Yona 4:11 - ICIGHAN BIBILO

¹¹ man Mo ma M kera war Nineve ga yee? Zegegar ne u ior ve iv kimi je, ve hembe dubu deri môm man dubu ikundu, mba ve fe mkposo u uwegh vegh ku yanegh a ku imesegh ga, man shi uzendenya mba keregh kpishi kpaa.

Yona 4:11 Iomraidhean Croise

Genese 9:10

man a hanma kwagh u uma u a lu a ven imôngo, mba ve dugh ken tso la cii, inja na yô, ka hanma inyam i sha won cii.

Upasalmi 104:14

A er toho u mende sha ci u uile, man imendenev sha ci u or nana eren tom a mbi, sha er nana zuan a kwaghyan shin inya yô,

Upasalmi 36:6

Perapera Wou ngu er iwo i Aôndo yô, ijirôron You ngi er ivmnger nahan; TER, U koson or kua inyamtoho kpaa.

Yesaia 1:18

Va nen ase, sé hen nen kwagh imôngo, kape TER A kaa ne; shin er asorabo a en a nyian bong, nahan kpaa aa kungu er awombo nahan; shin er a nyian er kpagh nahan kpaa aa kungu er mou nahan.

Yesaia 37:37

Nahan Senakeribi tor u Ashiria mough hide, yem, a za tema ken Nineve.

Yesaia 7:16

Gadia er wanakiriki la una lu a fa u vendan kwagh u bo man u tsuwan kwagh u dedoo ga je tsô, tar u we u cie utor mba u, uhar mban, á undu u gbilin.

Yona 1:2

Mough sha, za hen Nineve, zegegar la, za ôr kwagh sha a na, gadia iferkwagh ve kôndo ar her a Mo.

Yona 3:10

Aôndo nenge aeren a ve er ve gema ishima ve undu gbenda ve u bo la, nahan Aôndo de kwagh u bo u A wa ishima u eren ve la; A kera er un ga.

Yona 4:10

Tsô TER kaa er: We yô, sar u ka ishilajôngo i̱ war, i u er tom sha mi ga, u ne i mvese kpaa ga, i i mende tugh môm shi i saa ishe tugh môm la;

Mateu 18:33

Nahan we kpaa, ka u ma u zungu ikaru u tom la keng er mo m zungu u mhôônom nahan gaa?

Duteronomi 1:39

Man shi mbayev enev mba kiriki, mba ne kaa ner á va kura ve la, man ônov enev mba ve fe kwagh u dedoo shin u bo nyian ga ne, ka ve vea nyôr ker ye, ka ve Me na ve u, shi ka ve vea ngohol u ye;