Yosua 10:39 - ICIGHAN BIBILO

³⁹ a hemba un kua tor na, man agar a na cii; ve hemba ve sha zwa u sanker, ve tim mbaumav mba keregh ci ca cii, a kera shi ma or ga; Er lu er a Heberon nahan, kape er a Debir kua tor na kpaa la; er lu er a Libena kua tor na nahan kpaa.

Yosua 10:39 Iomraidhean Croise

2 Utor 10:11

Tsô Yehu wua mba ve mase shin ken ya u Ahaba ken Yesereel cii, kua mbavesen nav cii, man ahur a na a mimi, kua upristi nav, a shi un ma or je ga.

Obadia 1:18

Ya u Yakob una hingir usu, ya u Yosev kpaa una lu nombor usu, ya u Isou yô, una lu ayia, vea yegh ker vea hia a; ma kwagh á shi ken ya u Isou ga, gadia ka TER A kaa nahan ye.

Duteronomi 3:3

Tsô TER, Aôndo wase, gema Ogo tor u Bashan na un sha ikev yase, un a ior nav cii; se hemba un je or na môm tsô kpaa nan war ga.

Yosua 10:33

Tsô Horam tor u Geser kôndo sha u wasen Lakishi, kpa Yosua hemba un a ior nav, a kera shi ma or ga.

Yosua 10:37

ve ngohol un, ve hemba un sha zwa u sanker, kua tor na, man agar a na cii, man mbaumav mba ve lu ken a cii; a shi ma or ga, er lu er a Egelon nahan; a tim un ci ca cii kua mbaumav mba ve lu ken a na cii.

Yosua 10:38

Tsô Yosua kaha a Iserael cii ve yem hen Debir, a za nôngo ityav a na;

Yosua 10:40

Kape Yosua hemba tar la cii la, tar u iwoogh man tar u Imbusutariyan la, man tar u delaa, man tar u soughsough, a utor vev cii; a shi ma or ga; kpa a tim ve ci ca cii, hanma kwagh u ôôn cii a tim ci ca cii er TER, Aôndo u Iserael, kaa yô.

Yosua 11:8

TER na ve sha ikev i Iserael, ve hemba ve, ve zenda ve zan zan za ar hen Zegeshidon, man hen Miserefoti-maim kpaa, kua hen pev u Misepa vegher u sha ityoughkitaregh la; ve wua ve je ma or kera shi ga.

Yosua 12:13

tor u Debir, môm; tor u Geder, môm

1 Samuel 15:3

Hegen yô, za, za ta num sha Amaleki, tim akaa a ve lu a mi cii, mhôônom ma de ker u a ve ga. Wua nomsoor kua kwase, wanye kua wanikundan u man atumba, bua kua iyôngo, man rakumi kua jaki kpaa.

1 Samuel 15:8

A kôr Agagu tor u Amaleki la uma, kpa a tim ior mbagenev purututu cii sha zwa u sanker.