou, kaa a wanakiriki Na Mose er a̱ na ne tar ne cii kpee, né tim mba ve tem ken tar ne cii sha ishigh yenegh kera, nahan yô, se cia ne tsung sha ci u uuma asev, kape i lu man se er nahan ne.