Yosua 1:9 - ICIGHAN BIBILO

⁹ M vande kaan we gaa? Lu taveraa, taver ishima; de cie ga; de luun a mciem iyol ga; gadia TER, Aôndo wou, ngu a we henpe ú za cii.

Yosua 1:9 Iomraidhean Croise

Genese 28:15

Nenge, M ngu a we, Me kuran we henpe ú za cii, Me shi Me hide a we ken tar ne kpaa; gadia Me undu u ga, saa Me kure kwagh u M kaa u ne ve.

Genese 39:2

TER lu a Yosev, nahan ikôr doo un; lu hen ya u ter na, Origipiti.

Genese 39:3

Ter na kav er TER A lu a na yô, man shi er hanma kwagh u a ker ave mi cii TER A veren un doo doo yô,

2 Samuel 13:28

Tsô Abesalom kaa a mbatomov nav er: Ver nen ishima, shighe u Amnon una va hingir saan saan sha wain yô, mea kaa a ven mer, wua nen Amnon yô, wua nen un je, de cie nen ga; ka mo m ne ne zwa ye gaa? Taver nen ishima lu nen icihi.

1 Kroniku 28:20

Davidi kaa a wan na Solomon er: Lu taveraa, taver ishima, er ase nahan; de cie kwagh ga, de yen ishima ga, gadia TER, Aôndo, Aôndo wam, ngu a we je, Una gbihi u ga, Una undu u ga, zan zan ú kure tom u iyou i TER ne cii.

2 Kroniku 15:7

Kpa ne yô, taver nen ayol, ave a̱ de kpeen ne ga, gadia á na ne injar sha tom wen.

Upasalmi 46:7

TER u akum a Sha ngu a vese; Aôndo u Yakob ka ijiir yase i yeren. Sela.

Yesaia 41:10

de cie ga, gadia M ngu a we; de enger kenger sha mcie ga, gadia Mo M ngu Aôndo wou, M taver we, shi M wasen we, man M tuur we sha uwegh Agh ku yanegh ku yiman a yima la.

Yesaia 43:1

Kpa ahegen yô, TER u A gbe u, we Yakob, Un u A maa u, we Iserael, ngu kaan nahan er: De cie ga, gadia M paa u, M yila u sha iti, uwe u ngu u Wam je.

Yesaia 43:5

De cie ga, gadia M ngu a we; Me za va a tsombor wou sha ityoughkitaregh, Me za kura u shin ityôtar kera;

Yesaia 8:12

De yer nen kwagh u ior mban ve yer er “zwa u zuan” la, ner, zwa u zuan, ga; man shi de cie nen kwagh u ve cie la ga, man shi mciem ma̱ de te ne iyol ga.

Daniel 10:19

A kaa er: De cie ga, we or u doon ishima tsung ne, lu bem bem, taver, een, taver. Er a lu ôron kwagh a mo nahan, maa m taver, nahan m kaa mer: Terem, gba ôron kwagh tsô, gadia u nam agee.

Hagai 2:4

Kpa hegen yô, taver ishima, we Serubabel, kape TER A kaa ne; man taver ishima we zegepristi Yosua, wan u Yehosadaki, man shi taver nen ishima, ne ior mba hen tar ne cii, er nen tom kape TER A kaa ne, gadia M ngu a ven, kape TER u akum a Sha A kaa ne,

Hagai 2:5

sha kwagh u ikur i M ya a ven, zum u ne due ken Igipiti la, man nenge jijingi Wam ngu a ven; de cie nen ga.

Aerenakaa A Mbaapostoli 4:19

Kpa Peteru man Yohane gema kaa a ve er: Aluer a lu vough sha ishigh ki Aôndo u sé hemba wan ne iko a Aôndo yô, kaa nen ase!

Duteronomi 1:21

Nenge, TER, Aôndo wou, gema tar la na u; kôndo, ngohol nen u, er TER, Aôndo u uter ou, A kaa u nahan; de cie ga, de yen ishima kpaa ga.

Duteronomi 20:1

Zum u ú za ityav mbi nôngon a mbaihomov ou, man ú nenge anyinya man akeke a nyinya kua ior mba ve hembe u iyenge kpaa, de cie ve ga; gadia TER, Aôndo wou, u A dugh a we ken tar u Igipiti la, ngu a we imôngo.

Duteronomi 31:23

Tsô A kaa a Yosua wan u Nun er: Taver ishima lu icihi, gadia ka we ú za a Mbaiserael ken tar u M bum a ve la ye; Me lu a we imôngo.

Duteronomi 31:28

Kohol nen mbatamen mba sha ikwe yen cii man mbahemenev enev her a mo, ôr akaa ne sha ato ve je; m yila Sha man tar ve̱ lu shiada sha ve.

Yosua 1:10

Tsô Yosua kaa a mbavesen er:

Yosua 1:17

Er iyange se ver ato sha Mose sha akaa cii nahan, kape we kpaa sé ver ato sha a we la; TER, Aôndo wou, A̱ gba lun a we tsô, er yan lu a Mose nahan.

Yosua 1:18

Hanma or u nan nyiman imo you, man nan ver ato sha akaaôron a ou, a u kaa nan cii la ga yô, i̱ wua nan; gba lun dông tsô, taver ishima.

Yosua 10:25

Nahan Yosua kaa a ve er: De cie nen ga, man de luun a mciem iyol kpaa ga, lu nen dông, taver nen asema kpaa, gadia kape TER Una er a mbaihomov enev cii, mba nea nôngo ityav a ve la.

Yosua 10:8

TER kaa a Yosua er: De cie ve ga, gadia M na ve sha ikev you; ma nomsoor ve môm nan ngu, u nana cihi nana tile u sha ishi ga.

Yosua 3:7

TER kaa a Yosua er: Nyian Me hii u kenden we sha, sha ishigh ki Mbaiserael cii, sha er ve̱ fa, er M lu a Mose nahan, kape we kpaa Me luun a we la.

Yosua 6:27

Kape TER lu a Yosua la; gwa na samber ken tar la cii.

Yosua 8:1

Tsô TER kaa a Yosua er: De cie ga, de luun a mciem iyol kpaa ga; kua a mbautyav cii a we imôngo; yô, mough, kôndo sha Ai; nenge, tor u Ai kua ior nav man gar na, kua tar na cii, M na u sha ikev;

Mbaajiriv 6:14

TER gema her a na, A kaa er: Yô, za a agee ou ne, za yima Iserael sha ikev i Midian; ka Mo M tindi u ye gaa?

1 Samuel 10:7

Tsô, shighen u akav ne cii aa er u yô, hanma kwagh u uwegh ough ku zough a mi u eren yô, er un je, gadia TER ngu a we.