YOHANE 6:27 - ICIGHAN BIBILO

²⁷ De kera eren nen tom sha ci u kwaghyan u a saan ishe ga, kpa i̱ lu sha ci u kwaghyan u a lu zan zan uma u tsôron, u Wan u or Una na ne yô, gadia Aôndo Ter, ver ikav sha a Na.

YOHANE 6:27 Iomraidhean Croise

Upasalmi 2:7

Me pase awashima u TER: A kaa a Mo er: We, U ngu Wan Wam je, Mo M mar U nyian.

Upasalmi 40:7

Tsô m kaa mer, nenge, m va ve, ka ken ihurenruamabera i nger kwagh wam ye.

Anzaakaa 9:5

Va, va ya nen kwaghyan wam, ma wain u m nongo ne;

Orpasenkwagh 6:7

Tom u or u sha ican cii, ka sha ci u zwa u nan je, nahan kpaa kwagh kom isharen i nan la ga.

Yesaia 42:1

Nenge Wanakiriki Wam u M tuur Un; icuwan Wam u ishima i doom a Na yum yô; M ver Jijingi wam sha a Na, Una va a ijirôron i mimi hen akuraior.

Yesaia 55:2

Ka nyi man ne vihin inyaregh sha kwagh u a lu kwagh u yan ga, man tom wen u tsung kpaa sha kwagh u a lu u yan kuman ga nahana? Ver nen ato her a Mo, sule nen iyol sha u ungwan, ya nen kwagh u a lu u dedoo yô, man i̱ doo uma wen iyol a taryan u wan ahôm.

Yeremia 15:16

Ka a zua a akaaôron a Ou yô, m ya a, akaaôron a Ou hingir mo iember man msaanyol ken ishima yam; gadia i yilam sha iti You je, TERE, Aôndo u akum a Sha.

Habaku 2:13

Yô, nenge, kera ka TER u akum a Sha A ne er ior ve eren tom u ican sha ci u usu, man akuraior ve vôr ayol a ve sha ci u gbilinkwagh ye gaa?

Mateu 17:5

Tsô ngur ôron kwagh nahan ave je yô, ibeenegh ki iwangeregh va gba mure sha a ve; tsô imo due ken ibeenegh kila, kaa er: Ngun ka Wan Wam u ishima ishima, u ishima i doom a Na yum yô, ungwan nen Un.

Mateu 25:46

Mbala vea kar vea yem ken mtsaha u tsôron; kpa mbaperapera yô, vea nyôr ken uma u tsôron.

Mateu 3:17

Imo due Sha, kaa er; Ngun ka Wan Wam u ishima ishima, u i doom a na yum yô.

Mateu 6:19

De koson nen akaa a injaa sha ci wen shin tar ne hen ape ivina kua nduran ve vihin kwagh kera, mbaiv kpaa ka ve time ve iin ne ga;

Mateu 8:20

Yesu gema kaa a na er: Atsôngo nga a ijô, inyon i sha ngi a aya, kpa Wan u or yô, ngu ape suur ityough ga.

Marku 1:11

Imo kpaa due Sha, er: We, U ngu Wan Wam u ishima ishima, ka We ishima i doom a We yum ye.

Marku 9:7

Tsô ibeenegh va gba mure sha a ve, imo kpaa due ken ibeenegh kila kaa er: Ngun ka Wan Wam u ishima ishima, ungwan nen Un!

Luka 3:22

man Icighan Jijingi sen sha a Na sha inja i iyolough er ikungugh nahan; imo kpaa due Sha kaa er: We, U ngu Wan Wam u ishima ishima; ka We ishima i doom a We yum ye.

Luka 9:35

Imo kpaa due ken ibeenegh kila, gba kaan er: Ngun ka Wan Wam u M tsough Un, ungwan nen Un.

YOHANE 10:28

Mo m ne i uma u tsôron ia tim mayange ga, ma or kpaa nana tsuwem i sha ikev je ga.

YOHANE 11:42

kera je kpaa M fa er U ongom keke yô, kpa ka sha ci u ikpelaior i i kasem heen ne man M kaan nahan ye, sha u ve̱ na jighjigh er i lu We U tindim yô.

YOHANE 14:6

Yesu kaa a na er: Mo M ngu gbenda man mimi man uma kpaa. Ma or gbe van hen Terem ga, saa nana kar her a Mo.

YOHANE 15:24

Aluer Mea eren ityom her a ve i mô gen nan er ga yô, ma ve lu a isholibo ga; kpa hegen yô, ve nenge i, shi ve kôrom ihom kua Terem kpaa.

YOHANE 17:2

gadia U na Un tahav sha uuma cii, sha u mba U ne Un cii A̱ na ve uma u tsôron yô.

YOHANE 3:15

sha er anti or u nan ne Un jighjigh yô, nana̱ zua a uma u tsôron.

YOHANE 3:33

U nan rumun mpase Na la yô, nan seer u tesen er Aôndo A lu u mimi yô.

YOHANE 6:40

Gadia ishima i Terem ka i ne: Hanma or u nan nenge a Wan, shi nan ne Un jighjigh yô, nana̱ zua a uma u tsôron, man Mo kpaa Me nder nan sha iyange i masetyô.

YOHANE 6:47

Mimi mimi je, M kaan ne ne, or u nan ne jighjigh yô, nan ngu a uma u tsôron.

YOHANE 6:51

Mo M ngu kwaghyan u uma u a sen sha la; aluer anti or nana ya kwaghyan ne yô, nana lu uma gbem sha won. Man kwaghyan u Me na yô, ka iyol Yam je, sha ci u uma u tar.

YOHANE 6:53

Yesu kaa a ve er: Mimi mimi je M kaan ne ne, aluer né yaan iyol i Wan u or, man shi né maan awambe a Na kpaa ga yô, né lu a uma ken ayol a en ga.

YOHANE 6:54

Or u nan ye iyol Yam, shi nan me awambe Am yô, nan ngu a uma u tsôron; Me nder nan sha iyange i masetyô.

YOHANE 6:58

Ngun ka kwaghyan u a sen Sha je ne; ka er uter enev lu ya mana, shi kpe la ga. U nan ye kwaghyan ne yô, nana lu uma gbem sha won.

YOHANE 6:62

Man aluer nea nenge Wan u or Una kôndon Una yemen Sha, hen ape vande lun yô, á lu ne nana?

YOHANE 6:68

Shimon Peteru gema kaa a Na er: Tere, ka hen an je shi sé zaa? Ka We U lu a mkaanem ma uma u tsôron ye.

YOHANE 8:18

Mo M eren shiada sha kwagh Wam iyol Yam, man shi Ter u A tindim kpaa, eren shiada sha a Mo.

Aerenakaa A Mbaapostoli 10:38

ka kwagh u Yesu Ornasareti la, u Aôndo haa Un Icighan Jijingi man agee; lu zenden, eren ityom i dedoo, waren mba diabolo eren ve ican la cii, gadia Aôndo lu a Na.

Aerenakaa A Mbaapostoli 2:22

Ne ior i Iserael, ungwa nen akaaôron ne: Yesu, Ornasareti Or u Aôndo tese ne Un sha ityom i ageegh man sha akaa a kpilighyol man uivande mba Aôndo er sha ikev Na her atô wen, er ne kpaa ne fe nahan;

Mbaromanu 4:11

A ngohol ikav i icôngo, lu ikav i tesen sha perapera u sha jighjigh u nan u a lu a mi je er a lu a tsôngo ga la. Lu sha u una lu ter u mbaipusuv mba ve ne jighjigh la cii, sha u i̱ gema kwagh la i̱ nenge er ka perapera ve je la.

Mbaromanu 6:23

Gadia injar i isholibo i kimbin yô, ka ku, kpa iwua i sha mrumun u sha mhôôn u Aôndo yô, ka uma u tsôron ken Kristu Yesu Ter wase.

1 Mbakorinte 6:13

Akaayan nga sha ci u iyav; iyav di kpaa mbu sha ci u akaayan, kpa mbu kua a kpaa, Aôndo Una kar a mi kera cii. Kpa iyol yô, ngi sha ci u idya ga, kpa ngi sha ci u Ter man Ter kpaa ngu sha ci u iyol.

1 Mbakorinte 9:2

Aluer m ngu mbagenev apostoli ga kpaa, ne yô, m ngu ne apostoli keng je. Ka ne je, ne lu ikav i tesen sha tom wam u apostoli ken Ter ye.

2 Mbakorinte 4:18

Se mba kera veren asema sha akaa a i nengen a mi la ga, kpa ka akaa a i nengen a mi ga la, gadia akaa a i nengen a mi la ka a karen kera, kpa a i nengen a mi ga la gema ka a tsôron je.

Mbagalatia 5:6

Gadia ken Kristu Yesu yô, icôngo kera ngi a ma inja ga shin ipusu kpaa ga, saa di jighjigh u nan u a eren tom sha dooshima yô.

Duteronomi 30:13

Shi ngu yande zegemnger kpaa ga, er ú kaa wer: Ka an nana per zegemnger nana za va se a mi, nana na er sé ungwa un sha er sé waan un iko?

Mbafilipi 2:13

gadia ka Aôndo je A lu eren tom ken a ven ye, sha u kwagh u a doo Un la a̱ sar ne, shi ne̱ eren sha mi kpaa.

Mbakolose 1:29

Ka sha kwagh ne je m lu eren tom, m lu nôngon ngegh sha ieren Na i A eren ken mo sha agee la.

Mbakolose 2:22

ka akaa a i eren kwagh a mi kpa a saan ishe la, nga sha inja i atindi man ityesen i ior tsô.

Mbakolose 3:2

Ver nen ishima sha akaa a Sha, i̱ de lu akaa a shin tar ga.

1 Mbatesalonika 1:3

Ka sha ishigh ki Aôndo Ter wase man se lu umbur tom wen u sha jighjigh u nan gbem ye, man gbashima wen u sha tom u dooshima man ishimawan yen i sha ishimaveren keghen Ter wase Yesu Kristu la.

WASHIKA U SHA UHAR U PAULU APOSTOLI TINDI HEN TIMOTEU - 2TI 2:19

Kpa imagh ki Aôndo ki ki tenger ga la yô, ki tile her, ki a ikav ne: Ter fa mba Nav, man shi, hanma or u nan teren iti i Ter yô, nana̱ pav a ifer.

Mbaheberu 12:16

Ma or nana̱ de luun or u idya shin dangor er Isou u a tee tamen na sha ankwaghyan ityô i môm tseegh nahan la ga.

Mbaheberu 4:11

Yô, se nôngo nen tsung u nyôron ken mmem la sha er ma or nana̱ de gbaan sha inja i ihembeato la ga.

Yakobu 1:11

Gadia iyange ka i due i tsee, toho u use, ikparen u u kpaa a ndoor, mdoom ma mluashe na la kpaa ka ma kar kera. Kape ornyar nana use kua ityom i nan eren la cii kpaa.

1 Peteru 1:24

Gadia: Uumace cii mba er toho nahan man icivir ve cii ngi er ikparen u toho nahan; toho ka u use man ikparen u u a ndoor a gba inya,

2 Peteru 1:17

Gadia A ngohol icivir man iengem hen Aôndo Ter zum u imo due ken iengem i hemban la, ôr kwagh A Na er: Ngun ka Wan Wam u ishima ishima u ishima i doom a Na yum yô.