YOHANE 6:68 - ICIGHAN BIBILO

⁶⁸ Shimon Peteru gema kaa a Na er: Tere, ka hen an je shi sé zaa? Ka We U lu a mkaanem ma uma u tsôron ye.

YOHANE 6:68 Iomraidhean Croise

Upasalmi 73:25

Ka an m lu a mi Sha, saa We tseegh gaa? Man ma kwagh u a sarem sha tar ngu ga, saa We.

Mateu 16:16

Shimon Peteru gema kaa er: We U ngu Kristu Wan u Aôndo u uma.

Marku 8:29

A gema A pine ver er: Kpa ne yô, ne mba kaan ner, Mo M ngu ana? Peteru kaa a Na er: We U ngu Kristu je.

Luka 9:20

A kaa a ve er: Tsô ne yô, ne mba kaan ner: Mo, M ngu ana? Peteru gema kaa er: Ka Kristu u Aôndo.

YOHANE 12:49

Gadia M gba ôron kwagh sha tahav Av ga; kpa ka Ter u A tindim la je, A nem tindi sha kwagh u Me kaa man shi Me ôr kpaa ye.

YOHANE 12:50

Man shi M fa tindi Na ka u uma u tsôron je. Nahan akaa a M lu ôron ne ne M ngu ôron vough er Ter A kaam nahan.

YOHANE 17:8

gadia akaaôron a U nem, M na ve, ve ngohol, ve fa mimi je er M dugh her a We yô, man ve na jighjigh er i lu We, U tindim yô.

YOHANE 5:24

Mimi mimi je, M kaan ne ne, or u nan ongo kwaghôron Wam man nan ne Un u A tindim la jighjigh yô, nan ngu a uma u tsôron, nan ngu van hen ijirôron kpaa ga, kpa nan due ken ku, nan nyôr ken uma ve.

YOHANE 6:40

Gadia ishima i Terem ka i ne: Hanma or u nan nenge a Wan, shi nan ne Un jighjigh yô, nana̱ zua a uma u tsôron, man Mo kpaa Me nder nan sha iyange i masetyô.

YOHANE 6:63

Ka Jijingi A ne uma ye; iyol yô, ngi a inja sha ma kwagh ga. Mkaanem ma M er ne, ka jijingi man ka uma kpaa.

Aerenakaa A Mbaapostoli 13:26

Ne anmgbianev, ne ônov mba ken tsombor u Aberaham man ne mba ne cie Aôndo cii, ka her a vese je i tindi a loho u myom ne ye.

Aerenakaa A Mbaapostoli 4:12

Man shi myom ngu ken ma or ugen kpaa ga; gadia ma iti igen i i ne ior i á yima se a mi keng yô, ngi sha won kpaa ga.

Aerenakaa A Mbaapostoli 5:20

Yem nen, za tile nen ken tempel, ôr nen ikpelaior akaaôron a uma ne cii.

Aerenakaa A Mbaapostoli 7:38

Ka un je man a lu ken mkohol u ken taaikôngo a ortyom u a ôr kwagh a na la imôngo sha uwo u Senai, man a uter asev kpaa ye, man shi a ngohol mkaanem ma umam sha u una na se ma kpaa yô.

Aerenakaa A Mbaapostoli 8:37

Filibu kaa er: Aluer u na jighjigh a ishima i môm yô, á fatyô. A gema a kaa er: M na jighjigh er Yesu Kristu ka Wan u Aôndo je.]