YOHANE 8:17 - ICIGHAN BIBILO

¹⁷ Ken atindi a en kpaa i nger er, shiada u ior ihiar ka u mimi je;

YOHANE 8:17 Iomraidhean Croise

1 Utor 21:10

shi ver ior uhar, agbilinaior, sha ishigh nagh, ve̱ er shiada sha a na, ve̱ kaa er: U tuhwa Aôndo kua tor. Yô, due a na ken won, za ta un awen, a̱ kpe.

Numeri 35:30

Or u nan woo or yô, i̱ wua orwuanor la sha mpase u mbashiada; kpa shiada u or môm yô, kuma u wuan or a mi ga.

Mateu 18:16

Man aluer una ungwa u ga yô, shi kua a or môm shin ior ihiar a we imôngo, sha er hanma kwaghôron una kure sha zwa u mbashiada uhar shin utar yô.

YOHANE 10:34

Yesu gema kaa a ve er: I kera nger ken atindi a en er: M kaa je Mer, ne mba mbaaôndo gaa?

YOHANE 15:25

Kpa i er kwagh ne sha er kwagh u i nger ken atindi a ve la, a̱ kure sha mi vough er: Ve kôrom ihom lu sha ityôikaa ga.

2 Mbakorinte 13:1

Ka kwa tar je m lu van ken ven ne. Ka sha zwa u mbashiada uhar shin utar man hanma kwaghôron una kure vough ye.

Mbagalatia 3:24

Kape tindi a lu orkuran wase u zan a vese ken Kristu sha u i̱ na se ishô sha jighjigh u nan yô.

Mbagalatia 4:21

Kaam nen ase yôô, ne mba i sar ne pe lun sha ikev i atindi yô, ne mba ungwan kwagh u atindi a kaa la gaa?

Duteronomi 17:6

Ka sha zwa u mbashiada uhar shin utar man á wua or u i er nan ijiir i kuugh la ye; sha zwa u shiada môm yô, i̱ de woo nan ga.

Duteronomi 19:15

Orshiada môm tseegh nana̱ de eren shiada sha or nana̱ pase hanma injaifer i nan, shin hanma injaisholibo i nan, á lu nyityô isholibo i or la nana er kpaa ga; ka sha zwa u mbashiada uhar shin sha zwa u mbashiada utar man kwagh una kure ye.

Mbaheberu 10:28

Aluer or nana per tindi u Mose sha apera yô, ka nan kpe sha shiada u ior uhar shin utar, mhôônom ma zungwen ma kera lu ga.

1 Yohane 5:9

Aluer se rumun shiada u ior kpaa shiada u Aôndo hemba; gadia shiada u Aôndo yô, ka sha kwagh u Wan Na A er shiada ye.

Mpase U Yohane 11:3

Me na mbashiada Av mba uhar tahav vea ôr kwaghôron u profeti á kuma ayange dubu man deri uhar man akunduatar, vea haa abaasôhô iyol.