Yona 1:4 - ICIGHAN BIBILO

⁴ Kpa TER tindi zegeahumbe sha zegemnger, nahan zegeuraahumbe ta sha zegemnger, zan zan tso gba nôngon u hemben.

Yona 1:4 Iomraidhean Croise

Upasalmi 135:6

TER eren hanma kwagh u a doo Un ishima yô, sha aôndo, man shin tar, man shin uzegembamngerev kua shin aiv kpaa.

Upasalmi 135:7

Ka A er tulugh a kôndo sha, sha akighir a tar je; man ka A er inyiar sha ci u ura; shi A due a ahumbe ken iuna Na kpaa.

Upasalmi 148:8

usu man ura u awomboogh man senou man irkpiigh, man uraahumbe u u eren sha mkaanem Nam vough yô;

Ekesodu 10:13

Tsô Mose naregh gbough nagh sha tar u Igipiti; nahan TER er ahumbe a sha ityoughkitaregh shi van ken tar la didi, tsa tugh kaka kpaa; sev mbu aven yô, ahumbe a sha ityoughkitaregh va a ikomon.

Ekesodu 10:19

Nahan TER gema ahumbe a taver a ka a va shin ityôtar la, kura ikomon la, za haa shin Zegemnger u Nyian; ma orikomon môm kera shi ken tar u Igipiti je ga.

Ekesodu 14:21

Tsô Mose naregh uwegh nagh sha zegemnger; TER er zegemnger kuwa kera sha ahumbe a ken ityoughkitaregh, a taver, a tsa van tugh kaka; zegemnger uma, mngerem pav.

Ekesodu 15:10

U fehe ahumbe Ou, zegemnger cir ve, ve mire er inyelegh shin mngerem ma tamen yô.

Yeremia 51:16

ka Una ôr kwagh yô, mngerem hura sha Usha, ka A er tulugh a due ken akighir a tar a kôndo sha; A er inyiar sha ci u ura, man A due a ahumbe ken ayou a Na a koson akaa ker.

Amoshi 4:13

Gadia nenge Wen u A er iwo man A gbe ahumbe, man A pasen or mhen u ken ishima i nan, Wen u A gem sev mbu hingir ime, u A zenden sha ajiir a taven a sha tar la, TER, Aôndo u akum a Sha, ka iti Na je la.

Numeri 11:31

Nahan ahumbe due sha TER, kura utakange vegher u shin zege mnger, va haa ve hen afo kuma er zende u iyange i môm vegher ken man zende u iyange i môm vegher ken kpaa, kase akôngoafogh tser; ve zurum a inya je er aseva ahar nahan.