Yosua 1:4 - ICIGHAN BIBILO

⁴ Hii hen ikôngough kin man Lebanon ne, zan zan ar hen zegeifi u Uferati, tar u Mbahiti cii zan zan ar hen zegemnger vegher u iyange i mir la, á lu ikighirtar yen.

Yosua 1:4 Iomraidhean Croise

1 Utor 10:29

Ka a za va a ikyekye ken Igipiti yô, i va tee i sha ushekel mba azurfa deri ataratar, nyinya yô, sha ushekel deri man akunduahargber; kape i vaan a mi i va teen utor mba Hiti kua utor mba Shiria cii la.

1 Utor 4:21

Solomon tema tor sha ityartor cii, hii hen ifi u Uferati zan zan ar hen tar u Mbafiliti, shi ar henpe tar u Igipiti va kighir la; ve lu tan kpandegh, shi ve lu eren Solomon tom sha ayange a a lu uma la cii.

1 Kroniku 18:3

Davidi shi hemba Hada-deser tor u Soba kpaa, hen Hamati, zum u a lu zan sha u una za taver tor na hen ifi u Uferati la.

1 Kroniku 5:9

shi a tema vegher u sha ityoughkitaregh zan zan za ar henpe nyôron ken desereti hii hen ifi u Uferati je, gadia ilev vev seer ngeen ken tar u Gileadi.

Esera 4:20

Ngise utor mba ageev kpaa lu ken Yerusalem, ve tema tor sha ityar i i lu yande Ifi la cii; i lu tan ve kpandegh, ve lu saven akaa, shi ve ngohol inyaregh ki peren kpaa.

Ekesodu 23:31

Me ver akighir a tar wou á hii hen Zegemnger u Nyian je zan zan á za ar hen zegemnger u Mbafiliti, shi á hii ken desereti zan zan á za ar hen ifi u Uferati, gadia Me gema mba ve tem ken tar la, Me na ve sha ikev you; ú zenda ve sha ishigh you kera.

Duteronomi 1:7

yô, hembe yem nen ken tar u iwoogh u Mbaamor, man ken ajiir a a dondo a u cii, ken Araba man ken tar u iwoogh, man tar u shin upev man ken Imbusutarimese la man hen kpe u Zegemnger, ka tar u Mbakanaan man Lebanon zan zan za ar hen ifi u tamen, ka ifi u Uferati je la.

Duteronomi 11:24

Hanma ijiir i ikevnguhar yen ia ndyar yô, ia hingir i yen, hii hen desereti man Lebanon, man hii shin Ifi ka ifi u Uferati je la, zan zan za ar shin zegemnger u shin ityôtar, á lu tar wen cii.

Duteronomi 3:25

Shi de, m̱ nenge tar u dedoo u yande Yordan la, uwo u doon ashe la man Lebanon.

Mpase U Yohane 9:14

i kaa a ortyom u Sha u sha ataratar u a lu a ikpamkor la er: Sagh mbatyomov mba unyiin mba i zer ve hen zegeifi u Uferati,