YOHANE 8:44 - ICIGHAN BIBILO

⁴⁴ Ne yô, ka ken ter wen diabolo je ne dugh ye, man ka ne ka eren asaren a ter wen; un yô lu orwuanor sha hiihii je, man a tile sha mimi ga sha ci u mimi ngu ker a na ga. Ka una eren aie yô, i lu sha mlu na je a lu ôron kwagh ye; gadia ka or u aie shi ka ter u aie kpaa.

YOHANE 8:44 Iomraidhean Croise

Genese 3:15

Me ver ihom hen atô wou vea kwase man hen atô u vor wou a vor na kpaa, u ua cagh u ityough, we di kpaa ú cagh u ikishinguhar

1 Utor 22:22

TER pine un er: Ka sha nyi? A kaa er: Me due, me hingir jijingi u aiegh ken zwa u uprofeti nav cii. Tsô A kaa er: We, ú mee un, ú hemba un kpaa; za ase, za er nahan.

1 Kroniku 21:1

Tsô Satan mough hendan a Iserael, a tor Davidi ityô er a̱ ôr iyenge i Iserael.

Yobu 1:11

Kpa naregh ase uwegh Ough, bende akaa a a lu a mi la cii, tsô una venda U sha ishigh You je!

Mateu 12:34

Ne ônov mba igbindev, á er nan man ne mba ne lu mbaaferev, né ôr akaa a doono? Gadia ka sha m-iv u ken ishima man zwa u er kwagh ye.

Mateu 13:15

Gadia ishima i nongoior ne cighir, ato a ve kpaa nga ongo dedoo ga; ve kusu ashe a ve kpaa, sha u vea nenge sha ashe a ve ga; man vea ungwa sha ato a ve kpaa ga, vea kav ken asema a ve ga, vea shi vea gema man Mo Me bee ve angev ga.

Mateu 13:38

Sule la yô, ka tar; ivor i dedoo la yô, ka ônov mba tartor; ivor i bo la gema ka ônov mba iferor.

YOHANE 6:70

Yesu gema kaa a ve er: M kera tsuwa ne pue kar uhar gaa? Man u môm ken a ven ka diabolo je.

YOHANE 7:17

Aluer i sar hanma or pe eren ishima Na yô, nana fa kwagh u ityesen ne, shin ka her Aôndo i dugh, shin ka kwagh Wam tsô M erou?

YOHANE 8:38

Ka akaa a M nenge hen Terem la je M lu ôron kwagh sha mi ye; man ne kpaa ka di akaa a ne ongo hen ter wen la je ne lu eren ye.

YOHANE 8:41

Ne mba eren aeren a ter wen. Ve kaa a Na er: Se yô, ka sha idya i mar se ga; se mba a Ter môm tsô, ka Aôndo je.

YOHANE 8:55

Kpa ne fa Un ga; Mo yô, M fa Un; aluer Mea kaa Mer; M fa Un ga yô, ma M hingir oraie er ne nahan je; kpa M fa Un, shi M we kwaghôron Na iko kpaa.

Aerenakaa A Mbaapostoli 13:10

a kaa er: We, wan u diabolo u u iv a icugh man hanma kwaghnzughul, u lu orihom u kwagh u perapera cii ne, u shi de u goom igbenda i jighilaa i Ter je gaa?

Aerenakaa A Mbaapostoli 24:9

Mbayuda kpaa zua zwa sha ijir yilan la ve lu rumun er, akaa ne kape a lu je la.

Aerenakaa A Mbaapostoli 5:3

Kpa Peteru kaa er: Anania, inja na nan man Satan a iv u ken ishima er u̱ er Icighan Jijingi aie, u̱ pande ishe i sule la u̱ yere?

2 Mbakorinte 11:3

Kpa m ngu cian mer, alaghga á va vihi mbamhen enev né undu mlu u mimi [man u wang] u ken Kristu la er iyô mee Ifa sha atseregh a i nahan.

1 Peteru 5:8

Lu nen geng ge geng shi kuran nen kpaa, orihom wen diabolo ngu zenden er begha u tan kume nahan, keren or u una ya yô.

2 Peteru 2:4

Gadia mbatyomov mba Shaav mba ve er isholibo la kpaa Aôndo tange ve ga, A gbihi ve ken Tartaru ken ahungwa a imegh sha u kuran ve zan zan shighe u ijir ia kuma yô.

1 Yohane 1:8

Aluer se kaa ser, se mba a isholibo ga yô, se mba tsughun ayol a ase tsô, mimi yô, ngu ken a vese ga.

1 Yohane 2:21

M nger ne ka sha ci u ne lan mimi ga, kpa ka sha ci u ne fe un, man ken mimi yô, ma aie ngu ga.

1 Yohane 2:4

U nan kaa er: M fa Un, kpa nan kera we atindi a Na iko ga yô, nan ngu or u aiegh je, mimi ngu ken a nan ga.

1 Yohane 3:12

i̱ de luun er Kain u a due ken Orbo man a wua anngô na la nahan ga; man i lu sha ci u nyi man a wua unu? Ka sha ci u aeren a na lu a bo, kpa a anngô na gema lu a perapera yô.

1 Yohane 3:15

Hanma or u nan ker anmgbian u nan ihom yô, ka orwuanor je; ne fa ma orwuanor nan ngu a uma u tsôron ken a nan ga.

Yuda 1:6

Mbatyomov mba Shaav mba ve kera wa iko sha tahav vev mbu i ver ve sha mi hiihii la ga, ve undu ijiir ve i teman jim la yô, ngu kuran ve ken uikangen ken ime i shin, gbem, sha ci u ijir i sha zegeyange la.

Mpase U Yohane 12:9

I gbihi zegedarakon la shin inya, ka tseiyô je la, u i yer un er Diabolo man shi Satan la, u a lu tsughun tar cii la, i gbihi un shin tar shi i gbihi mbatyomov nav a na imôngo kpaa.

Mpase U Yohane 13:14

I lu tsughun ior mba ve tem shin tar sha uivande mba i ne i u eren sha ishigh ki inyam i hiihii la, i kaa a ve er ve̱ er eev mbu inyam i i gber i sha sanker kpa i lu uma her la.

Mpase U Yohane 2:10

De cie akaa a aa va tser u la ga. Nenge diabolo ngu veren iyol u una kende ior enev mbagenev ken gaadi, sha u á kar ne yô; man ican ia er ne á kuma ayange pue je. Lu jighjigh, ar ken ku je man Me na u tsar u uma ye.

Mpase U Yohane 21:8

Kpa mbaciankwagh man mbanan jighjigh ga, man mba kwagh ve a ndôhôr ishima la man mbawuanior man mbadyarev man mbaahiriv man mbacivirakombo man mbaerenaie cii, kwar ve ngu ken ber u a lu hian sha usu man sulfur, ka ku u sha uhar je la.

Mpase U Yohane 22:15

Ken won yô, ka iwa man mbaahiriv man mbadyarev man mbawuanior man mbacivirakombo man mba aie a doo ve ishima shi ve eren un kpaa la.

Mpase U Yohane 9:11

Ve lu a tor ve, ka ortyom u ihungwa la, iti na ken zwa Heberu er Abadon man ken zwa Grika yô, iti na er Apolion.