YOHANE 8:42 - ICIGHAN BIBILO

⁴² Yesu kaa a ve er: Aôndo Una lu Ter wen yô, ma M doo ne ishima, gadia ka sha Aôndo je M dugh, M ve ye, gadia M gba van sha ishima Yam tsô ga, kpa ka Un je A tindim ye.

YOHANE 8:42 Iomraidhean Croise

Malaki 1:6

Wan civir ter na, ortom kpaa civir orvesen na; aluer Mea lu ter yô, icivir Yam ngi hana? Man aluer Mea lu orvesen yô, mcia u i ciem ngu hana? Kape TER u akum a Sha A kaa a ven ne, upristi mba ne lahan iti Yam la; nahan kpaa ne kaa ner: Se laha iti You hana?

YOHANE 1:14

Man Imo la hingir or je, va tema her a vese, se kenger icivir Na, icivir la lu er ka i Wan u môm môm u Ter nahan, mgbough a mrumun u sha mhôôn man mimi kpaa.

YOHANE 12:49

Gadia M gba ôron kwagh sha tahav Av ga; kpa ka Ter u A tindim la je, A nem tindi sha kwagh u Me kaa man shi Me ôr kpaa ye.

YOHANE 13:3

er Yesu A fe er Ter gema akaa cii wa Un sha ikev man shi er A fe er Un due hen Aôndo, shi Una za sha Aôndo yô,—

YOHANE 14:10

U na jighjigh er Mo M lu ken Ter, Ter kpaa A lu ken a Mo gaa? Mkaanem ma M er ne ne, M er ma ka sha tahav av ga kpa ka Ter u A lu ken Mo la, A eren ityom Na ye.

YOHANE 16:30

Hegen se fa U fa akaa cii, kera gba U u ma or nana pine U kwagh ga, ka nahan je man se ne jighjigh er U dugh her Aôndo ye.

YOHANE 17:25

Ter u perapera, tar fa U ga, kpa Mo M fa U, man mban kpaa fa er We U tindim yô.

YOHANE 17:8

gadia akaaôron a U nem, M na ve, ve ngohol, ve fa mimi je er M dugh her a We yô, man ve na jighjigh er i lu We, U tindim yô.

YOHANE 3:17

Gadia Aôndo tindi Wan Na shin tar ne sha u A̱ va ôr tar ijir ga, kpa ka sha u tar u̱ war sha a Na.

YOHANE 5:23

sha er ior cii ve̱ civir Wan er ve civir Ter nahan. Or u nan civir Wan ga yô, nan civir Ter u A tindi Un la kpaa ga.

YOHANE 5:43

Mo M va ken iti i Terem, kpa ne rumun Mo ga; aluer orgen nana va ken iti i nan iyol i nan yô, ka nan je né rumun nan ye.

YOHANE 8:14

Yesu gema kaa a ve er: Shin er M pasen kwagh Wam iyol Yam nahan kpaa, mpase Wam ka u mimi je; gadia M fa ape M dugh, man shi hen ape M lu zan la kpaa; kpa ne yô, ne fa ape M dugh man hen ape M lu zan la ga.

1 Mbakorinte 16:22

Aluer Ter Una doo or ishima ga yô, ifan i̱ kôr nan. Maranata. (Ter ngu van.)

Mbagalatia 4:4

Kpa er shighe va kuma vough yô, Aôndo tindi Wan Na, kwase va mar Un, i mar Un sha ikev i tindi,

1 Yohane 4:14

Se yô, se nenge man se mba eren shiada ser, Ter tindi Wan sha u A̱ lu Oryiman u tar.

1 Yohane 5:20

Man shi se fa Wan u Aôndo va kera ve; A na se mkav sha u se̱ fa Un u A lu u mimi la, man se mba ken Un u A lu u mimi la, ka ken Wan Na Yesu Kristu je la. Ngun ka Aôndo u mimi man shi uma u tsôron kpaa.

Mpase U Yohane 22:1

Tsô a tesem ifi u mngerem ma umam, lu wang er krusetalu nahan, lu duen ken ikônough ki torough ki Aôndo man ki waniyôngo la.