YOHANE 6:14 - ICIGHAN BIBILO

¹⁴ Tsô ior mba nengen ivande i A er nahan la yô, ve kaa er: Mimi je, ngun ka profeti u i ongo er ngu van shin tar je ne.

YOHANE 6:14 Iomraidhean Croise

Genese 49:10

Tôgh kua kar hen Yuda kera ga, gbough ku ortaregh kpaa kua kar hen atô u angahar a na kera ga, zan zan Un u ku lu ku Nagh la, Una va; ka Un akuraior aa ungwan imo Na ye.

Mateu 11:3

ve za pine Un er: Ka We Un u U lu van ne, shin se ver ishima sha ugenee?

Mateu 21:11

Ikpelaior kaa er: Ngun ka profeti Yesu, u A dugh ken Nasareti u ken Galilia la.

Luka 24:19

A kaa a ve er: Ka nyi akaa? Ve kaa a Na er: Ka kwagh u Yesu, Or u Nasareti, u A lu profeti u lun a agee ken tom man kwaghôron sha ishigh ki Aôndo kua ior cii.

Luka 7:16

Nahan mciem gba ve iyol cii, ve gba civir Aôndo kaan er: Zegeprofeti mough ken vese ve; man shi Aôndo va sôr nongo Na.

YOHANE 1:21

Nahan ve pine un er: Tsô u ngu ana? U ngu Eliya? A kaa er: M ngu un ga. Tsô u ngu profeti laa? A gema a kaa er: Ei!

YOHANE 11:27

A kaa a Na er: Een Tere, M vande nan jighjigh kera je mer, We U ngu Kristu, Wan u Aôndo u A lu van shin tar ne.

YOHANE 2:11

Ivande i hiihii ne yô, Yesu er ken Kana u Galilia, A tese icivir Na ken igbar; mbahenen Nav kpaa na Un jighjigh.

YOHANE 4:19

Kwase la kaa a Na er: Tere, m kav er U lu profeti ve.

YOHANE 4:25

Kwase la kaa a Na er: M fa Mesiya ngu van u i yer Un er Kristu la, zum u Un Una va va yô, Una pase se akaa cii.

YOHANE 4:42

Ve gba kaan a kwase la er: Se mba nan jighjigh, kpa kera ka sha ci u mkaanem ou ga, gadia se ayol ase se ungwa, man se fa er Ngun A lu Oryiman u tar mimi je yô.

YOHANE 6:2

Ikpelaior kpishi cir Un ijime sha ci u ve nenge uivande mba A er sha mbauangev yô.

YOHANE 6:26

Yesu gema kaa a ve er: Mimi mimi je, M kaan ne ne, ne mba keren Mo, ka sha ci u ne nenge uivande ga, kpa ka sha ci u mye u ne ye ubredi mbala, ve kom ne yô.

YOHANE 6:30

Tsô ve kaa a Na er: Ka nyi ivande U eren sha u sé nenge, se̱ na U jighjighi? Ka nyi tom U erene?

YOHANE 7:40

Mbagenev ken ikpelaior mba ongo akaaôron angan nahan yô, ve kaa er: Mimi je, Ngun ka profeti shon mimi je ne.

Aerenakaa A Mbaapostoli 7:37

Ka Mose shon je man a kaa a Mbaiserael er: Aôndo Una ver ne profeti ken anmgbianev enev er mo nahan ye.