YOHANE 6:47 - ICIGHAN BIBILO

⁴⁷ Mimi mimi je, M kaan ne ne, or u nan ne jighjigh yô, nan ngu a uma u tsôron.

YOHANE 6:47 Iomraidhean Croise

YOHANE 11:26

Man anti or u nan lu uma man nan nem jighjigh yô, nana kpe mayange ga. U na kwagh ne jighjigh kpa?

YOHANE 14:19

Mase shin ciôn man tar ua kera nenge a Mo ga; kpa ne yô, né nenge a Mo, sha ci u Mo M lu uma, ne kpaa né va lu uma yô.

YOHANE 3:16

Gadia tar ne doo Aôndo ishima je, nahan A na Wan Na u môm môm la sha er anti or u nan ne Un jighjigh yô, nana̱ de timin ga kpa nana̱ zua a uma u tsôron.

YOHANE 3:18

U nan ne Un jighjigh yô, á ôr nan ijir ga, kpa u nan ne jighjigh ga yô, i na nan ibo kera je ve, sha ci u nan ne iti i Wan u môm môm u Aôndo la jighjigh ga yô.

YOHANE 3:36

U nan ne Wan jighjigh yô, nan ngu a uma u tsôron; kpa u nan hembe Wan ato yô, nana nenge a uma ashe ga, kpa iyugh i Aôndo ngi sha a nan.

YOHANE 5:24

Mimi mimi je, M kaan ne ne, or u nan ongo kwaghôron Wam man nan ne Un u A tindim la jighjigh yô, nan ngu a uma u tsôron, nan ngu van hen ijirôron kpaa ga, kpa nan due ken ku, nan nyôr ken uma ve.

YOHANE 6:27

De kera eren nen tom sha ci u kwaghyan u a saan ishe ga, kpa i̱ lu sha ci u kwaghyan u a lu zan zan uma u tsôron, u Wan u or Una na ne yô, gadia Aôndo Ter, ver ikav sha a Na.

YOHANE 6:40

Gadia ishima i Terem ka i ne: Hanma or u nan nenge a Wan, shi nan ne Un jighjigh yô, nana̱ zua a uma u tsôron, man Mo kpaa Me nder nan sha iyange i masetyô.

YOHANE 6:50

Ngun ka kwaghyan u a sen Sha je ne, sha er anti or u nana ya un yô, nana kera kpe ga yô.

YOHANE 6:51

Mo M ngu kwaghyan u uma u a sen sha la; aluer anti or nana ya kwaghyan ne yô, nana lu uma gbem sha won. Man kwaghyan u Me na yô, ka iyol Yam je, sha ci u uma u tar.

YOHANE 6:54

Or u nan ye iyol Yam, shi nan me awambe Am yô, nan ngu a uma u tsôron; Me nder nan sha iyange i masetyô.

YOHANE 6:58

Ngun ka kwaghyan u a sen Sha je ne; ka er uter enev lu ya mana, shi kpe la ga. U nan ye kwaghyan ne yô, nana lu uma gbem sha won.