YOHANE 7:17 - ICIGHAN BIBILO

¹⁷ Aluer i sar hanma or pe eren ishima Na yô, nana fa kwagh u ityesen ne, shin ka her Aôndo i dugh, shin ka kwagh Wam tsô M erou?

YOHANE 7:17 Iomraidhean Croise

Upasalmi 119:10

M ker U a ishima yam cii, de deen mo, m̱ undu atindi a Ou ga.

Upasalmi 25:12

Ka anti nan cie TERE? Una tese nan gbenda u nana̱ tsuwa yô.

Upasalmi 25:14

Kwaghmyer u TER ngu a mba ve cie Un yô, Una tese ve ikuryan Na.

Anzaakaa 28:5

Aferaior nga kaven ijir i mimi ga, kpa mba ve keren TER yô, mba kaven akaa cii.

Anzaakaa 3:32

Gadia iferor ka kwagh u ndôhôr TER ishima je, kpa mzough Na yô, ngu a mbaperapera.

Yesaia 35:8

Kômgbenda una lu her, á yila un er Icighangbenda; or u nan lu wang ga yô, nana kar sha mi ga; kpa una lu sha ci ve, mbazenden sha mi kua abumeaior je kpaa vea tsume sha mi ga.

Daniel 12:10

Mbagenev kpishi vea wanger ayol a ve, vea tsegha ayol a ve, vea lu wang; kpa mbaaferev yô, vea er aferakaa; mô môm ken mbaaferev nana kav ga; kpa mba ve lu a kwaghfan yô, vea kav.

Hosea 6:3

Yô, sé fa nen, sé nôngo nen tsung u fan TER; mdugh Na ka u kpee je, er m-av u use nahan: Una va hen vese er ura nahan, er ka ura u masetyô u haan mngerem inya yô.

Mika 4:2

akuraior kpishi aa za aa kaa er: Va nen, sé za nen sha uwo u TER, hen ya u Aôndo u Yakob, sha u Una tese se igbenda Na man sha u sea zenden sha igbenda Na kpaa; gadia ka ken Shion tindi una due ye, kua kwaghôron u TER kpaa, ken Yerusalem.

Malaki 4:2

Kpa ne mba ne cie iti Yam yô, iyange i perapera ia due ne a mbee u uange ken akper a i; né due, né tsuwe er anibuav ka ve due ken ityôr nahan.

Mateu 6:22

Imenger i iyolough ka ishe; nahan aluer ishe you ia lu dedoo yô, iyol you cii kpaa ia iv a iwanger.

Luka 8:15

Kpa i hen inya i dedoo yô, ka mba ve ongo kwaghôron la man ve kusu un ken ishima i mimi i dedoo man ve ume atam sha ishimawan.

YOHANE 3:21

Kpa u nan eren mimi yô, nan ve hen iwanger sha er á pase aeren a nan er i lu ken Aôndo je man i er a ye.

YOHANE 8:43

Ka nyi ne kaven kwagh u M lu ôron a ven ne ga? Ka sha ci u ne fatyô u ungwan kwaghôron Wam ga yô.

YOHANE 8:44

Ne yô, ka ken ter wen diabolo je ne dugh ye, man ka ne ka eren asaren a ter wen; un yô lu orwuanor sha hiihii je, man a tile sha mimi ga sha ci u mimi ngu ker a na ga. Ka una eren aie yô, i lu sha mlu na je a lu ôron kwagh ye; gadia ka or u aie shi ka ter u aie kpaa.

YOHANE 8:47

U nan dugh sha Aôndo yô, nan ongo mkaanem ma Aôndo; kape i lu man ne ongo ma ga la, sha ci u ne dugh her Aôndo ga yô.

Aerenakaa A Mbaapostoli 17:11

Mbala yô, hemba ior i Tesalonika inja i mimi, sha er ve rumun kwaghôron la sha gbashima shi ve lu timen ken icighanruamabera ayange ayange sha u vea nenge shin akaa la aa lu nahan yô.