Yosua 10:13 - ICIGHAN BIBILO

¹³ Tsô iyange tile gigh gigh, uwer kpaa tile, zan zan ior mbala or iyev sha mbaihomov vev. Ka ken ruamabera u Yashar i nger kwagh ne ye ga? Iyange tile her atô tembe, kera mire fefa ga je er iyange jimin nahan.

Yosua 10:13 Iomraidhean Croise

2 Samuel 1:18

Shi a kaa er ve̱ tese ônov mba Yuda icam i ada; nenge, i nger i ken ruamabera u Yashar.

2 Utor 20:10

Hesekia gema kaa er: U mure a̱ za sen ihange pue la ka ican ga; yô, mure a̱ hire ijime ihange pue.

Eseter 8:13

I kaa ken kwaghngeren la er, i̱ wa tindi la sha hanma ipaven, man i̱ yôô un hen akuraior cii, sha er Mbayuda ve̱ wa ago iyol sha ci u iyange la, ve̱ or iyev sha mbaihomov vev yô.

Yobu 9:7

A te iyange icin, i kera dugh ga la, A cir asan;

Upasalmi 148:3

Wuese nen Un, we iyange man uwer kpaa; wuese nen Un ne asan a tan iwanger cii.

Upasalmi 19:4

nahan kpaa imo ve samber sha tar sha won cii, kua akaaôron a ve kpaa, zan zan ikighir i tar je. A ver iyange tenti ker;

Yesaia 24:23

Zum la kunya ua kôr uwer, ua hingir nyian, iyange kpaa kunya ua kôr i; gadia TER u akum a Sha Una tema tor sha uwo u Shion kua ken Yerusalem kpaa, man sha ishigh ki mbatamen Nav yô, iengem ia lu.

Yesaia 38:8

Nenge, Me na mure u a gbe sha ihange i anar u tesen mzende u iyange u Ahashi la, una hide ijime ihange pue. Nahan iyange hide ijime ihange pue sha anar henpe i vande karen la.

Yoel 2:10

Tar tenger sha ishigh vegh, Usha gbidye ikarikase iyol; iyange man uwer wa ime, asan kpaa hide a iwanger ve ijime.

Yoel 2:31

Iyange ia gema ia hingir ime, uwer kpaa ua hingir awambe man iyange i TER i vesen i cieryol ia va ye.

Yoel 3:15

Iyange man uwer wa ime, asan kpaa hide a iwanger i a ijime.

Habaku 3:11

Iyange man uwer tile gir gir hen ijiir ve, sha iwanger i avaan a Ou er a lu zan la, man sha iwanger i iwange You i iengem la.

Numeri 21:14

Ka nahan man i kaa ken Ruamabera u Ityav mbi TER er: Wahebi u ken Sufa, man upev mba Arnon,

Numeri 31:2

Or Mbaiserael iyev sha Mbamidian; ken masetyô yô, ú za kohol ior ou.

Mateu 24:29

Kpa fese je, ken masejime u ican i her ayange la yô, iyange ia wa ime, uwer kpaa ua kera wanger ga; asan aa osough sha kwavaôndo man agee a a lu sha kwavaôndo la aa tenger.

Mateu 5:45

sha er né lu ônov mba Ter wen u A lu Sha yô, gadia ka A er iyange Na i̱ due i̱ ta sha mbaaferev kua mbamimi kpaa, man ka A nôô ura sha mbaperapera man mba ve lu mba perapera ga kpaa.

Luka 18:7

Man hire Aôndo Una kera kure ijir sha ci u uicuwan Nav mba ve ve a mliam hen Na tugh man tetan ga yee, shin er A timbir sha kwagh ve yum nahan kpaa.

Aerenakaa A Mbaapostoli 2:20

Á gema iyange ia hingir ime, uwer kpaa ua hingir awambe, man iyange i Ter i vesen i cier iyol ia va ye.

Yosua 10:11

Tsô zum u ve lu yevese Iserael la, er ve lu senen hen soughsough u Bete-horon yô, TER ta ve uzegembaawombov mba ve due Sha zan zan za ar hen Aseka, nahan ve kpe; mba ve kpe akpoghol a awombo la hemba mba Iserael wua sha sanker la iyenge.

Yosua 10:14

Iyange i lun er ngila nahan ngi a lu ga, shin ken ijime shin ken hemen kpaa, i TER ungwa imo i or nahan ga; gadia TER nôngo ityav sha ci u Iserael.

Mpase U Yohane 21:23

Kwagh gba gar la a iyange shin uwer sha u ve̱ ta ker ga, gadia iengem i Aôndo ngi wanger ker, Waniyôngo kpaa ka imenger na.

Mpase U Yohane 6:10

Ve genger imo ve kaa er: We Ter, icighan man u mimi kpaa, shi nan je man U ôr ijir U or iyev sha awambe ase sha mba ve lu shin tar laa?

Mpase U Yohane 6:12

Man zum u A bugh ikav i sha ataratar la, m ver ashe yô, nenge, tar tenger kpen kpen, iyange hingir il er ibashôhô u lun shuwa shuwa nahan, uwer jimin cii hingir er ka awambe nahan.

Mpase U Yohane 8:12

Ortyom u Sha u sha unyiin la kpaa tôngo tsô i vihi tiôn môm u ken atôôn atar a iyange, man shi tiôn môm u ken atôôn atar a a uweregh man shi tiôn môm u ken atôôn atar a asan kpaa, nahan tiôn môm u ken atôôn atar iwanger ve la gema wa ime, tiôn môm u ken atôôn atar a sev kera wanger ga, tugh kpaa nahan.

Mbaajiriv 16:28

Tsô Semson sôn TER, kaa er: Tere, AÔNDO, ma U shi umbur mo, mase taver mo kwa ne tseegh tsô, Aôndo, m̱ or iyev i ashe am ne icin i môm sha Mbafiliti mban.

Mbaajiriv 5:2

Er mbahemenev ve hemen ken Iserael, er ior kpaa ve ne ayol a ve sha asema a ve gbar gbar je yô, wuese nen TER.