Yona 3:10 - ICIGHAN BIBILO

¹⁰ Aôndo nenge aeren a ve er ve gema ishima ve undu gbenda ve u bo la, nahan Aôndo de kwagh u bo u A wa ishima u eren ve la; A kera er un ga.

Yona 3:10 Iomraidhean Croise

1 Kroniku 21:15

Shi Aôndo tindi ortyom hen Yerusalem kpaa er a̱ za tim un; er a sôôn u timin un yô, TER nenge, nahan mhôônom kôr Un sha kwagh u bo la, A gema A kaa a ortyom u timin la er: Kuma ve; hide a uwegh ough ijime. Ortyom u TER la gema tile hen vande u gbiren alakema u Ornan, Oryebushi la.

Ekesodu 32:14

Tsô TER gema ishima de kwaghbo u A kaa er Una er ior Nav la.

Anzaakaa 28:13

Or u nan cir akaabo a nan yô, nana zua a iveren ga, kpa u nan pase a, shi nan undu a yô, nana zua a mhôônom ma zungwen.

Yesaia 30:18

Kpa TER yô, Una kegh, sha u eren a ven dedoo, ka nahan man A kende iyol Na sha, sha u Una zungwe ne mhôônom ye; gadia TER, ka Aôndo u ôron ijir je; saan mba ve keghen Un la cii iyol!

Yeremia 18:7

Shighe gen ka M ôr kwagh sha ikurior, man sha tartor, sha u wuhen man u yôhôl man u timin ve kera;

Yeremia 18:8

kpa aluer ikurior i M ter i la, ia gema ia undu ifer i i yô, Me vaa afanyô, Me de kwaghbo u M we ishima u eren i la.

Yeremia 36:3

Alaghga ya u Yuda una ungwa kwaghbo u M we ishima u eren ve la cii yô, vea gema, hanmô ve nana undu gbenda u nan u bo sha u M̱ de ve ifer ve man isholibo ve yô.

Yeremia 42:10

Aluer nea tema gil gil ken tar ne yô, nahan Me maa ne, Me yôhôl ne ga, Me môôr ne, Me wuhe ne ga; gadia M vaa afanyô sha kwaghvihin u M er ne la.

Yoel 2:13

ande nen asema a en, i̱ de kera lu akondo ga; gema nen hen TER, Aôndo wen, gadia ngu a mrumun u sha mhôôn, a mgbough a mhôônom ma zungwen, we ishima man ngu a erdoo tsung, ka A vaa afanyô sha kwagh u bo u A we ishima u eren la.

Amoshi 7:3

TER gema ishima sha kwagh la. Á kera lu nahan ga, kape TER A kaa la.

Amoshi 7:6

TER gema ishima sha kwagh la. Ngun kpaa una kera lu nahan ga, kape Ter AÔNDO A kaa la.

Yona 4:11

man Mo ma M kera war Nineve ga yee? Zegegar ne u ior ve iv kimi je, ve hembe dubu deri môm man dubu ikundu, mba ve fe mkposo u uwegh vegh ku yanegh a ku imesegh ga, man shi uzendenya mba keregh kpishi kpaa.

Yona 4:2

Tsô A sôn TER, a kaa er: TERE, ka kwagh u iyange m vande kaan, je er m lu ken tar wam la gaa? Ka nahan man iyange m gba yevese yemen Tarshishi ye; gadia m fa er U lu Aôndo u mhôônom ma ker U man u zungu mhôônom, U wan ishima, man U ngee a erdoo, man U deen ifer kpaa.

Luka 11:32

Ior mba ken Nineve vea nder sha iyange i ijir a kov ne imôngo vea na u ibo; gadia ve gema asema sha kwaghaôndo u ôron u Yona; man nenge, u a hembe Yona icivir, ngun heen ne.

Luka 15:20

Tsô a mough, a yem hen ter na. Kpa er lu ica je tsô, ter na ta ashe, za nenge a na, mhôônom kôr un kpishi, a wa ayem inya, a za kuve un, a gba susen un zwa.