Yosua 1:7 - ICIGHAN BIBILO

⁷ Gba lun taveraa tsô, taver ishima tsung, sha u veren ishima u wan atindi cii iko a Mose wanakiriki Wam kaa u yô; de undun a, kahan ken iyan shin ken imese ga, sha er ú er kwagh sha inja henpe ú za cii yô.

Yosua 1:7 Iomraidhean Croise

1 Utor 2:2

M ngu zan sha gbenda u ior mba sha won cii; yô, taver ishima, tese iyol you er u lu nomsoor yô;

1 Utor 2:3

ver ishima sha imo i TER, Aôndo wou, zaan sha igbenda Na, ver ishima sha akaawan a Na man atindi a Na man akaaôron a Na sha u ú lu a iveren ken akaa a ú er cii, man sha hanma ian i wea geman cii;

2 Utor 22:2

A eren kwagh u dedoo sha ishigh ki TER, a zaan sha gbenda u ter na Davidi cii, a kaha ken uwegh ku yanegh shin ku imesegh kpaa ga.

1 Kroniku 22:13

Nahan ú lu a iveren aluer wea ver ishima u wan akaawan iko kua akaaôron a ijirigh a TER na Mose sha ci u Iserael yô; lu taveraa, taver ishima; de cie kwagh ga, de yen ishima ga.

2 Kroniku 15:7

Kpa ne yô, taver nen ayol, ave a̱ de kpeen ne ga, gadia á na ne injar sha tom wen.

2 Kroniku 26:5

A ver ishima u keren Aôndo sha ayange a Sekaria, u a lu tesen er i̱ civir Aôndo la. Sha ayange a a lu keren TER la yô, Aôndo na un mkpeyol.

Yobu 1:8

Nahan TER pine Satan er: U fa kwagh u wanakiriki Wam Yobu dedoo kpa? Gadia ma or kuma sha a na shin tar ga, ka or u mimi, u perapera, u cian Aôndo, palegh kwaghbo.

Upasalmi 80:19

TERE, Aôndo u akum a Sha hide a vese; er, ishigh You ki̱ wanger, se̱ war. Ngun ka sha ci u orhemen u mbawanatsam; i ver un sha ikenge i Gititi. Ka Pasalmi u Davidi

Anzaakaa 4:27

De kahan ken iyan shin ken imese ga, kar a nguhar wou hen kwaghbo kera.

Anzaakaa 8:20

M ngu zenden sha gbenda u perapera, ken atô u igbenda i ijirigh i mimi,

Daniel 10:19

A kaa er: De cie ga, we or u doon ishima tsung ne, lu bem bem, taver, een, taver. Er a lu ôron kwagh a mo nahan, maa m taver, nahan m kaa mer: Terem, gba ôron kwagh tsô, gadia u nam agee.

Numeri 27:23

tsô a penda un ave, a ver un sha tom, er TER kaa Mose nahan.

Duteronomi 11:8

Nahan yô, waan nen atindi a m we ne nyian ne iko cii, sha er né taver man né nyôr né ngohol tar u ne lu zan her, sha u né za ngohol u la;

Duteronomi 12:32

Hanma kwagh u m kaa ne cii, ka un ver nen ishima sha mi, eren nen ye; de seer nen ma kwaghgen sha mi ga, shi de panden kwagh ker kpaa ga.

Duteronomi 28:14

man ú kaha ken iyan shin ken imese ú undu ma kwaghôron wam u m kaa u nyian ne sha u dondon mbaaôndo mbagenev civir ve ga yô.

Duteronomi 29:8

se ngohol tar ve, se gema u se na Mbaruben man Mbagadi man vegherkwe u Manase ve ya dyako sha mi.

Duteronomi 29:9

Yô, waan nen akaaôron a ikuryan ne iko, eren nen sha mi, sha er ne zua a mkpeyol sha tom wen cii yô.

Duteronomi 31:7

Tsô Mose yila Yosua, a kaa a na sha ashe a Iserael cii er: Taver ishima, lu icihi, gadia ka we ú yem a ior mban ken tar u TER lu bum a uter vev er Una na ve u la ye; shi ka we kpaa ú na ve vea ngohol u kpaa ye.

Duteronomi 4:2

De seer ne kwagh sha kwaghôron u m we ne tindi sha mi ne ga, man de panden nen kwagh sha min kpaa ga, sha er né waan atindi a TER, Aôndo wen, a m lu wan ne ne, iko yô.

Duteronomi 5:32

Nahan yô, ver nen ishima u eren sha mi er TER, Aôndo wen, A kaa ne yô; de kahan nen ken uwegh ku yanegh shin ken ku imesegh kpaa ga.

Yosua 1:1

Tsô Mose wanakiriki u TER kpe kera yô, TER ôr kwagh a Yosua wan u Nun, ortom u Mose, A kaa er:

Yosua 1:8

Ruamabera u atindigh ne a̱ de karen sha zwa wou kera ga, kpa zer timen kimi tugh man atetan, sha er ú ver ishima u eren akaa a i nger kimi cii; gadia ka nahan man ikôr ia lagh u sha akaa cii, shi ka nahan man ú er kwagh sha inja kpaa ye.

Yosua 1:9

M vande kaan we gaa? Lu taveraa, taver ishima; de cie ga; de luun a mciem iyol ga; gadia TER, Aôndo wou, ngu a we henpe ú za cii.

Yosua 11:15

Er TER kaa a Mose wanakiriki Na la, kape Yosua kpaa er la; a undu ma kwagh ken akaa cii a TER kaa a Mose la ga.

Yosua 23:6

Nahan yô, taver nen ishima tsung, waan nen akaa a i nger ken ruamabera u atindigh u Mose la cii iko, eren nen sha mi, de undun un kahan ken uwegh ku yanegh shin ku imesegh ga;