YOHANE 7:19 - ICIGHAN BIBILO

¹⁹ Kera ka Mose lu na ne atindi gaa? man mô wen môm nan we atindi la iko ga. Ka nyi ne keren Mo a ku?

YOHANE 7:19 Iomraidhean Croise

Mateu 12:14

Nahan Mbafarishi due, gba tumen idyu sha a Na, er vea er man vea wua Un yô.

Mateu 21:38

Kpa mbashirensule mbala mba nengen a wan la yô, ve kaa ayol a ve er: Ngun ka u dyako je ne; se wua nen un, se ngohol nen dyako na.

Marku 11:18

Upristi mba tamen man mbangeren mba ongo nahan yô, ve gba keren gbenda u vea wua Un yô; gadia ve lu cian Un, sha ci u ikpelaior cii, lu kpiligh ve iyol sha ityesen Na.

Marku 3:4

Nahan A pine ve er: I rumun er i̱ er kwagh u dedoo sha iyange i memen, shin i̱ vihi a vihi kwagha, i̱ yima or shin i̱ wua a wua oro? Kpa ve huan, ve bugh zwa ga.

Marku 3:6

Nahan Mbafarishi due za kohol a ior mba Herode fese, ve gba henen kwagh sha a Na, er vea er man vea wua Un yô.

YOHANE 1:17

Gadia i na atindiakaa a va sha ikev i Mose, kpa mrumun u sha mhôôn man mimi yô, gema ka ken Yesu Kristu ve va ye.

YOHANE 10:39

Ve shi ve gba nôngon u vea kôr Un, kpa A war sha ikev ve kera.

YOHANE 11:53

Hii sha iyange la je ve gba henen er vea er man vea wua Un yô.

YOHANE 5:16

Ka sha kwagh ne man Mbayuda lu tôvon Yesu a ican sha ci u A er akaa ne sha iyange i memen yô.

YOHANE 5:18

Ka sha ci u kwagh ne man Mbayuda hemba keren Un a ku ye, lu sha ci u A vihi iyange i memen tseegh ga, kpa A shi A yila Aôndo er Ter Na je, inja na yô, A fa er Un ngu er Aôndo nahan vough.

YOHANE 5:45

De henen nen ner, Mo Me sende ne a Ter ga; ka Mose u ne veren ishima sha a na la je a lu senden ne ye.

YOHANE 7:1

Ken masejime u akaa ne yô, Yesu gba zenden ken Galilia, gadia lu Un pe zenden ken Yudia ga, sha ci u Mbayuda keren Un a ku yô.

YOHANE 7:25

Tsô mbagenev mba ken Yerusalem kaa er: Kera ka Un u i keren Un a ku ne gaa?

Aerenakaa A Mbaapostoli 7:38

Ka un je man a lu ken mkohol u ken taaikôngo a ortyom u a ôr kwagh a na la imôngo sha uwo u Senai, man a uter asev kpaa ye, man shi a ngohol mkaanem ma umam sha u una na se ma kpaa yô.

Mbagalatia 3:19

Nahan atindi nga a inja sha nyi? Ka sha ci u mbamper mba i per tindi la man i seer a ye, zan zan vor u i tende zwa sha mi la ua kar van. I na a sha mkaa u mbatyomov mba Shaav sha ikev i orhimen.

Mbagalatia 6:13

Gadia mba ve tsenge je kpaa, ve ayol a ve mba kuran atindi ga, kpa sar ve pe ma ne tsenge sha u vea ta ihagh sha iyol yen yô.

Duteronomi 1:17

Sha ijirôron kpaa, de hembe wan nen orgen iko a orgen ga, or u ikoogh ga kpaa, waan nen nan iko vough er or u ikoogh nahan, de cie nen or ashe ga, gadia ijir ka i Aôndo; kwagh u a hembe ne yô, va nen a mi her a mo, mo me ungwa un.

Duteronomi 33:4

Mose na se atindiakaa, ka dyako u ior i Yakob je la.