YOHANE 7:4 - ICIGHAN BIBILO

⁴ Gadia ma or ngu u nan keren er i̱ fa nan ken igbar man nan gem nan eren akaa ken myer ga. Aluer Wea eren akaa ne nahan yô, pase iyol You sha won.

YOHANE 7:4 Iomraidhean Croise

1 Utor 22:13

Ortyom u a za u za yilan Mikaia la, kaa a na er: Nenge, uprofeti cii mba haan zwa môm, mba pasen kwagh u doon tor; yô, kwaghôron wou a̱ lu er kwaghôron u mô ve nahan, za ôr kwagh u dedoo.

Mateu 23:5

Kpa aeren a ve cii yô, mba eren a sha u ior ve̱ nenge; gadia ka ve kor akpagher a gbangese, man ve eren umka mba uriga vev ve kehe.

Mateu 4:6

kaa a Na er: Aluer Wea lu Wan u Aôndo je yô, gba ase iyol You shin inya, gadia i nger er: Una wa mbatyomov nav kwagh sha a We, sha er U̱ de te nguhar sha iwen ga yô.

Mateu 6:16

Man shighe u nea hôron kwaghyan yô, de luun nen zunguluu er mbaatsereghev nahan ga; gadia ka ve vihi ishiv vev sha u ior ve̱ nenge er ve her kwaghyan yô. Mimi je, M kaan ne ne, ve ngohol injar ve kera ve.

Mateu 6:5

Man shighe u wea eren msen yô, de luun er mbaatsereghev nahan ga; gadia ka i doo ve u tilen eren msen ken ushinagoge man sha akahar a akômaigbinda sha u ior ve̱ nenge a ve yô. Mimi je M kaan ne ne, ve ngohol injar ve kera ve.

Luka 6:45

Orinjaa ka nan due a kwagh u dedoo ken kwagh u ikoogh u ken ishima i nan je, man orbo kpaa ka nan due di a kwagh u bo ken kwagh u bo u ken ishima i nan je; gadia ka sha m-iv u ken ishima man zwa u er kwagh ye.

YOHANE 18:20

Yesu gema kaa a na er: M ôr tar kwagh gbar gbar; man shi M tesen ken shinagoge man ken tempel keke je, ape Mbayuda cii ve kohol la, ken myer yô, M ôr ma kwagh ga.

YOHANE 7:3

Nahan mba ve lu ngô môm a Na la kaa a Na er: Mough heen, yem ken Yudia sha er mbahenen Ou ve̱ nenge ityom i U eren ne yô.

YOHANE 7:5

Gadia mba ve lu ngô môm a Na la je kpaa na Un jighjigh ga.