YOHANE 6:45 - ICIGHAN BIBILO

⁴⁵ Ken uprofeti i nger er: Ve cii Aôndo Una tese ve. Hanma or u nan ongo kwagh shi nan hen kwagh hen Ter kpaa yô, nana va her a Mo.

YOHANE 6:45 Iomraidhean Croise

Yesaia 2:3

Ior kpishi vea za, vea kaa er: Va sé kôndo nen sha uwo u TER, sha iyou i Aôndo u Yakob, A̱ tese se igbenda Na, se kpaa sé zende sha igbenda Na; gadia ka ken Shion man tindi una due ye, kua kwaghôron u TER kpaa ken Yerusalem.

Yesaia 54:13

Ônov ou ci ca kpaa vea lu mba TER A tese ve yô; mkpeyol u ônov ou kpaa una vese je.

Mika 4:2

akuraior kpishi aa za aa kaa er: Va nen, sé za nen sha uwo u TER, hen ya u Aôndo u Yakob, sha u Una tese se igbenda Na man sha u sea zenden sha igbenda Na kpaa; gadia ka ken Shion tindi una due ye, kua kwaghôron u TER kpaa, ken Yerusalem.

Mateu 11:27

Akaa cii Terem gema a, wam sha ikev, man shi ma or fa Wan ga, saa Ter tseegh, man shi ma or fa Ter kpaa ga, saa Wan, man shi hanmô u Wan A we ishima u pasen nan yô.

Mateu 17:5

Tsô ngur ôron kwagh nahan ave je yô, ibeenegh ki iwangeregh va gba mure sha a ve; tsô imo due ken ibeenegh kila, kaa er: Ngun ka Wan Wam u ishima ishima, u ishima i doom a Na yum yô, ungwan nen Un.

Marku 1:2

er i nger ken profeti Yesaia nahan er: Nenge, M ngu tindin ortyom Wam sha ishigh You u una sôr U gbenda yô;

Luka 1:70

er A ôr sha ikev i uicighanmbaprofeti Nav mba tsuaa la,

Luka 18:31

Tsô A kua a mba pue kar uhar mbala gba kaan a ve er: Nenge, se mba zan sha Yerusalem, man akaa a uprofeti nger la cii, aa er Wan u or.

YOHANE 10:27

Iyôngo Yam ngi ongo imo Yam, Mo kpaa M fa i, ngi dondon sha a Mo kpaa.

YOHANE 6:37

Mba Ter A nem cii, vea va her a Mo; man or u nana va hen Mo kpaa, mayange Me ta nan kera ga.

YOHANE 6:65

Tsô A kaa er: Ka sha ci u nahan man M kaa a ven Mer: Ma or nana fatyô u van her a mo ga, saa Terem Una na nan.

Aerenakaa A Mbaapostoli 13:40

Yô, ver nen ishima sha er kwagh u uprofeti ve kaa la a̱ de tseren ne ga yô; ve kaa er:

Aerenakaa A Mbaapostoli 7:42

Kpa Aôndo de ve ve gba civir ikum i akaa a Sha, er i nger ken takerada u uprofeti nahan er: We ya u Iserael, anyom akunduahar ken taaikôngo, ne lu nan Mo nagh sha ilev mbi i senge man sha iniav mbigenev kpa?

Mbaefese 1:17

sha er Aôndo u Ter wase Yesu Kristu Ter u iengem A̱ na ne jijingi u mfe man u mpase sha u fan Un,

Mbafilipi 3:15

Nahan se mba se hingir vough la yô, se lu nen a mhen ne. Man aluer mhen wen una kaha kposo sha ma kwagh yô, heera kpaa, Aôndo Una pase ne.

1 Mbatesalonika 4:9

Sha kwagh u dooshima a anmgbianev yô, kera gba u á nger ne ga, gadia ne ayol a en kpaa, Aôndo tese ne u doon ayol a en.

Mbaheberu 10:16

Ngin ka ikuryan i Me ya a ve ne er ayange ne aa bee yô, Ter shi kaa er: Me na atindi a Am ken asema a ve man ka ken mbamhen vev je Me nger a ye.

1 Yohane 2:27

Kpa ne yô, mshigh u ne zua a mi her a Na la, ngu lun ken a ven, kera gba u ma or nana tese ne ga, kpa mshigh Na ne, a tesen ne kwagh sha akaa cii, un ka u mimi, ka u aiegh ga, man er a tese ne nahan yô, lu nen ken a Na kpaa.