Yosua 10:4 - ICIGHAN BIBILO

⁴ Va kohol nen mo, wasem nen, sé ta num sha Gibeon; gadia a zua a Yosua man Mbaiserael.

Yosua 10:4 Iomraidhean Croise

Mateu 16:24

Tsô Yesu kaa a mbahenen Nav er: Aluer anti or a sar nan pe van a mo ityô yô, nana̱ nyiman iyol i nan, nana̱ tôô terankon u nan, nana̱ dondo sha a Mo.

YOHANE 15:19

Aluer nea lu ior i tar ne yô, ma ne lu kwagh u tar jim, ma ne doo tar ishima; kpa er ne lu ior i tar ne ga, Mo M gem M tsough ne shin tar ne kera yô, ka nahan man tar u ker ne ihom ye.

Aerenakaa A Mbaapostoli 21:28

ve gba genger imo kaan er: Ne Mbaiserael, wase nen se! Ngun ka or u a tesen ior cii han han sha u ôron ve akaavihin sha nongoior ne, man shi sha atindiakaa kua sha ijiir ne kpaa ne zan zan je yô, a va nyôr a Mbagrika ken tempel a va hôngor a icighanjiir ne kpaa.

WASHIKA U SHA UHAR U PAULU APOSTOLI TINDI HEN TIMOTEU - 2TI 3:12

Man mba i sar ve pe zenden sha mciviraôndo ken Kristu Yesu cii á tôv ve a ican.

Yakobu 4:4

Ne mbadyarev, ne fa er u yan ikar a tar i lu u lun ihom a Aôndo gaa? Nahan yô, or u i sar nan ka lun ikar a tar yô, nan hingir orihom u Aôndo je ve.

Yosua 10:1

Tsô zum u Adoni-sedeki tor u Yerusalem ungwa er Yosua hemba Ai, tim un purututu kpaa; er lu er a Yeriko man tor na nahan, kape a er a Ai man tor na kpaa la; man er mba ve tema ken Gibeon kpaa, ve zua a Iserael maa mba ken a ve je;

Yosua 10:5

Nahan utor mba utaan mba Mbaamor mbala, tor u Yerusalem man tor u Heberon man tor u Yarmuti man tor u Lakishi kua tor u Egelon, ve kohol ayol a ve kua akumautya ve cii, ve va haa afo hen Gibeon, ve nôngo ityav a na.

Yosua 9:15

Tsô Yosua zua a ve, a ya ikur a ve kpaa er, una de ve uma; mbahemenev mba mkohol u ior kpaa bum a ve.

1 Peteru 4:4

Gema ka kpiligh ve iyol er ne kera nyer nongo a ve ken ijimba i eren i ganden ikaa inya la, ga yô; mba gbe lamen sha a ven dang tsô.

Mpase U Yohane 16:14

Gadia ka ujijingi mba diabolo mba ve eren uivande la, mba duen zan hen utor mba sha tar sha won cii sha u kohol ve ijiir i môm sha ci u ityav mbi iyange i vesen i Aôndo, Uhembanagee la.