YOHANE 6:46 - ICIGHAN BIBILO

⁴⁶ Ka u kaan er: Ma or nenge a Ter, ga; ka Un u A dugh sha Aôndo la tseegh A nenge a Ter ye.

YOHANE 6:46 Iomraidhean Croise

Ekesodu 24:10

ve nenge a Aôndo u Iserael; ape angahar a Na a lu, vegher u shin, lu er tembe u i kôngor u sha iwen i safir yô, wanger wang je, er kwavaôndo nahan.

Mateu 11:27

Akaa cii Terem gema a, wam sha ikev, man shi ma or fa Wan ga, saa Ter tseegh, man shi ma or fa Ter kpaa ga, saa Wan, man shi hanmô u Wan A we ishima u pasen nan yô.

Luka 10:22

Akaa cii Ter gema a wam sha ikev; man shi ma or fa Wan ga, saa Ter tseegh; man shi ma or fa Ter kpaa ga, saa Wan, man shi hanmô u Wan A we ishima u pasen nan yô.

YOHANE 1:18

Aôndo yô, mayange ma or ngu a nenge a Na ga; Wan u môm môm u A lu sha ikum i Ter la, ka Wen je A va ne i fe Un ye.

YOHANE 14:7

Nea fem yô, ma ne fe Terem kpaa; hii hegen je zan zan ne fa Un ve, ne nenge a Na kpaa.

YOHANE 15:24

Aluer Mea eren ityom her a ve i mô gen nan er ga yô, ma ve lu a isholibo ga; kpa hegen yô, ve nenge i, shi ve kôrom ihom kua Terem kpaa.

YOHANE 5:37

Ter u A tindim la kpaa A pase kwagh Wam. Mayange ne mba a ungwa imo Na ga, shin ne mba a nenge mluyol Na kpaa ga.

YOHANE 7:29

Mo yô, M fa Un; gadia M due her a Na, man ka Un kpaa A tindim ye.

YOHANE 8:19

Tsô ve kaa a Na er: Nahan Teru ngu hana? Yesu gema kaa er: Ne fam ga, Terem kpaa ne fa Un ga; nea fem yô, ma ne fe Terem kpaa.

YOHANE 8:55

Kpa ne fa Un ga; Mo yô, M fa Un; aluer Mea kaa Mer; M fa Un ga yô, ma M hingir oraie er ne nahan je; kpa M fa Un, shi M we kwaghôron Na iko kpaa.

Mbakolose 1:15

Un ka ibeen i Aôndo u i nengen a Na ga la, ka Waniunda ken akaa a i gbe a cii,

1 Timoteu 6:16

Ka Un tseegh A lu u kpen ga ye, A tema ken iwanger i i gande u mgbôghom her yô. Ma or ngu a nenge a Na ga, á fatyô u nengen a Na kpaa ga, icivir i̱ lu i Na kua tahav kpaa gbem sha won. Amen.

1 Yohane 4:12

Mayange ma or ngu a nenge a Aôndo ga, kpa aluer se doo ayol a ase yô, Aôndo tema ken a vese man dooshima Na kpaa hingir vough ken vese.