Yona 2:7 - ICIGHAN BIBILO

⁷ Zum u uma wam hume ken a mo yô, m umbur TER; msen wam kpaa za nyôr her a We ken icighantempel Wou.

Yona 2:7 Iomraidhean Croise

2 Kroniku 30:27

Tsô upristi man Mbalevi mough, ver ior doo doo. Nahan i ungwa imo ve, msen ve kpaa kôndo ar sha icighanjiir Na u teman, za ar Sha je.

Upasalmi 11:4

TER ngu ken icighantempel Na; ikônough ki torough ki TER ki Sha; ashe Na nga kenger, akurashee a Na nga karen ônov mba iorov.

Upasalmi 142:3

Zum u jijingi wam ure ken a mo yô, We U fa gbenda wam. Sha gbenda u m zenden sha mi la, ve hônom kwagh sha u.

Upasalmi 143:5

M umbur ayange a ngise la, m hen kwagh sha aeren a Ou cii, m hen kwagh ken ishima sha tom u ave Ou je.

Upasalmi 18:6

Ken mkighir u i kighir mo ne, m yila TER; m genger, imo, m yila Aôndo wam. A ungwa imo yam ken tempel Na, mliam am ma m vaa a Na la nyôr ken ato Na.

Upasalmi 20:7

Mbagenev mba suur sha akekeautya, mbagenev yô, sha anyinya, kpa se yô, sea ter iti i TER, Aôndo wase.

Upasalmi 22:14

I haam kera er mngerem yô; akuhe am cii ndivir; ishima yam hingir er tsur yô, i sough ken atô wam;

Upasalmi 27:13

M na jighjigh mer me nenge mdoom ma TER ken tar u mbaumav.

Upasalmi 42:11

Ishima yam ka nyi u lu zuduu, man ka nyi u tem gir gir ken a mo ga? Ver ishima kegh Aôndo, gadia nahan kpaa shi me wuese Un, Oryiman wam man Aôndo wam kpaa.

Upasalmi 42:5

Ishima yam, ka nyi u lu zuduu, man ka nyi u tem gir gir ken a mo ga? Ver ishima kegh Aôndo, gadia nahan kpaa shi me wuese Un, Oryiman wam man Aôndo wam kpaa.

Upasalmi 43:5

Ishima yam, ka nyi u lu zuduu? Ka nyi u tem gir gir ken a mo ga? Ver ishima kegh Aôndo, gadia nahan kpaa shi me wuese Un, Oryiman wam man Aôndo wam kpaa. Ngun ka sha ci u orhemen u mbawanatsam. Ka Pasalmi u ônov mba Kora. Ka ityesen

Upasalmi 65:4

I saan or u U tsough nan la iyol, Wer nana̱ kporom er nana tema ken ityembe i iyou You la. Mdoom ma ya Wou maa kuma se, ka icighantempel Wou je la.

Yesaia 38:17

Nenge, bocan wam ne, gema nam mkpeyol, gadia uma wam doo U ishima je, U dugh un shin ihungwa i mtim kera, U gema asorabo am cii U gbihi ken ijime You.

Yesaia 50:10

Ka anti wen nan lu u cian TER, nan we iko sha imo i Wanakiriki Naa? Zum u nan zenden ken ime man nan lu a iwanger kpaa ga yô, nana̱ suur sha iti i TER, nana̱ lian ken Aôndo u nan kpaa.

Yona 2:4

Tsô m kaa mer: I gbihim sha ishigh You kera; nahan kpaa shi me kenger icighantempel wou.

Mika 1:2

Ungwa nen, ne ior cii; ver ato, we tar man akaa a a lu ken u cii; Ter AÔNDO A̱ lu shiada u hendan a ven, Ter ken icighantempel Na je.

Habaku 2:20

Kpa TER ngu ken icighantempel Na; yô, tar cii u̱ huan ving sha ishigh Nagh.

Mbaheberu 12:3

Ver nen ishima sha Un u A taver ishima sha imbaanyiman i mbaasorabo sha iyol Na la, sha u uma wen u ken ishima la a̱ de kera vôron ga, ishima kpaa, i̱ de yen ne ga.

1 Samuel 30:6

Ishima lu nyian Davidi tsung, gadia ior lu ôron er vea ta un awen; gadia asema vihi ior cii, hanma or sha ci u ônov mba nan mba nomso kua mba kasev; kpa Davidi taver ishima na ken TER, Aôndo na.