YOHANE 7:39 - ICIGHAN BIBILO

³⁹ Kpa A ôr kwagh ne, lu sha kwagh u Jijingi u mba ve ne Un jighjigh vea zua a mi yô; gadia i lu a na Jijingi ga sha ci u i lu a ver Yesu sha icivir Na ga yô.

YOHANE 7:39 Iomraidhean Croise

Upasalmi 68:18

U kôndo U yem Sha, U yem a mbakwarev uikangen, U ngohol uiwua hen ior, een, zan zan hen mbahendan kpaa, sha er TER Aôndo Una tema a ve imôngo yô.

Anzaakaa 1:23

Wa nen myange wam iko, tsô me haa ne jijingi wam, me pase ne akaaôron am.

Yesaia 12:3

Nahan yô, ka sha iember je né tsugh mngerem shin azôr a myom ye.

Yesaia 32:15

zan zan á haa se Jijingi u Sha man desereti una hingir sule u ikon i umen atam man sule u ikon i umen atam kpaa ia hingir er ka ikô nahan.

Yesaia 44:3

Gadia Me haa mngerem sha tar u imura i ker u yô, man uikuwanmbamngerev kpaa hen ikpoghonya; Me haa Jijingi Wam sha mbayev ou, kua iveren Yam kpaa sha tsombor wou;

Yoel 2:28

Tsô sha ayange a masetyô la, Me haa Jijingi Wam sha uumace cii; ônov enev mba nomso man mba kasev vea ôron kwaghôron u profeti, mnyam maa cie mbatamen enev, ikaior yen ia nenge mbampase mba sha mnenge;

Mateu 16:14

Ve kaa er: Mbagenev mba kaan er: Ka Yohane u eren batisema, mbagenev yô, er: Ka Eliya; man mbagenev di er: Ka Yeremia; gayô, ka mô gen ken uprofeti.

Mateu 21:11

Ikpelaior kaa er: Ngun ka profeti Yesu, u A dugh ken Nasareti u ken Galilia la.

Luka 24:49

Man nenge, M ngu tindin ityendezwa i Terem sha a ven; kpa hira lu nen ken gar zan zan i̱ haa ne agee a Sha.

Luka 3:16

Nahan Yohane gema kaa a ve cii er: Mo yô, M ngu eren ne batisema sha mnger, kpa u A hembem agee ngu van, u mo m kom u saghen kwange u akôvangahar a Na ga; Wen yô, Una er ne batisema sha Icighan Jijingi man sha usu kpaa.

Luka 7:16

Nahan mciem gba ve iyol cii, ve gba civir Aôndo kaan er: Zegeprofeti mough ken vese ve; man shi Aôndo va sôr nongo Na.

YOHANE 1:21

Nahan ve pine un er: Tsô u ngu ana? U ngu Eliya? A kaa er: M ngu un ga. Tsô u ngu profeti laa? A gema a kaa er: Ei!

YOHANE 1:25

Shi ve pine un er: Tsô ka nyi u eren batisema aluer wea lu Kristu ga, man Eliya kpaa ga man profeti la kpaa ga yôô?

YOHANE 1:33

Mo kpaa m vande fan Un ga; kpa Un u A tindim sha u eren batisema sha mnger la, ka Un je A kaa a mo er: Or u u nenge Jijingi Una sen sha a Na, Una tema sha a na yô, ka Un u A eren batisema sha icighan Jijingi je la.

YOHANE 12:16

Akaa la mbahenen Nav kav a sha hiihii la ga, kpa zum u i na Yesu icivir kera yô, ve mase umbur er i nger akaa ne sha a Na, man er i er Un a kpaa yô.

YOHANE 12:23

Kpa Yesu gema kaa a ve er: Shighe kuma u a na Wan u or icivir ve.

YOHANE 14:13

Man nyityô kwagh i ne sôn ken iti Yam yô, Me er i, sha er Ter A̱ zua a icivir ken Wan yô.

YOHANE 14:26

Kpa Orsurunshima, ka Icighan Jijingi je la, u Ter Una tindi ken iti Yam yô, ka Un je, Una tese ne akaa cii, man shi Una umbur ne akaa a M er ne cii kpaa ye.

YOHANE 16:14

Un yô, Una nam icivir gadia ka kwagh Wam Una tôô Una ôr ne ye.

YOHANE 16:7

Kpa ka mimi je M kaa ne ye Mer: Ka ne a inja u Me yem yô; gadia aluer Me yem ga yô, Orsurunshima Una va her a ven ga. Kpa aluer Me yem yô, Me tindi ne a Na.

YOHANE 17:1

Zum u Yesu ôr akaa ne kera yô, A kende ashe Sha, a kaa er: Tere, shighe kuma, na Wan Wou icivir, sha er Wan Wou kpaa A̱ na U icivir yô,

YOHANE 17:5

Hegen yô, Tere, nam icivir hen We, sha icivir i M lu a mi her a We je, er i lu a gba tar ga la.

YOHANE 20:22

Kaan nahan yô, A fehe ve humbe, A kaa a ve er: Ngohol nen Icighan Jijingi.

YOHANE 6:14

Tsô ior mba nengen ivande i A er nahan la yô, ve kaa er: Mimi je, ngun ka profeti u i ongo er ngu van shin tar je ne.

YOHANE 7:12

Man ikpelaior gba unun sha kwagh Na kpishi. Mbagenev kaa er: Ka ormimi je; mbagenev di yô, ve kaa er: Ei, ngu tsumen a tsume a ior.

YOHANE 8:54

Yesu gema kaa er: Aluer Mea civir iyol Yam yô, icivir Yam la ia lu a inja ga; ka Terem A civir Mo ye, Un u ne kaan ner, ka Aôndo wen la.

Aerenakaa A Mbaapostoli 19:2

A kaa a ve er: Zum u ne na jighjigh la yô, ne ngohol Icighan Jijingi kpa? Ve kaa a na er: Ei, m-ongo tsô kpaa se mba a ungwa kwagh u Icighan Jijingi ga.

Aerenakaa A Mbaapostoli 2:17

Kape á lu sha ayange a masetyô je la, kape Aôndo A kaa la, Me haa Jijingi wam sha uumace cii, ônov enev mba nomso man mba kasev vea ôron kwaghôron u profeti, ikaior yen ia nenge mbampase mba sha mnenge. 2 Mnyam maa cien mbatamen enev kpaa.

Aerenakaa A Mbaapostoli 2:33

Er i kende Un sha a lu ken uwegh ku yanegh ku Aôndo man er A ngohol ityendezwa i Icighan Jijingi hen Ter A haa Un yô, ka kwagh shon u ne lu nengen shi ne lu ungwan kpaa je ne.

Aerenakaa A Mbaapostoli 2:38

Nahan Peteru kaa a ve er: Gema nen asema, i̱ er hanmô wen batisema ken iti i Yesu Kristu sha mde u asorabo a en, tsô né ngohol Icighan Jijingi iwua je.

Aerenakaa A Mbaapostoli 2:4

Ve cii i iv ve a Icighan Jijingi, ve gba ôron kwagh ken ijô igen er Jijingi na ve u ôron yô.

Aerenakaa A Mbaapostoli 3:13

Ka Aôndo u Aberaham man Isaka man Yakob, ka Aôndo u uter asev, A civir Wanakiriki Na Yesu ye, Un u ne na Un kera, ne nyiman Un sha ishigh ki Pilatu zum u wa ishima u una pase Un á tuhwa yô.

Aerenakaa A Mbaapostoli 4:31

Tsô mba eren msen kera yô, ijiir i ve kohol her la, i tenger, ve cii i iv ve a Icighan Jijingi, ve gba ôron kwaghôron u Aôndo vangertiôr.

Mbaromanu 8:9

Kpa ne yô, ne mba ken iyol ga, ka ken jijingi ne lu ye aluer Jijingi u Aôndo tema ken a ven yô. Kpa aluer or nana lu a Jijingi u Kristu ga yô, nan ngu u Na ga.

2 Mbakorinte 3:8

man hire tom u sha jijingi la ua hemba lun a iengem ga yee?

Mbaefese 4:30

De vihin nen Icighan Jijingi u Aôndo ishima ga u i ver ne ikav sha a Na sha ci u iyange i mpaa la.