YOHANE 7:28 - ICIGHAN BIBILO

²⁸ Tsô er Yesu lu tesen ken tempel yô, A taver imo genger genger er: Ne fam, shi ne fa henpe M dugh kpaa; Mo kpaa M gba van sha ishima Yam tsô ga, kpa Un u A tindim la, ka u mimi je, kpa ne ne fa Un ga.

YOHANE 7:28 Iomraidhean Croise

Upasalmi 9:10

Mba ve fe iti You yô, vea suur sha a We, gadia TERE, We, U kende mbakeren We la, dang mayange ga.

Yeremia 31:34

Nahan hanmô ve nana kera tese or u wan ndor a nan, shin anmgbian u nan er: Fa TER ga; gadia ve cii vea fam, á hii sha u kiriki ve zan zan ar sha u vesen, kape TER A kaa ne; gadia Me de ve ifer ve, asorabo a ve kpaa Me kera seer u umbur a ga.

Yeremia 9:6

Ya wou ngu ken atô u icugh, sha ci u icugh ve yô, ve venda u fan Mo, kape TER A kaa ne.

Hosea 4:1

Ungwa nen imo i TER ne Mbaiserael; gadia TER ngu a ayôôso a mba ve tem ken tar ne, sha ci u jighjigh a lu ga, dooshima kpaa ga, shin u fan Aôndo ken tar ne kpaa ga yô.

Hosea 5:4

Aeren a ve rumun u ve̱ hide hen Aôndo ve ga; gadia jijingi u idya ngu ken a ve, man ve kera fa TER kpaa ga.

Mateu 11:27

Akaa cii Terem gema a, wam sha ikev, man shi ma or fa Wan ga, saa Ter tseegh, man shi ma or fa Ter kpaa ga, saa Wan, man shi hanmô u Wan A we ishima u pasen nan yô.

Mateu 2:23

a za a za tema ken gar ugen u i yilan er Nasareti la, sha u kwagh u uprofeti lu ve kaa la, a̱ kure sha mi vough yô, er: Á yila Un er Ornasareti.

Mateu 26:55

Hen ihwa la je Yesu kaa a ikpelaior la er: Ne va a usanker man agudô sha u va kôron Mo, er ka or u numun gbenda yôô? Hanma iyange kpaa M teman ken tempel, M tesen, kpa ne kôrom ga.

Luka 10:22

Akaa cii Ter gema a wam sha ikev; man shi ma or fa Wan ga, saa Ter tseegh; man shi ma or fa Ter kpaa ga, saa Wan, man shi hanmô u Wan A we ishima u pasen nan yô.

Luka 2:11

gadia i mar ne Oryiman ken gar u Davidi nyian, ka Kristu Ter je la.

Luka 2:39

Mba kur akaa a sha tindi u Ter cii yô, ve hide ken Galilia ve va hen gar ve Nasareti.

Luka 2:4

Yosev kpaa mough ken Galilia ken gar u Nasareti, za hen Yudia hen gar u Davidi u i yilan er Betelehem la, sha ci u un lu u ken ya u Davidi man tsombor na kpaa.

Luka 2:51

Tsô A yem a ve, A va ken Nasareti, A lu ungwan imo ve. Ngô Na kpaa koso mkaanem man cii ken ishima na.

YOHANE 1:46

Natanael kaa a na er: Ma kwagh u injaa una fatyô u duen ken Nasareti kpa? Filibu kaa a na er: Yô, va va nenge.

YOHANE 10:36

ka nyi man ne kaan a Un u Aôndo a tsegh Un, A tindi Un shin tar la, ner: U ngu tuhwan Aôndo, sha ci u M kaa Mer: M ngu Wan u Aôndo?

YOHANE 12:49

Gadia M gba ôron kwagh sha tahav Av ga; kpa ka Ter u A tindim la je, A nem tindi sha kwagh u Me kaa man shi Me ôr kpaa ye.

YOHANE 14:10

U na jighjigh er Mo M lu ken Ter, Ter kpaa A lu ken a Mo gaa? Mkaanem ma M er ne ne, M er ma ka sha tahav av ga kpa ka Ter u A lu ken Mo la, A eren ityom Na ye.

YOHANE 14:31

kpa tar u̱ fa er Ter A doom ishima, man shi M eren er Ter A wem kwagh yô. Mough se yem nen heen kera.

YOHANE 16:3

Akaa angan vea er sha ci u ve fe Ter ga, Mo kpaa ve fem ga yô.

YOHANE 17:25

Ter u perapera, tar fa U ga, kpa Mo M fa U, man mban kpaa fa er We U tindim yô.

YOHANE 17:3

Man uma u tsôron yô, ka u ve̱ fa U, We Aôndo u mimi tswen, man shi Un u U tindi la, ka Yesu Kristu.

YOHANE 3:2

Un va her a Na tugh, va kaa a na er: Rabi, se fa U ngu ortesen, ka sha Aôndo U ve ye, gadia ma or nana fatyô u gban eren uivande mba U eren ne ga, saa Aôndo Una lu a nan.

YOHANE 3:33

U nan rumun mpase Na la yô, nan seer u tesen er Aôndo A lu u mimi yô.

YOHANE 5:32

Orgen u pasen kwagh Wam ngu, man M fa, mpase u A pasen kwagh Wam la ka sha mimi je.

YOHANE 5:43

Mo M va ken iti i Terem, kpa ne rumun Mo ga; aluer orgen nana va ken iti i nan iyol i nan yô, ka nan je né rumun nan ye.

YOHANE 6:42

Nahan ve kaa er: Ngun kera ka Yesu Wan u Yosev u se fe ter Na kua ngô Na kpaa ne gaa? Inja na nan man A kaan er: M sen Sha?

YOHANE 7:14

Kpa mba eren iniongo i ze dôghôô, Yesu za nyôr ken tempel, gba tesen ior.

YOHANE 8:14

Yesu gema kaa a ve er: Shin er M pasen kwagh Wam iyol Yam nahan kpaa, mpase Wam ka u mimi je; gadia M fa ape M dugh, man shi hen ape M lu zan la kpaa; kpa ne yô, ne fa ape M dugh man hen ape M lu zan la ga.

YOHANE 8:16

Man aluer Mea ôron ijir je kpaa, ijir Yam i ôron ka i mimi je, gadia M ngu tswen ga kpa ka Mo vea Un u A tindim la.

YOHANE 8:19

Tsô ve kaa a Na er: Nahan Teru ngu hana? Yesu gema kaa er: Ne fam ga, Terem kpaa ne fa Un ga; nea fem yô, ma ne fe Terem kpaa.

YOHANE 8:26

M ngu a akaa kpishi a ma M er sha kwagh wen man a ma M er ijir sha mi kpaa, kpa Un u A tindim la ka u mimi je; ka akaa a M ongo her a Na je M er tar ye.

YOHANE 8:42

Yesu kaa a ve er: Aôndo Una lu Ter wen yô, ma M doo ne ishima, gadia ka sha Aôndo je M dugh, M ve ye, gadia M gba van sha ishima Yam tsô ga, kpa ka Un je A tindim ye.

YOHANE 9:29

Se fa Aôndo ôr kwagh a Mose kpa Or ne yô, se fa ape A dugh ga.

Aerenakaa A Mbaapostoli 17:23

gadia zum u m lu karen, kenger akaa a ne civir a yô, nahan m zua a atse agen a nanden nagh sha mi, i nger kwagh ne sha mi nahan er: Ka sha ci u aôndo u i fe un ga la; yô, ka Un u ne civir Un sha lan ne m lu pasen ne kwagh Na ye.

Mbaromanu 1:28

Er i kera doo ve u rumun Aôndo ga yô, Aôndo gbihi ve ken mhen u a lu u injaagh ga yô, man u eren akaa a lun sha mi ga kpaa.

Mbaromanu 3:4

Mayange ga, Aôndo A̱ lu u mimi shin er ior cii ve lu mbaaiev nahan kpaa; kape i nger kpaa la er: Ka sha u Ú lu a ishô sha akaaôron a Ou yô, shi Ú hemba sha ijir i U yer la kpaa yô.

2 Mbakorinte 1:18

Aôndo ka u jighjigh, kwaghôron wase a ven lu “een” vea “ei” imôngo ga.

2 Mbakorinte 4:6

Ka Aôndo u A kaa er, iwanger i̱ wanger ken ime la, A lu tan iwanger ken asema ase ye, sha u mkav u iengem i Aôndo i sha ishigh ki Kristu la i̱ wanger se yô.

Titu 1:2

ka sha ishimaveren keghen uma u tsôron, u Aôndo u A eren aie ga la, A tôndo zwa je er shighe lu a lu ga la.

Mbaheberu 6:18

sha u sha akaa ahar a a lu a geman ga, a Aôndo kpaa Una fatyô u eren aie sha mi ga ne, se mba se yevese ser, sé za war her a Na la, se̱ hemba lun a ishima i taver, sha u kôron ave sha ishimaverenkeghen i i lu se ken hemen la.

1 Yohane 5:10

Or u nan ne Wan u Aôndo jighjigh yô, nan ngu a shiada ne ken a nan. U nan ne Aôndo jighjigh ga yô, nan yila Un aie je ve, gadia nan na shiada u Aôndo A er sha kwagh u Wan Na la jighjigh ga.

1 Samuel 2:12

Kpa ônov mba Eli, lu udangmbaiorov, ve fa TER ga.