Yosua 1:17 - ICIGHAN BIBILO

¹⁷ Er iyange se ver ato sha Mose sha akaa cii nahan, kape we kpaa sé ver ato sha a we la; TER, Aôndo wou, A̱ gba lun a we tsô, er yan lu a Mose nahan.

Yosua 1:17 Iomraidhean Croise

2 Samuel 14:17

Nahan kpan wou u kwase kaa er: Kwaghôron u terem tor ma a lu u surun ishima; gadia er ortyom u Sha a lu nahan, kape terem tor kpaa a lu la, sha u paven mimi a ifer; TER, Aôndo wou kpaa A̱ lu a we.

1 Utor 1:37

Er TER lu a terem tor nahan, kape shi A̱ lu a Solomon la, A̱ maa ikônough nagh ki torough ki̱ hemba ikônough ki torough ki terem tor Davidi icivir.

1 Kroniku 28:20

Davidi kaa a wan na Solomon er: Lu taveraa, taver ishima, er ase nahan; de cie kwagh ga, de yen ishima ga, gadia TER, Aôndo, Aôndo wam, ngu a we je, Una gbihi u ga, Una undu u ga, zan zan ú kure tom u iyou i TER ne cii.

Upasalmi 20:1

TER A̱ ungwa u sha iyange i ican, iti i Aôndo u Yakob i̱ kende a we sha;

Upasalmi 20:4

A̱ na u sha isharen i ken ishima you, shi A̱ er sha awashima wou cii.

Upasalmi 20:9

TERE, yima tor, A̱ rumun se shighe u se yer yô.

Numeri 27:18

Tsô TER kaa a Mose er: Va a Yosua wan u Nun, or u Jijingi A lu ken a na la, penda uwegh sha a na,

Numeri 27:20

Pande icivir you na un, ior i Mbaiserael cii ve̱ wa iko.

Mateu 21:9

Ikpelaior i zan Un sha hemen man i dondon Un ken ijime, ve gba genger amo, kaan er: Hosana Wan u Davidi, i̱ wuese Un u A ve ken iti i Ter la; Hosana sha Usha mba hemban gban ica la.

Duteronomi 34:9

Tsô Yosua wan u Nun iv a jijingi u mfe, gadia Mose vande pendan un ave sha ityo; Mbaiserael ver ato sha a na, ve er er TER kaa Mose nahan.

Yosua 1:16

Tsô ve gema ve kaa a Yosua er: Kwagh u u kaa se cii, sé er, henpe u tindi se cii kpaa, sé za.

Yosua 1:18

Hanma or u nan nyiman imo you, man nan ver ato sha akaaôron a ou, a u kaa nan cii la ga yô, i̱ wua nan; gba lun dông tsô, taver ishima.

Yosua 1:5

Ma or nana fatyô u tilen sha ishigh you sha ayange a u lu uma ne ga; er M lu a Mose nahan, kape we kpaa Me lu a we la; Me kende u ga, Me undu u kpaa ga.

Yosua 1:9

M vande kaan we gaa? Lu taveraa, taver ishima; de cie ga; de luun a mciem iyol ga; gadia TER, Aôndo wou, ngu a we henpe ú za cii.

Yosua 4:14

Sha iyange la TER kende Yosua sha, sha ishigh ki Iserael cii, nahan ve cia un sha ayange a un lu uma cii, er lu ve cia Mose nahan.

1 Samuel 17:37

Davidi shi kaa er: TER u lu yimam sha ikev i begha man sha ikev i dwem la, shi Una yimam sha ikev i Orfiliti ne kpaa, Nahan Saulu kaa a Davidi er: Yô, za, TER A̱ lu a we.

1 Samuel 20:13

TER A̱ er a Yonatan nahan, shi i̱ hemba nahan kpaa, aluer terem una wa ishima u eren we kwaghbo man mo kpaa m pase u ga, man m na u gbenda kpaa sha er ú za doo doo ga yô; TER A̱ lu a we er A vande lun a terem nahan.